1 Timoti 6:19 - Nupela Testamen long tokples Kandas

¹⁹ Ra det in pami lenri, det in utur ukai a ululeng mulus. I ra a wakak na kibin anundet a nilaun numur, sur det in los a nilaun ra a nilaun mulus.

1 Timoti 6:19 ပူးပေါင်းရင်းမြစ်များ

Matiu 19:21

O Iesu i balu i lena, “Ra u nemi sur un tokodos mulus, un nan ma un siuru ru anum a kum ululeng rop, ra a mani taguni, un tabor a kum sibo na taro nami. Ra un pami lenra, anum a wakak na ululeng kusapat una langit. Numur un nan urin ma un mur iau.”

Luk 12:33

Mot in siuru anumot a kum ututna sur a mani, ma mot in tabor a kum sibo na taro nami. Mot in waninar pas anumot lako kum paus ra ken moroto, a wakak na ululeng sapat una langit ra ke ser rop, ma katu tene wolong in nan milau i, ma a koropos ken ban laulau i.

Luk 16:25

“O Abaram i balu i lena, ‘Nutunglik, un nuk pasi, ra u laun utmakai, u pam ukai anum a kum wakak na utna, lenkutkai ra torom o Lasarus, i pam ukai a kum laulau na utna. Ikut uniri i utur ukai a gasgas nin, ma ui, u taramo a labino ngunungut.

Luk 16:9

A watungi tamot, mot in umarom pas lako taro nama kum ululeng taginin upiso. Numur ra a kum ululeng ken gas mo sur tu utna, din gas pas mot sur mot in kis una kum rumu ra det in tur tukum.

Luk 18:2

I watungi lena, “Ara tene warkurai i kis una ara tamon, ke ngara sur o God, ma ke nuk pas a taro kai.

Luk 18:22

Ra o Iesu i longoro i, i watungi tano lena, “Ara utna mukut ra kabaut u pami. Un siuru ru anum a kum utna rop, ra a mani taguni, un tabor a kum sibo na taro nami. Ra un pami lenra, anum a wakak na ululeng kusapat una langit. Numur un nan urin ma un mur iau.”

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Epeses 3:17

sur o Karisito in kis una balamot, ra mot nurnur uni. Ra a wararing sur anumot a marmaris in tur dekdek elar namin nanai ra a wakakorino i rarau.

Pilipai 3:12

Awu sur a nuki lena, a sa utur ukai a kum utna rop ra, ma ka tokodos mulus utmakai. Ikut a dekdek utmakai sur an utur ukai a utna ra o Karisito Iesu i kabo pas iau suri.

Pilipai 3:14

A kalabor usa numugu sur a ururopino sur an los pas anung a ikul. A ikul, i a kakabo anun o God torom iau sur a nilaun sapat una langit, kibino un o Karisito Iesu.

1 Timoti 6:12

Un tur dekdek una nurnur elar nama wakak na tene inaim. Ma un pam ukai a nilaun tukum. A nilaun ra o God i kabo pas ui suri, ra u wasiso talapor uni umatan a susut na taro.

2 Timoti 1:1

Iau o Pol, a aposel anun o Karisito Iesu una nemnem anun o God, sur an wasiso talapor una nilaun ra i sa uliliman tari torom dat un o Karisito Iesu.

2 Timoti 2:19

Ikut, o God i sa ubek tar a kibin a nurnur ra ken tugunu, ma di sa tumus tar a wasiso uni lena, “A Labino i tasman det ra anunu.” Nam 16:5 Ma di sa tumus tari kai lena, “I ra i watungi lena i anun a Labino, in nan gisen gusun a sakino petutna.”

1 Pita 1:4

ma dat in rakon pas a utna ra o God i sa ubek tari sapat una langit. A utna ra ken mereseng, ken laulau ma ken rorom. O God i sa ubek tari sur mot.