2 Korin 2:14 - Nupela Testamen long tokples Kandas

¹⁴ Ikut a watung wakak torom o God, uni o Karisito i mugu met elar nama king ra i win. O God i tulu sarara met, sur met in wasiso puaso un o Karisito, sur a taro una kum tamon rop det in tasmani. A tastasman ra, i elar nama utna i sangnain wakak.

2 Korin 2:14 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 16:33

“A watung a kum wasiso ri tamot sur mot in laun un iau, ma a balamot in bukus nama malmal. Nin una rakrakon bual, mot in taramo a mamaut. Ikut gong mot ngara, uni a sa winim pas a rakrakon bual.”

A Pas anun o Pol torom a taro Rom 1:8

Iri a mugano utna, una risan o Iesu Karisito, a watung wakak torom anung a God un mot rop, uni a taro tagun a rakrakon bual rop, det wasiso puaso una numot a nurnur.

A Pas anun o Pol torom a taro Rom 15:19

Det tama a dekdekin a kum ukinalong ma a kum utna na ukisin ra a pami nama dekdekin a Tokodos na Nion. Tagisapat o Jerusalem tuk tong o Ilirikum, a sa warawai rop pas iai nama Wakak na Wasiso anun o Karisito.

A Pas anun o Pol torom a taro Rom 6:17

A watung wakak torom o God, uni numugu mot a kum tene ititula anun a sakino petutna, ikut uniri mot mur a kum etowo nama balamot rop. A kum etowo ra di pitar tari tamot.

A Pas anun o Pol torom a taro Rom 8:37

Awu, dat in pas pisopiso a kum utna ri, kibino un o Karisito ra i maris doko dat.

1 Korin 12:8

A Tokodos na Nion i tabor ara nama mananos sur in wasiso nami, ma a Nion ut ra, i tabor ara kai nama wakak na nuknuk sur in wasiso nami.

1 Korin 15:37

Ma ra u marut a pitino wit o tin pitino duwai gisen kai, kon marut in nanai ino, awu, un maruti ut in pitino.

1 Korin 15:57

Ikut, dat in watung wakak torom o God, uni i tabor dat nama dekdek sur dat in winim pas a sakino petutna ma a minat nami, una pinapam ra o Iesu Karisito anundat a Labino i sa pam tari.

2 Korin 1:11

ra mot in warut met nama niaring. I mo ra a susut na taro det in watung wakak torom o God, sur met, uni i maris met ra i longoro anundet a kum niaring.

2 Korin 8:16

A watung wakak torom o God ra i unuk tar o Taitus sur in warut mot. I nem mot elar nam iau kai a nem mot.

2 Korin 9:15

Dat in watung wakak sakit torom o God, una nun a labino etabor, ra kataio in watung palos lar pasi.

Epeses 5:2

Mot in laun nama marmaris, elar nam o Karisito i maris dat, ra i pitar tar anun a nilaun sur dat, elar nama etabor ra i sangnain wakak torom o God.

Epeses 5:20

Ma una kum bung rop, mot in watung wakak una kum utna rop torom o God a Tamandat, nama risan anundat a Labino o Iesu Karisito.

Pilipai 4:18

A sa los pas a kum utna rop ra mot tula i. I labo sakit, ma i labo taun anung a sibo. Ka sibo mo sur tu utna, uni a kum utna ra mot tula i, a sa los pasi tan o Epaproditus. I elar nama etabor torom o God, ra i sangnain wakak, ra o God i gas nami, ma i tokodos toromi.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

Kolosi 1:6

ra i wanpat torom mot. A Wakak na Wasiso, ra i lubung, ma i wu a wino una rakrakon bual rop, elar nami ra i wu epotor tamot, turpasi una bung ra mot longoro i, ma mot tasman mulus a marmaris anun o God.

Kolosi 2:15

O God i sa rakon ru a dekdekin a kum nion ra det utur ukai a dekdek ma a kum nion ra det utur ukai a warkurai. Ma unin nanai kutus i ban umaimai det umatan a taro rop, uni i ese i lena, i sa winim rop pas det.

1 Tesalonaika 1:8

A wasiso anun a Labino ra mot upuaso i, i sa wan sarara, elar nama tinangis ina garamut, ra i wan bakbak. Awu sur tiro kut o Masedonia ma o Akaia, awu. A kum tamon rop det sa tasman anumot a nurnur un o God. Asau melet mo ra metul in watungi?

1 Tesalonaika 3:9

Metul gas doko nam mot umatan anundat a God, ma metul watung wakak toromi. Metul in watung wakak pepetlai toromi? Uni anumetul a gasgas i labo doko.

1 Timoti 2:8

A nemi sur a kum musano una kum tamon det in wararing ma det in tulsu a kum lamandet usapat netes, det in pitar tar det torom o God, ma gong det kankan ma gong det engaras.

2 Timoti 2:2

A kum etowo ra u sa longoro pasi tang umatan a susut na taro, un ususer lako taro nami. A taro ra u nurnur un det lena det in pet lar pasi sur det in ususer lako taro kai nami.

Tamtama 7:12

det watungi lena, “Amen! Din watung ulabo pas anundat a God, din watung wakak toromi, ma din ru i. I utur ukai a minamar, a mananos, ma a dekdek, ken rop, ma ken rop. Amen!”