2 Korin 1:23 - Nupela Testamen long tokples Kandas

²³ O God ut i tasman iau lena a watung a lingmulus. Ka wan melet torom mot tiro o Korin, uni ka nemi sur a nuknuki mot in maut un lako kum dekdek na wasiso ra an watungi torom mot.

2 Korin 1:23 ပူးပေါင်းရင်းမြစ်များ

Aposel 18:1

Ra i sa rop a kum utna ri, o Pol i wan tagitong o Atens utong o Korin.

Aposel 18:8

O Krispus, ara mugumugu tagun a rumu na lotu, ma det rop kai, ra det kis una nun a rumu, det nurnur una Labino. Ma a susut na taro Korin, ra det longoro a warawai anun o Pol, det nurnur, ma di baptaiso det.

A Pas anun o Pol torom a taro Rom 1:9

A papam torom o God nama nung a nilaun rop, ra a ser warawai nama Wakak na Wasiso un o Nutunu, ma o God ut i tasmani lena, a ser nuk pas mot

A Pas anun o Pol torom a taro Rom 9:1

A watung a lingmulusino ri umatan o Karisito, ka toro. Ma a Tokodos na Nion i upuaso i una nuknuking lena, a wasiso ri i lingmulus ut.

1 Korin 4:21

Asau ra mot nemi? An nanpat torom mot namin kadas, o nama marmaris ma a wowowon na petutna?

1 Korin 5:5

mot in pitar tar a musano ra ulaman o Satan, sur din ban laulau a sakino nemnem ina pinino, ma o God in ulaun pas a niono una bung ra a Labino in nanpat melet.

2 Korin 1:1

Iau o Pol, a aposel anun o Karisito Iesu, una nemnem anun o God, mir nam o Timoti a tisindat, mir tumus a pas ri torom mot a taro na lotu anun o God tiro o Korin, ma torom a taro rop anun o God una papor Akaia.

2 Korin 1:18

O God i lingmulus, lenkutkai ra anumet a wasiso i lingmulus. Ra met mulaot, a kukuraino lena, met in pam sot pasi.

2 Korin 10:2

Ra an nanpat torom mot, i topasi kut sur an ukodos mot nama kum dekdek na wasiso. Ikut ka nemi. Ara taro tagun mot det watungi lena, met muri kut a petutna tagun a rakrakon bual. Ra a saring det, sur det in mana gusun a ngas na wasiso ra, sur gong a wanpat nama kum dekdek na wasiso torom det.

2 Korin 11:10

I lingmulus, a lingmulusino anun o Karisito kuri un iau, ra a inanos mot nama lingmulus lena, kataio una kudulano papor Akaia, in turbat lar pas iau ra a warango iau una nung a petutna torom mot.

2 Korin 11:11

Pepetlai, ra ka saring mani gusun mot, i upuaso i lena, ka nem mot? Awu. O God i tasmani lena, a nem doko mot!

2 Korin 11:31

O God, i ra a God anun a Labino o Iesu ma i o Tamano, ra a wasiso na ululabo toromi ken rop ma ken rop, i tasmani ut lena, ka toro.

2 Korin 12:20

A ngara, sako ra an nanpat torom mot, kan tama torom a kum petutna ra a nemi sur an tama i. Ma mot kai, ka mot in gas una petutna ra an nanpat nami. A ngara, sako an etorom pas a ngas na kinkinis lenri: mot wasiso na engaras, mot nuknuk laulau, mot kankan, mot kis susuaro, mot emang, mot wasiso eno, mot ulabo pas mot ut, ma anumot a kinkinis i purpuruon.

2 Korin 13:10

Iri a kibino ra a tumus a kum utna ri torom mot ra ka wanpat utmakai. Ra an nanpat, kan wasiso nama dekdek na wasiso torom mot, ma kan kuro mot nama warkurai ra a Labino i sa pitar tari tang. I pitar tari tang sur an udekdek mot nami, awu sur an ban laulau mot nami.

2 Korin 13:2

Una nung a manru na inawan pat torom mot, a sa utumarong tar mot una numot a kum sakino petutna. Ma uniri ra a kis gisen, an inanos melet mot ut una utna ri: Numur, ra an nanpat tiro, an wasiso dekdek torom det ra kabaut det nukpukus gusun anundet a kum sakino tagun numugu, ma osi kai ra i pam a sakino.

2 Korin 6:6

Anumet a petutna katu dur uni, ma met papam nama mananos. A pinimet ke ser ngoro una taro, met pami kut a wakak na petutna torom det. Met papam nama warut anun a Tokodos na Nion, ma a marmaris mulus.

Galesia 1:20

Tama i! A liliman umatan o God lena a utna ri a tumusi torom mot i lingmulus ut, ka toro!

Pilipai 1:8

O God i tasmani lena, a nem doko i sur an tama mot rop, uni a nem doko mot nama marmaris anun o Karisito Iesu.

1 Tesalonaika 2:5

Mot sa tasmani lena, ka metul ugasgas mot nam tu wasiso na umarom, ma ka metul nemnem eno sur tu mani tamot. O God i tama i ma i tasman metul.

1 Timoti 1:20

O Emeneus ma o Aleksanda aru tagun det, ma a sa pitar tar der ulaman o Satan, sur der in tasmani lena, gong melet mo der watung laulau o God.