2 Korin 2:13 - Nupela Testamen long tokples Kandas

¹³ Ikut in balang ke molmol, uni ka sio pas o Taitus, a tisinglik una nurnur. I mo ra a wasiso na itula taru torom det tagitiro iai, ra a wan pas utong o Masedonia.

2 Korin 2:13 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 6:46

Ra i wan gusun det, i wan tito usapat una tangai sur in wararing.

Aposel 21:6

Numur met wasiso na itula pas, ra met kas una sip, ra det, det milet melet sur anundet a kum rumu.

A Pas anun o Pol torom a taro Rom 15:26

Uni a kum tene nurnur tong una aru papor Masedonia ma o Akaia det gas sur det in woro tomo a mani, sur det in warut a kum tene nurnur ra det sibo sapat o Jerusalem.

2 Korin 12:18

A saring pas o Taitus sur in nan torom mot, der nam ara tisimet kai. Pepetlai, o Taitus i sa los pas tu utna gusun mot? Awu. Met muri kut ara nuknuk, ma ara kisapi kut ra met muri.

2 Korin 7:13

Ra una kum utna ri mot uragot met. Mot uragot met, ma met gas doko kai ra met tama i lena, o Taitus i gas, uni mot waruti sur a nuknukino in mana.

2 Korin 7:14

Ra ke wan utmakai, a warango mot toromi, ma ka mot ban umaimai iau. A kum utna ra met watungi tan o Taitus un mot i lingmulus, elar nam anumet a kum wasiso rop torom mot i lingmulus.

2 Korin 8:16

A watung wakak torom o God ra i unuk tar o Taitus sur in warut mot. I nem mot elar nam iau kai a nem mot.

2 Korin 8:23

Ma o Taitus i papam tomo nam iau, sur mir in warut mot. Ma aru tistisi mot kai, ra detul nam o Taitus detul in nan tomo, der tur ukinalong a taro na lotu una kum tamon, ma nunder a nilaun, i pitar a urur torom o Karisito.

2 Korin 8:6

I mo ra met saring o Taitus sur in warut mot sur mot in pam sot pas a pinapam na etabor ri, uni i ut i warut mot ra mot turpas a pinapam na etabor ri.

Galesia 2:1

Numur tan a noino ma wat na kilalo, a wan melet usapat o Jerusalem, mir nam o Banabas, ma a beni kai o Taitus.

Galesia 2:3

Mir kis tomo nam o Taitus, a te Grik, ikut ka det ungongos pasi sur din tok talilis a pinino, elar nama Warkurai anun a taro Juda.

2 Timoti 4:10

uni o Demas i sa wan pas gusun iau, uni i nem a kum utna tagun a rakrakon bual, ra i sa wan utong o Tesalonaika. O Kresens i wan utong una papor Galesia ma o Taitus i wan utong una papor Dalmatia.

Taitus 1:4

A tumtumus torom ui Taitus, a nutunglik ra anundar a nurnur i elar. A marmaris ma a malmal tan o God a Tamandat, ma o Karisito Iesu anundat a Tene Ulaun, in kis tomo nam ui.