2 Korin 11:6 - Nupela Testamen long tokples Kandas

⁶ Surko mot nuki lena, ka ususer pas sur a tene warawai, ikut a tasmani ut a utna ra a warawai nami. Mot ut, mot talapor uni, uni una kum utna rop met pami torom mot, met upuaso a mananos rop ri.

2 Korin 11:6 ပူးပေါင်းရင်းမြစ်များ

1 Korin 1:17

Uni o Karisito ke tulu iau sur an baptaiso, awu. I tulu iau sur an warawai nama Wakak na Wasiso. Ma awu sur an warawai nama wasiso na mananos anun a taro, surko in lakro ru a dekdekin in nanai kutus anun o Karisito ra in utna oros kut.

1 Korin 1:21

Uni, una mananos anun o God, i pami sur a taro una rakrakon bual ka det in pet lari sur det in tasman o God una mananos anundeti ut. A wasiso ra met warawai nami, a taro det nuki lena a longlong na wasiso, ikut, una wasiso ra, o God i gas sur in ulaun det ra det nurnur.

1 Korin 12:8

A Tokodos na Nion i tabor ara nama mananos sur in wasiso nami, ma a Nion ut ra, i tabor ara kai nama wakak na nuknuk sur in wasiso nami.

1 Korin 2:13

Met wasiso una kum etabor ri, ikut ka met wasiso nama kum wasiso na mananos anun a taro, awu. Met wasiso nama kum wasiso ra a Tokodos na Nion ut i ususer met nami. Met watung palos a kum etowo na nion torom a taro ra a Tokodos na Nion kura un det.

2 Korin 10:10

Uni a ramano taro det watungi lena, “Una nun a kum pas anun a wasiso i maut ma i dekdek, ikut ra i ut i kis tomo nam met, anun a wasiso i utna oros kut, ma ke maut.”

2 Korin 12:12

Ra a kis nisamot, a ulingmulus pas iau umatamot lena, iau a aposel mulus. A pam a kum utna na ukisin, a kum dekdek na pinapam, ma a kum ukinalong, ma pining ke ngoro sur an pam a kum utna ri, ra a taramo a kum maut.

2 Korin 4:2

Met sa mana gusun a kum sakino petutna ra di ser pam eno i, ma di ser maimai nami. Ka met papam nama torotoro, ma ka met palos raro a wasiso anun o God, awu. Met palos talapor a lingmulus na wasiso torom a taro, sur det in tasman lele i ut una nuknukin det lena, met watung a lingmulusino umatan o God.

2 Korin 5:11

I mo ra met papam doko sur met in ukatutur a nuknukin a taro sur det in nurnur, uni met ngara sur a Labino. O God i talapor un met lena, met osi na ngas na taro, ma a nurnur lenri mot kai mot talapor un met.

2 Korin 6:6

Anumet a petutna katu dur uni, ma met papam nama mananos. A pinimet ke ser ngoro una taro, met pami kut a wakak na petutna torom det. Met papam nama warut anun a Tokodos na Nion, ma a marmaris mulus.

2 Korin 7:2

Mot in nem met nama balamot. Ka met pam tar tu sakino torom taio, ka met ben raro tar taio, ma ka met toro pas tu utna tan taio.

Epeses 3:4

Ra mot in luki, mot in tasman asau ra a sa talapor uni, una utna un o Karisito, ra numugu i kis eno.