2 Korin 11:23 - Nupela Testamen long tokples Kandas

²³ Det a kum tultul anun o Karisito, niko? Iau a wakak na tultul tandet rop. A wasiso elar nama longlong. A papam dekdek bing tandet rop, a sa kis papas una karabus, a kum inaim di pami un iau i dekdek sakit, a susut na dino milau an mat. A kum utna rop ri, ra di pami un iau, i labo taun a utna ra di pami un det.

2 Korin 11:23 ပူးပေါင်းရင်းမြစ်များ

Aposel 14:19

Numur a ramano kum te Juda det wanpat tagitong o Antiok ma o Aikoniam, ra det dat pukus pas a nuknukin a susut na taro gusun o Pol der nam o Banabas. Det duku o Pol nama watat, ma det dat pirso ru i gusun a tamon, ra det nuki lena i sa mat.

Aposel 20:23

A tasmani kut lenri, una kum tamon rop, a Tokodos na Nion i inanos iau lena a karabus ma a kum mamaut det kis pas iau.

Aposel 21:11

I wan torom met, ra i rakon pas a let anun o Pol, ra i ker pas aru kikino ma aru lamano ut nami, ma i watungi lena, “A Tokodos na Nion i watungi lena, ‘A taro Juda sapat o Jerusalem det in ker a musano ra anun a let ri, lenutri a pami. Ma det in pitar tari una laman a taro ra awu sur a taro Juda.’”

Aposel 25:14

Ra der kis a susut na bung tiro iai, o Pestus i inanos a king nama wasiso un o Pol lena, “O Peliks i sa mana gusun anun a pinapam, ikut i madek tar ara musano una karabus, ra kuri utmakai i una karabus.

Aposel 27:1

Ra di sa warkurai tari sur met in kas una sip utong o Itali, di pitar tar o Pol, ma a ramano kum karabus kai, tan ara mugumugu a risano o Julias, ara tagun a taro na inaim anun a Sisa.

Aposel 28:16

Ra met sa wanpat tong o Rom, di mulaot tar o Pol sur i kut in kis un tu rumu, ma tu tene inaim in tamtamabati.

Aposel 28:30

Aru kudulano kilalo, o Pol i kis una rumu ra i ut i ser tokomi, ma i gas pas a taro rop ra det wanan pat toromi.

Aposel 9:16

Ma an inanosi lena, in taramo a susut na mamaut una risang.”

A Pas anun o Pol torom a taro Rom 8:36

Elar nami ra di sa tumus tari una Buk Tabu, “A kum bung rop a taro det nem na um doko met, uni met anum a taro. Met elar nama kum sipsip ra di waninar sur din um doko det.” Sng 44:22

1 Korin 15:10

Ikut, o God i pitar tar a nilaun ri a laun nami, kibino ut una nun a marmaris. Ma ke urop oros tari kut anun a marmaris un iau, awu. A papam dekdek doko taun det rop. Ikut, awu sur iau ut a papam, a marmaris anun o God i papam tomo nam iau.

1 Korin 3:5

Osi ra o Apolos? Ma osi kai o Pol? Mir aru tultul kut anun o God, ra mot nurnur un o Karisito i kibino una numir a pinapam. Mir taktakai mir pam a pinapam ra a Labino i pitar tari torom mir.

1 Korin 4:1

I wakak sur mot in nuknuk un met lar met, a kum tultul anun o Karisito, ra a kum wasiso anun o God ra numugu i kis eno, o God i sa pitar tari torom met sur met in upuaso i torom a taro.

1 Korin 4:11

Tuk uniri met murak, ma met muruk, met pipis a kum tartararos na malu, di um laulau met, ma katu rumu anumet.

1 Korin 4:9

Uni a nuki lena o God i ubek tar met a kum aposel, sur met in musano oros kut. Met elar nama kum karabus ra di sa kuro tar det sur det in mat ma din urongon un det. A taro ma a kum ensel kai det in tama det.

2 Korin 10:7

Mot in tama wakak a kum utna! Ra taio i nuki lena, i anun o Karisito, i wakak sur in nuknuk wakak ma in tama lele i lena, met kai anun o Karisito.

2 Korin 11:5

Awu sur a nuki lena, a natino tandet ra mot watung det a kum lamlabino aposel.

