2 Korin 11:26 - Nupela Testamen long tokples Kandas

²⁶ A sa wan una susut na inawan. A elar nama utna na iniru una inawan una kum danim, ma a ramano kum dino kai, milau an iru una laman a kum sakino taro. Milau an barato a iniru tan anung a taro ut, ma tan a kum usiro na taro kai. Milau an barato a iniru una kum tamon, ma una kum nubual kalako taro uni, ma sa utasi. Ma milau kai, an iru ulaman a kum torotoro na tistising una nurnur.

2 Korin 11:26 ပူးပေါင်းရင်းမြစ်များ

Aposel 13:45

Ra a kum te Juda det tama a kunur na taro, a nuknukin det i laulau torom o Pol ma o Banabas, ma det mang sakosako a kum wasiso ra o Pol i wasiso nami.

Aposel 13:50

Ikut a kum te Juda, det ukatutur a nuknukin a kum mugumugu na ino ra det ser urur torom o God, ma a nuknukin a kum mugumugu na musano kai tagun a tamon ra, sur det in ban laulau o Pol ma o Banabas. Ma det lakro ru der gusun anundet a papor.

Aposel 14:19

Numur a ramano kum te Juda det wanpat tagitong o Antiok ma o Aikoniam, ra det dat pukus pas a nuknukin a susut na taro gusun o Pol der nam o Banabas. Det duku o Pol nama watat, ma det dat pirso ru i gusun a tamon, ra det nuki lena i sa mat.

Aposel 14:5

A ramano taro Juda ma ara taro kai ra awu sur a taro Juda tomo nam anundet a kum mugumugu, det epak pas sur det in ban laulau o Pol der, ma det in duku doko der nama watat.

Aposel 15:40

Ra o Pol i pilok pas o Sailas, sur der in nan tomo. Ma a kum tistisin der una nurnur, det pitar tar der una marmaris anun a Labino.

Aposel 17:13

Ikut a taro Juda kurong o Tesalonaika det longoro i lena o Pol i warawai una wasiso anun o God tong o Beria, ra det wan utong ma det usungun balan a taro.

Aposel 17:5

Ikut, a nuknukin a ramano taro Juda i laulau doko un der, uni a susut det mur der. Ra det ben pas a ramano kum tene pet laulau tagun a nubual ra a taro det ser wan tomo iai. Det wan tomo, ra det ukatutur a balan a taro. Det kalabor ruk una rumu anun o Jeson, ma det sisio sur o Pol ma o Sailas sur det in ben pirso pas der torom a taro.

Aposel 18:12

Una kilalo ra o Galio i mugumugu tagun a gapman tong una papor Akaia, a taro Juda det tur tomo sur det in um o Pol, ma det beni sur in tur una warkurai.

Aposel 19:1

O Apolos i kis tiro o Korin, ra o Pol i usur a kisapi sa ubual, ra i wanpat tong o Epeses. Tiro iai i pastorom a ramano taro na ususer.

Aposel 19:23

Una kum bung ra, a labino purpuruon i wanpat, uni a taro ka det nem a Kisapi anun a Labino.

Aposel 20:19

A taro Juda det wasiso tomo sur det in pam a kum sakino petutna un iau, ma a taramo a mamaut uni. Ikut, a papam ut torom a Labino, ma a unatino pas iau, ma a lurlur na matang i puku.

Aposel 20:3

I kis tiro iai a tulin kalang. Numur i waninar sur in kas una sip utong una papor Siria, ikut i tasmani lena a kum te Juda det wasiso tomo pas sur det in um doko i. Ra i pukus a nuknukino ma i nuki lena i wakak sur in nan melet epotor una papor Masedonia.

Aposel 23:10

Ra i sa labo a wasiso na engaras, ma det sa turpas a inaim, a labino mugumugu anun a kum tene inaim i ngara, sako det in dat ngagos tar o Pol. Ra i tulu ru a taro na inaim, sur det in nan ma det in dat pasi gusun a taro, ma det in ben pasi utiro una rumu anun a taro na inaim.

Aposel 25:3

Ra det saring o Pestus sur in mulaot tandet, ma det watungi lena, “Un maris met, ma un tulu ru o Pol urin o Jerusalem.” Uni det sa epak pas sur det in um doko i kut epotor una nun a inawan.

Aposel 27:42

Ra a kum tene inaim det nem na um doko a kum karabus, sako lako taro tagun det, det in was pirso, ma det in kalabor song.

A Pas anun o Pol torom a taro Rom 15:19

Det tama a dekdekin a kum ukinalong ma a kum utna na ukisin ra a pami nama dekdekin a Tokodos na Nion. Tagisapat o Jerusalem tuk tong o Ilirikum, a sa warawai rop pas iai nama Wakak na Wasiso anun o Karisito.

A Pas anun o Pol torom a taro Rom 8:35

Osi in ukis susuaro dat gusun a marmaris anun o Karisito? Pepetlai, a kum mamaut in ukis susuaro dat? A kum ngunungut? O ra din ukadik dat? O a munurak? O kalako malu indat? O tu utna na iniru? O ra din um doko dat namin totok na inaim?

1 Korin 15:30

Met kai, ra katu katkatutur melet gusun a minat, sur asau ra met pam a pinapam ra met barato a kum mamaut uni, una kum bung rop?

1 Korin 15:32

Ra a waim nama kum kuabor na taro nin o Epeses sur an pam sot pas anung a nemnem kut, i warut petlan iau? Ra a kum minat ka det in katutur melet gusun a minat, dat in mur a wasiso anundet ra det ser watungi lenri, “Dat in nangon ma dat in inum, uni markan dat in mat.” Ais 22:13

2 Korin 11:32

Tong o Damaskus, a mugumugu tagun a tamon ra, ra i papam utuntudu ina king Aretas, i utur tar a kum tene tamtamabat una matansako ina in noworo ina tamon, sur det in dat pas iau.

Galesia 2:4

Met wasiso una utna ri, uni a ramano kum torotoro na tene nurnur det sa ruk eno taru torom a kum tene nurnur, elar nama kum tene longoro eno. Det nemi sur det in longoro wasiso una nundat a kinkinis langolango, ra dat sa utur ukai i tan o Karisito Iesu, sur det in ker tar dat melet una kum Warkurai anun a taro Juda.