2 Korin 10:5 - Nupela Testamen long tokples Kandas

⁵ Met kamar ru a kum torotoro na wasiso ra a taro det uman labino nami, sur det in turbat a taro sur gong det tasman o God. Ra met dat pukus a nuknukin a taro, sur det in mur a wasiso anun o Karisito.

2 Korin 10:5 ပူးပေါင်းရင်းမြစ်များ

Matiu 15:19

Iri a kum utna ra i ser wanpat tagun a nuknukino: a kum sakino nuknuk, a petutna ra di um doko a taro, a petutna ra di pam a sakino nam tu ino anun taio o nam tu musano anun taio, a kum petutna na pamuk, a wolong, a etakun torotoro, ma a petutna ra di mang laulau ara.

Luk 1:51

I pam a kum dekdek na pinapam nama lamano, i lu susuaro ru det ra det uman labino una nuknukin det.

A Pas anun o Pol torom a taro Rom 1:21

Det tasmani ut o God, ikut ka det ulabo pasi lenri, i a God, ma ka det watung wakak kai toromi. Det nuk penpen oros kut, ma a balandet i dumirum, uni kalako mananosin det.

A Pas anun o Pol torom a taro Rom 1:5

Un o Karisito ut, o God i maris met ma i pitar a pinapam na aposel torom met, sur met in ulabo pas a risan o Karisito, ma met in warawai torom a taro rop ra awu sur a taro Juda, sur det in nurnur ma det in mur anun a wasiso.

A Pas anun o Pol torom a taro Rom 16:26

Ikut uniri, i sa wanpat puaso. Met wasiso talapor una sau ra a kum poropet det watung tari un o Karisito. Met pami elar nami ra o God, i ra i laun tukum, i inanos tar met sur met in pami, sur a taro tagun a kum gapman rop, det in nurnur ma det in mur a wasiso anun o God.

A Pas anun o Pol torom a taro Rom 7:23

Ikut, una kum du pining a tama i kai ara se ngas na dekdek, ra ke mur a Warkurai anun o God. I waim tomo nama wakak na warkurai kuri una nuknuking, ma i ker ukai iau sur an kis una karabus anun a sakino petutna, ra i ser papam una kum du pining.

1 Korin 1:19

Uni o God i sa watung tari una Buk Tabu lenri, “An kamar ru a mananos anun a kum tene mananos, ma an upuku ru a wakak na nuknuk anundet ra det tastasman.” Ais 29:14

1 Korin 3:19

Uni a mananos tagun a rakrakon bual ri, i a longlong na utna kut umatan o God. Elar nami ra di sa tumus tari una Buk Tabu lena, “I ser kun ukai pas a kum tene mananos nama nundet a mananos ut.” Jop 5:13

2 Korin 11:20

I lingmulus, mot gas pas det, ra det ukarabus mot ma det ban laulau mot, ma det urop ru anumot a kum utna ma det ulabo pas det umatamot, ma det pasor a kum masmasari mot.

2 Korin 9:13

A pinapam ri mot pami, i upuaso a wakak na magiramot. Ma a susut na taro det in watung ulabo pas o God, uni anumot a nurnur una Wakak na Wasiso un o Karisito, i pam pati kai a petutna na mur wasiso. Ma det in watung ulabo pas o God, una numot a wakak na petutna ra mot tabor det, ma a taro gisen kai.

Pilipai 4:7

Ra a malmal anun o God ra i labo sakit taun a mananos rop anun a taro, in tamtamabat a balamot ma a nuknuki mot, uni mot tagun o Karisito Iesu.

2 Tesalonaika 2:4

In ebar torom a kum utna rop ra a taro det watung det a kum god ma det lotlotu torom det, ma in ulabo pasi ut, sur in kis una rumu na etabor anun o God, ma in watung puaso i lena, i ut o God.

2 Tesalonaika 2:8

Numur a tene lakai warkurai in nanpat puaso, ma a Labino o Iesu in kamar ru i nama wuwu na wano, ma in ban laulau i nama minamarin anun a inawan pat.

Ibru 4:12

Uni a wasiso anun o God i laun ma i papam. I wangon doko taun in totok na inaim ra aru paporino der wangon. I ruk ra i totok tuk una nubual ra a niondat ma a balandat der etorom iai, ma tuk una nubual ra a kum sur det tugus tomo iai. Ma i kuro a kum nuknuk ma a kum nemnem nin ubalandat.

Ibru 5:9

O God i pam sot pas a pinapam ra un o Nutunu, ra o Nutunu i wanpat a kibin a pinapam na ulaun tukum a taro, torom det rop ra det ser mur anun a wasiso.

1 Pita 1:2

O God a Tamandat i sa pilok pas mot ra i sa tasman mugu tar mot, ma a Tokodos na Nion i umatok pas mot sur mot a taro anun o God, sur mot in mur a wasiso anun o Iesu Karisito, ma in rus mot nama gapino. A marmaris ma a malmal in kis torom mot, ma in labo sakit.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.