2 Korin 11:31 - Nupela Testamen long tokples Kandas

³¹ O God, i ra a God anun a Labino o Iesu ma i o Tamano, ra a wasiso na ululabo toromi ken rop ma ken rop, i tasmani ut lena, ka toro.

2 Korin 11:31 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 10:30

Mir nam o Tita, mir takai kut.”

A Wakak na Wasiso un o Iesu Karisito o Jon i tumusi 20:17

O Iesu i watungi tano, “Gong u pam a pining, uni ka wan toto utmakai torom o Tita. Ikut un nan torom a kum tistising, ra un inanos det lena, an nan usapat netes torom o Tita, i ra a Tamamot kai, torom anung a God, i ra anumot a God kai.”

A Pas anun o Pol torom a taro Rom 1:25

Det keles ru a lingmulus na etowo anun o God sur a torotoro. Det lotu ma det wararing mukut torom a kum utna ra o God i ukis tar det, ma ka det lotu mo torom a Tene Ukukis, i ra din watung ulabo pasi ma in tur tukum. Amen.

A Pas anun o Pol torom a taro Rom 1:9

A papam torom o God nama nung a nilaun rop, ra a ser warawai nama Wakak na Wasiso un o Nutunu, ma o God ut i tasmani lena, a ser nuk pas mot

A Pas anun o Pol torom a taro Rom 15:6

A wararing sur in takai kut a nuknuki mot ma a walngamot, ra mot watung ulabo pas o God, a Taman anundat a Labino o Iesu Karisito.

A Pas anun o Pol torom a taro Rom 9:1

A watung a lingmulusino ri umatan o Karisito, ka toro. Ma a Tokodos na Nion i upuaso i una nuknuking lena, a wasiso ri i lingmulus ut.

A Pas anun o Pol torom a taro Rom 9:5

Det a kabotaro anun o Abaram, o Aisak ma o Jekop. Ra o Karisito i wanpat a musano mulus, i wanpat tagun det, i a Karisito ra i warkurai sur a kum utna rop, ma i ut ra o God. Dat in watung ulabo pasi, ma ken rop. Amen.

2 Korin 1:23

O God ut i tasman iau lena a watung a lingmulus. Ka wan melet torom mot tiro o Korin, uni ka nemi sur a nuknuki mot in maut un lako kum dekdek na wasiso ra an watungi torom mot.

2 Korin 1:3

Dat in watung ulabo pas o God a Taman anundat a Labino o Iesu Karisito, ma a Tamandat kai, ra a tene marmaris, ra i ser umarom dat una kum utna rop.

2 Korin 11:11

Pepetlai, ra ka saring mani gusun mot, i upuaso i lena, ka nem mot? Awu. O God i tasmani lena, a nem doko mot!

Galesia 1:20

Tama i! A liliman umatan o God lena a utna ri a tumusi torom mot i lingmulus ut, ka toro!

Epeses 1:3

Dat in watung ulabo pas o God, a Taman anundat a Labino o Iesu Karisito. I udan dat nama kum utna na nion rop tagisapat una langit, ra dat tagun o Karisito.

Epeses 3:14

I mo ra, a kis butkeke umatan a Tamandat nama niaring,

Kolosi 1:3

Ra mir ser wararing sur mot, mir ser watung wakak torom o God, a Taman anundat a Labino o Iesu Karisito,

1 Tesalonaika 2:5

Mot sa tasmani lena, ka metul ugasgas mot nam tu wasiso na umarom, ma ka metul nemnem eno sur tu mani tamot. O God i tama i ma i tasman metul.

1 Timoti 1:11

A tokodos na etowo i kis una Wakak na Wasiso, ra o God i pitar tari tang sur an wasiso talapor nami. A Wakak na Wasiso ri, i wan tagisapat tan o God, a God na minamar ra i dan tukum.

1 Timoti 1:17

Dat in pitar a urur ma a wasiso na ululabo torom a King ra i laun tukum, ma ken mat, i ra ka dat tama i, ra i sot kut a God. A wasiso na ululabo toromi ken rop ma ken rop. Amen.

1 Timoti 6:16

I sot kut i laun tukum, ra i kis una labino talapor ra kataio in nan milau nisano. Kataio utmakai i tama tari ma ka din tama lar pasi. Din pitar tar a labino urur toromi, ma i utur ukai a labino dekdek ra ken rop ma ken rop. Amen.

1 Pita 1:3

Dat in watung ulabo pas o God, a Taman anundat a Labino o Iesu Karisito. Una nun a labino marmaris, i sa usus matok tar dat. I mo ra uniri, dat kis langlang nama nurnur sur a nilaun tukum, uni o Iesu Karisito i katutur melet gusun a minat,