2 Korin 12:2 - Nupela Testamen long tokples Kandas

² A tasman ara musano, a te Karisito, numugu tan a noino ma wat na kilalo, o God i ben pasi usapat una mantul na langit. Ka tasmani ra i los tito pasi, tomo nama pinino, o a niono kut. O God kut i tasmani.

2 Korin 12:2 ပူးပေါင်းရင်းမြစ်များ

Luk 24:51

Ra i watung udan det utmakai, i wan gusun det, ra o God i ben toto pasi usapat una langit.

A Wakak na Wasiso un o Iesu Karisito o Jon i tumusi 6:56

Osi ra in nan a pining ma in inum a gaping, in laun un iau, ma iau an laun uni.

Aposel 14:6

Ikut ra der longoro i, der wan gisen utong una papor Likonia, sur aru tamon o Listra ma o Derbe, ma a ramano kum tamon kai ra det kis milau.

Aposel 22:17

“Ra a milet melet usapat o Jerusalem, ma a wararing una rumu na etabor, a tama a Labino una tamtama, ra i watungi torom iau lena, ‘Un tur ma un nan lakit taginin o Jerusalem, uni ka det in longoro a wasiso puaso anumi un iau.’

A Pas anun o Pol torom a taro Rom 16:10

Mot in pitar anung a marmaris torom o Apelis, i ra di sa lar tari ma i upuaso i lena i a tene nurnur mulus un o Karisito. Mot in pitar anung a marmaris torom det ra tagun a rumu anun o Aristobulus.

A Pas anun o Pol torom a taro Rom 16:3

Mot in pitar anung a marmaris torom o Prisila ma anun a musano o Akuila, ra metul papam tomo una pinapam anun o Karisito Iesu.

A Pas anun o Pol torom a taro Rom 16:7

Mot in pitar anung a marmaris kai torom o Andronikus ma o Junias, aru kukung ra der kis tomo nam iau una karabus. Epotor tan a kum aposel a risander i wan sarara. Der aru mugano te Karisito tang, ma iau, a mur tander.

A Pas anun o Pol torom a taro Rom 16:9

Mot in pitar anung a marmaris torom o Urbanus, ara tene pinapam kai tagun met una pinapam anun o Karisito, ma torom a wakak na pasang kai o Stakis.

A Pas anun o Pol torom a taro Rom 8:1

I mo ra det ra tagun o Karisito Iesu, katu warkurai na minabalu mo anun o God torom det.

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

2 Korin 11:11

Pepetlai, ra ka saring mani gusun mot, i upuaso i lena, ka nem mot? Awu. O God i tasmani lena, a nem doko mot!

2 Korin 13:5

Mot in tama wakak anumot a nilaun, ra anumot a nurnur i lingmulus o awu. Mot tasmani lena, o Karisito Iesu i kis un mot, niko? Ra awu, anumot a nurnur ke lingmulus.

2 Korin 5:17

Ra taio tagun o Karisito, i a matok na ukukis. Anun a petutna tagun numugu i sa rop. Tama i, a matok na nilaun i sa wanpat.

2 Korin 5:21

O Karisito ke pam tu sakino petutna, ikut o God i ubek tar anundat a sakino petutna netes uni, sur dat ra tagun o Karisito, dat in rakon a tokodos na petutna anun o God.

Galesia 1:22

Ikut a taro na lotu anun o Karisito tong una papor Judia ka det tasman iau.

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Epeses 4:10

O naro ra i wan pirso, i ut ra i wan tito usapat sakit gusun a bakut, sur in ubukus a kum utna rop sapat netes ma nin upiso.

1 Tesalonaika 4:17

Numur dat ra dat laun utmakai, din los tomo pas dat nam det usapat una kum du bakut sur dat in etorom nama Labino una maino. Ra dat in kis tukum tomo nama Labino.

Ibru 4:14

Dat in tur dekdek una kum etowo ra dat nurnur uni ma dat ser wasiso puaso uni. Uni anundat a labino mugumugu na tene etabor torom o God, ra i wan usapat una langit, i ra o Iesu, a Nutun o God.

Ibru 9:24

Uni o Karisito ke ruk una nubual ra i Tabu Sakit, ra a taro det pami, awu. A nubual ra, a malalar kut tagun a nubual mulus ra i Tabu Sakit. I ruk usapat ut una langit ma uniri i ser tur umatan o God sur in warut dat.

Tamtama 1:10

Una bung anun a Labino, a bukus nama Tokodos na Nion, ma tong numur tang, a longoro in labino walngan ara, i elar namin tuwuru.

Tamtama 12:5

I usus pas a nat musano, i ra in warkurai dekdek sur a taro tagun a kum gapman rop namin nubuku na aen. Ma di los tito lakit pasi usapat torom o God, ma i wan sur anun a kiskis na king.

Tamtama 4:2

Uniutra, a bukus nama Tokodos na Nion. Ma sa numugu tang, a tama a kiskis na king sapat una langit, ma ara kura i kis taru uni.