2 Korin 3:6

I ut i ukis tar met sur met a kum tene pinapam una matok na kunubus, ma i pitar tar a dekdek tamet sur met in papam nami. A matok na kunubus ri, awu sur tagun a kum wasiso na Warkurai ra di sa tumus tari, i kibino pas ut una Tokodos na Nion. A wasiso na Warkurai i pitar pati kut a minat, ikut a Tokodos na Nion i pitar a nilaun.

2 Korin 6:9

Ara taro det ipul lena kalako risamet, ikut a risamet i labo ut. Det nuki lena, met sa mat, ikut met laun utmakai. Di um met, ikut ka di um doko ru met.

Galesia 6:17

Turpasi uniri, gong taio in utikidis iau, uni a kum burlain una pining det ukinalongi lena iau anun o Iesu.

Epeses 3:1

I mo ra iau o Pol, a wararing sur mot. Iau a karabus anun o Karisito Iesu, uni a papam torom mot ra awu sur a taro Juda.

Epeses 4:1

A kis una karabus uni a papam torom a Labino. Anung a dekdek na sasaring torom mot i lenri: Mot in laun elar nama nilaun ra o God i sa kabo pas mot suri.

Epeses 6:20

Uni o God i sa ubek tar iau sur an tene warawai nama Wakak na Wasiso, ma a kis na karabus uni a pam a pinapam ri. Mot in wararing sur iau sur an dekdek sur an upuaso tar a Wakak na Wasiso torom a taro, ma kan ngara.

Pilipai 1:13

Uni i talapor torom a kum tene inaim rop ra det tamtamabat a rumu anun a king, ma torom a taro rop kai lena, a kis una karabus uni iau anun o Karisito.

Pilipai 2:17

Anumot a pinapam ra anumot a nurnur i pam pati, i elar nama etabor torom o God. Ra kanapi an mat, a gaping in elar nama etabor ra di lingisi netes una numot a etabor. Ra an gas ma an gas tomo nam mot rop.

Kolosi 1:24

Uniri a gas una kum mamaut ra a taramo i un mot. Una kum mamaut ra a taramo i una pining, a pam sot pas a kum mamaut anun o Karisito, sur an warut a taro na lotu, det ra a pinin o Karisito.

Kolosi 1:29

A papam dekdek sur a utna ri in nanpat mulus ut. A lingmulus, a papam dekdek nama labino dekdekin o Karisito, ra i papam dekdek una nung a nilaun.

1 Tesalonaika 3:2

Ra mir sa tulu ru o Timoti a tisindat, ma a tene pinapam anun o God tomo nam mir, ra metul ser wasiso talapor nama Wakak na Wasiso un o Karisito. Mir sa tulu ru i torom mot, sur in udekdek mot, ma in uragot mot una numot a nurnur,

1 Timoti 4:6

Ra un ususer a kum tistisim nama kum etowo ri, ui a wakak na tultul anun o Karisito Iesu. Una pinapam ri in talapor lena u labo pat una nurnur mulus, ma a wakak na etowo ra u muri.

2 Timoti 1:16

A wararing sur o God in maris o Onesiporus det tamtamano, uni i ser ugasgas iau, ma ke maimai un iau ra a kis una karabus.

2 Timoti 1:8

Gong u maimai sur un wasiso talapor una nundat a Labino, ma gong u maimai un iau, ra uniri a kis una karabus una risano. Ikut, un waninar sur ui kai, un taramo a ngunungut una Wakak na Wasiso tomo nam iau. Ra un taramo a ngunungut, o God ut in pitar a dekdek torom ui.

2 Timoti 2:9

Ma a taramo a ngunungut, ma di ker iau elar nama tene sakino, uni a warawai nama Wakak na Wasiso. Ikut, a wasiso anun o God ka din turbat lar pasi.

2 Timoti 3:11

anung a kum mamaut, ma a kum ngunungut ra a taramo i. U tasman rop a kum lamlabino ngunungut ra a taramo i tong una tulu tamon ri: o Antiok, Aikoniam ma o Listra. Ikut a Labino ut i ulaun pas iau gusun a kum utna ri.

Pilimon 1:9

Ikut, a saring wakak ui, uni a nem ui. Iau, o Pol, a sa takano, ma uniri a kis na karabus, uni a nurnur un o Karisito Iesu,

Ibru 10:34

Mot maris doko det ra det kis una karabus ra mot warut det. Ma mot gas kut ra a taro det ras pas anumot a kum ututna, uni mot tasmani lena anumot a kum ututna gisen, det in tur tukum, ma det wakak sakit taun a kum utna ra det ras pasi gusun mot.