2 Korin 13:9 - Nupela Testamen long tokples Kandas

⁹ Ra mot dekdek ma met kalako dekdeki met, met gas kut. Ma met wararing sur mot in tokodos una numot a nurnur.

2 Korin 13:9 ပူးပေါင်းရင်းမြစ်များ

A Pas anun o Pol torom a taro Rom 15:2

Dat rop taktakai dat in nuk pasi kai a pasandat, ma dat in pam a kum utna ra in waruti, ra in udekdek anun a nurnur.

1 Korin 1:10

A kum tistising, a saring mot nama risan anundat a Labino o Iesu Karisito, sur mot rop mot in tur tomo, ma gong mot taptapagol. Ma in takai kut a nuknuki mot, ma anumot a nemnem kai.

1 Korin 2:3

Ra a wanpat torom mot, katu dekdeking, a ngara ma a neneder doko.

1 Korin 4:10

A taro det nuki lena met a kum longlong uni met ser mur o Karisito. Ikut mot, mot nuki lena mot sa mananos rop una numot a nilaun un o Karisito. Met, ka met dekdek, ikut mot, mot nuki lena mot dekdek. Mot, di ulabo pas mot, ikut met, di tama pisopiso met.

2 Korin 11:30

Kan warango pas iau un tu utna gisen, an warango pas iau kut una kum utna ra i upuaso i lena, kalako dekdeking.

2 Korin 13:11

Anung a ururop na wasiso mo ri: A kum tistising, mot in gas! Mot in ukodos mot, mot in mur anung a wasiso, in takai kut a nuknuki mot, ma mot in kis na malmal etetalai. Ra a God na marmaris ma a malmal in kis tomo nam mot.

2 Korin 13:4

I lingmulus, ra di sak wat o Karisito unin nanai kutus, katu dekdekino. Ikut una dekdekin o God, i laun melet. Lenkutkai ra kalako dekdeki met tomo nam o Karisito, ikut met laun tomo nami nama dekdekin o God, sur met in papam torom mot.

2 Korin 4:12

I mo ra a minat i papam un met, ikut a nilaun i papam un mot.

2 Korin 7:1

A kum wakak na paspasang, dat sa rakon pas a kum liliman ri, ra i wakak sur dat in utalapor pas dat gusun a kum utna rop ra i udur a pinindat ma a niondat. Ma dat in talapor rop, uni dat urur doko torom o God.

Kolosi 1:28

Met warawai un o Karisito torom a taro rop. Met utumarong det, ma met ususer det nama mananos rop, sur met in ben pas det rop torom o God, ma det in tokodos sakit, uni det tagun o Karisito.

Kolosi 4:12

O Epapras, i ara ut tagun mot, ma a tultul anun o Karisito Iesu, i pitar anun a marmaris torom mot. I ser wararing dekdek sur mot, sur mot in tur dekdek una numot a kinkinis na nilaun un o Karisito, ma mot in tasman mulus a nemnem rop anun o God.

1 Tesalonaika 3:10

Una kum mirum ma a waspi, metul pitar rop tar anumetul a nilaun una niaring sur mot. Metul wararing sur metul in tama melet mot, ma metul in ususer mot un lako kum utna ra mot sibo utmakai suri una numot a nurnur.

2 Timoti 3:17

A Buk Tabu i waninar a taro anun o God sur det in pam a kum ngas na wakak na pinapam rop.

Ibru 12:23

Mot sa wanpat una kinkinis tomo anun a kum mugano nutnutun o God, det ra di sa tumus tar a kum risandet sapat netes una langit. Mot sa wanpat torom o God, i ra a Tene Warkurai anun a taro rop, ma torom a nion a kum tene tokodos, ra o God i sa utokodos sakit pas det,

Ibru 13:21

A wararing torom o God sur in tabor mot nama kum wakak na petutna rop, sur mot in mur anun a nemnem. A wararing kai un dat, lena, una pinapam anun o Iesu Karisito, o God in papam una nilaun anundat sur asau ra in gas nami. Dat in watung ulabo pas o Iesu Karisito, ken rop ma ken rop. Amen.

Ibru 6:1

I mo ra dat in nan usa numugu sur a kum etowo bulung ra in sot sur a taro ra det sa labo una nurnur. Gong dat ususer melet una kum mugano etowo un o Karisito ra dat sa ususer pas uni. A kum etowo lenri: a nukpukus gusun a kum petutna ra in ben dat sur a minat, a nurnur un o God,

1 Pita 5:10

Ikut o God, i a God na marmaris, ma un o Karisito i kabo pas mot sur mot in kis tomo nami una nun a minamar ra ken rop. Ra mot sa taramo tar a ngunungut un tu nat na du bung kut, numur i ut in uwakak pas mot melet, in udekdek mot ma in warut mot sur mot in tur dekdek.