2 Korin 12:21 - Nupela Testamen long tokples Kandas

²¹ A ngara, sako ra an nanpat tiro, anung a God in unatino pas iau umatamot. Ma an tupunuk una susut tagun mot, ra det pam sakino tagun numugu utmakai ma ka det nukpukus gusun anundet a kum dur na petutna, a kum pamuk na petutna ma a kum nemnem sur a sakino petutna ra det ser muri.

2 Korin 12:21 ပူးပေါင်းရင်းမြစ်များ

A Pas anun o Pol torom a taro Rom 13:13

Dat in muri mo a tokodos na petutna, elar nami ra dat laun una waspi. Gong dat sipak, ma dat longlong tuptupukus. Gong dat pam a kum petutna na pamuk, ma a kum utna na maimai. Gong dat taptapagol, ma gong dat nuknuk laulau.

A Pas anun o Pol torom a taro Rom 9:2

A nuknuking i maut doko, ma ka mana nama tupunuk.

1 Korin 5:1

A longoro i lena a pamuk na petutna kura i kis epotor tamot. Ara tagun mot i pam a sakino tomo nama ino anun o tamano. A taro ra ka det nurnur, ka det ser pam a sakino petutna lenra.

2 Korin 10:6

Met langlang mot sur mot in mur rop a wasiso anun o Karisito, ra numur met in waninar sur met in warkurai det ra det pitarngat.

2 Korin 12:7

A kum utna ra o God i sa utamtama tar iau uni i labo sakit, ikut di pitar tar ara utna i suksuk ra i ser so a pining, sur gong a nuk ulabo pas iau ut una kum tamtama ri. A suksuk ra, a ensel anun o Satan ra i ban laulau a pining.

2 Korin 13:2

Una nung a manru na inawan pat torom mot, a sa utumarong tar mot una numot a kum sakino petutna. Ma uniri ra a kis gisen, an inanos melet mot ut una utna ri: Numur, ra an nanpat tiro, an wasiso dekdek torom det ra kabaut det nukpukus gusun anundet a kum sakino tagun numugu, ma osi kai ra i pam a sakino.

2 Korin 8:24

I mo ra mot in ese anumot a marmaris torom detul, sur a taro na lotu una kum tamon gisen det in tama lele a kibino ra met warango mot.

Galesia 5:19

Dat sa tasman a kum sakino petutna ra a nemnem ina pinindat i ser pami. Iri a kum petutna: A kum pamuk na petutna, a dur na petutna, a nemnem sur a sakino petutna,

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.

Ibru 13:4

I wakak ra mot rop, mot in ru a kinkinis na nolin, ma gong tu dur na petutna in kis uni. Uni o God in kuro taio ra i pam a sakino nam tu ino anun taio o tu musano anun taio, ma taio kai ra i pam a kum pamuk na petutna.

2 Pita 2:18

Det ulabo pas det nama kum wasiso oros kut, ma det ulam a taro sur det in pam a pamuk na petutna ma det in mur a kum laulau na nemnem ina pinindet. Una ngasino ri, det ulam det ra ke suano det utmakai a inawan gisen gusun a kum tene sakino.

A Pas anun o Jud 1:23

Ma mot in dat ulaun lakit pas ara taro ra kura mo una sungun. Ma torom ara taro kai, mot in ese a marmaris, ikut mot in ngara utkai, sako mot in mur a ngasino anundet. Ma mot in ngaran anundet a kum malu ra i dur nama nundet a kum sakino petutna.

A Pas anun o Jud 1:7

Lenkutkai ra torom o Sodom ma o Gomora, ma a kum tamon milau der. A taro tagitiro iai, det pam a petutna na pamuk, ma det pam a sakino petutna melet torom det ut a kum musano. Ra a kum tamon ra, det iru rop una sungun. Ma anundet a iniru i utumarong dat sur dat in tasmani lena, a labino sungun ra ken mat, i kis sur a kum tene sakino sur din tun det uni.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

Tamtama 22:15

Ikut a kum pap, ma a kum tene sangsagor, ma det ra det pam a kum pamuk na petutna, a kum tene um doko a taro, a kum tene lotu torom a kum torotoro na god, ma det ra det nem a torotoro ma det pami, kura det upiso unin noworo.

Tamtama 22:20

O naro ra i wasiso talapor una kum utna ri, i watungi lena, “Lingmulus, milau mo an nanpat.” Amen. Labino o Iesu wan urin.