2 Korin 13:14 - Nupela Testamen long tokples Kandas

¹⁴ A marmaris anun a Labino o Iesu Karisito, ma a marmaris anun o God, ma a kinkinis tomo anun a Tokodos na Nion in kis tomo nam mot rop.

2 Korin 13:14 ပူးပေါင်းရင်းမြစ်များ

Matiu 6:13

Gong u ben met una ululam. Un ulaun met gusun a Tene Sakino.’

A Wakak na Wasiso un o Iesu Karisito o Jon i tumusi 4:10

Ikut o Iesu i balu i lena, “Ra u tasman a etabor anun o God, ma u tasman osi kai ra i saring ui sur lako danim, un saringi, ma in tabor ui nama danim na nilaun.”

A Wakak na Wasiso un o Iesu Karisito o Jon i tumusi 4:14

Ikut det ra det in inum a danim ra an tabor det nami, ka det in muruk melet mo. A danim ra an tabor det nami, in elar nam ara matmatano danim una nundet a nilaun, ra in burburak pat ma in tabor det nama nilaun tukum.”

A Wakak na Wasiso un o Iesu Karisito o Jon i tumusi 7:38

Osi ra i nurnur un iau, ‘a kum danim na nilaun det in sal pat tagun anun a nilaun,’ elar nami ra di sa tumus tari una Buk Tabu.”

Aposel 15:11

Dat nurnur lena, din ulaun dat i kibino una marmaris anun anundat a Labino o Iesu, lenkutkai ra torom det.”

A Pas anun o Pol torom a taro Rom 1:7

A tumtumus torom mot rop tiro o Rom, ra o God i maris mot, ma i kabo pas mot sur mot anun a taro. A marmaris ma a malmal tan o God a Tamandat ma a Labino o Iesu Karisito in kis tomo nam mot.

A Pas anun o Pol torom a taro Rom 16:20

Ma o God, i ra a kibin a malmal, milau mo in pas ginogino o Satan utuntudu ina kum kikimot. A marmaris anun anundat a Labino o Iesu in kis tomo nam mot.

A Pas anun o Pol torom a taro Rom 16:23

O Gaius i pitar anun a marmaris torom mot. A musano ri i gas pas iau, tomo nama taro na lotu rop, ma i papos anun a rumu torom met. Ma o Erastus a tene tamtamabat a mani tagun a tamon ri, ma o Kwatus a tisindat, der kai der pitar anunder a marmaris.

A Pas anun o Pol torom a taro Rom 16:27

Dat in watung ulabo pas o God, i ra ara God kut, ra a tene mananos. Dat in watung ulabo pasi kibino un o Iesu Karisito, uniri ma numur ma ken rop. Amen.

A Pas anun o Pol torom a taro Rom 5:5

Ra dat kis langlang nama nurnur, dat tasmani lena a utna ra o God i sa uliliman taru uni in nanpat ut. Uni o God i sa pitar tar a Tokodos na Nion tandat. Ra a Tokodos na Nion i sa lingis tar a marmaris anun o God unin balandat.

A Pas anun o Pol torom a taro Rom 8:39

tu ngas na utna tagisapat netes o taginin upiso. Awu! Katu utna mulus una kudulano ukukis in ukis susuaro lar pas dat gusun a marmaris anun o God, ra i pitar tari torom dat un o Karisito Iesu anundat a Labino.

A Pas anun o Pol torom a taro Rom 8:9

Ikut mot, ka mot kis mo utuntudu ina sakino nemnem ina pinimot. Awu! Mot kis utuntudu ina Tokodos na Nion, uni a Nion o God i laun un mot. Ikut, ra taio, a Nion o Karisito ke laun uni, i awu sur anun o Karisito.

1 Korin 12:13

Uni ara Nion kut i baptaiso dat rop, sur dat ara pinin o Karisito mukut, dat a taro Juda, ma dat ra awu sur a taro Juda, dat a kum tene ititula ma dat ra ka dat tene ititula. Ma o God i pitar ara Nion kut torom dat rop sur dat in inum taguni.

1 Korin 14:16

Ra u watung wakak torom o God una niom nama wur ngas na wasiso, taio ra ke talapor una kukurai ina num a wasiso, in watung “Amen” pepetlai? Uni ke tasman asau ra u watungi.

1 Korin 16:23

A marmaris anun a Labino o Iesu in kis tomo nam mot.

1 Korin 3:16

Pepetlai, ka mot tasmani lena mot a rumu anun o God, ma a Nion o God kura un mot?

1 Korin 6:19

Pepetlai, ka mot tasmani lena a pinimot i a rumu anun a Tokodos na Nion? A Tokodos na Nion ra i kis un mot, o God i sa tabor tar mot nami. Mot ut awu sur anumot,

2 Korin 8:9

Uni mot tasman a marmaris anun anundat a Labino o Iesu Karisito. I ut i tadaru sakit nama susut na utna, ikut i wan gusun anun a wakak na kinkinis sapat netes una langit, uni i maris mot, ma i kis na sibo nin una rakrakon bual, sur mot, mot in tadaru nama wakak na nilaun.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Epeses 2:18

O Karisito i papos a kisapi anundat rop torom a Tamandat, un ara Tokodos na Nion kut.

Epeses 2:22

Ma mot kai ra tagun o Karisito, o God i dat tomo mot, sur mot in nanpat a rumu ra a Niono i kis uni.

Epeses 5:9

Uni a nilaun anun o naro ra i kis una talapor i wu a wino lenri: a kum wakak na petutna, a kum tokodos na petutna, ma a lingmulusino.

Epeses 6:23

A malmal torom mot a kum tistising, ma a marmaris tomo nama nurnur, tan o God a Tamandat ma a Labino o Iesu Karisito.

Pilipai 2:1

A nilaun anumot un o Karisito i uragot mot, anun a marmaris i umanatung a nuknuki mot, mot laun tomo nama Tokodos na Nion, mot nem etetalai mot, ma mot pam a wakakino torom mot etetalai.

1 Jon 1:3

Met inanos mot un o naro ra met sa tama tari ma met sa longoro tari, sur dat in lason tomo, elar nam met, met lason tomo nama Tamandat, ma o Nutunu o Iesu Karisito.

1 Jon 3:16

Dat in tasman a marmaris mulus lenri: O Iesu Karisito i pitar anun a nilaun ma i mat sur dat. I wakak sur dat kai, dat in pitar anundat a nilaun ma dat in mat sur a kum tistisin dat.

1 Jon 3:24

Osi ra i mur anun a kum warkurai, i laun un o God, ma o God kai i laun uni. Ma dat tasmani lena o God i laun un dat, uni a Tokodos na Nion ra i tabor dat nami, kuri ut un dat.

A Pas anun o Jud 1:21

Mot in kis epotor una marmaris anun o God, ra mot kiskis langlang sur anundat a Labino o Iesu Karisito in tabor mot nama nilaun tukum. In tabor mot nami, uni i maris mot.