1 Timoti 6:17 - Nupela Testamen long tokples Kandas

¹⁷ Un utumarong det ra det ululeng nin una rakrakon bual sur gong det ulabo pas det ut, ma gong det nurnur una mani ra i ser rop kut. Det in nurnur kut un o God, ra i ser tabor dat nama kum wakak na utna rop sur dat in gas nami.

1 Timoti 6:17 ပူးပေါင်းရင်းမြစ်များ

Matiu 12:32

Osi kai ra in watung tar tu sakino wasiso una Nutun a Musano, din unus ru i kut, ikut osi ra in wasiso laulau una Tokodos na Nion, ka din unus lar pasi, una nilaun uniri ma una nilaun numur kai.

Matiu 19:23

Ra o Iesu i watungi tan anun a kum nat na ususer lena, “A inanos mot nama lingmulus, i ngangitin doko torom a tene gongon sur in ruk una matanitu tagisapat una langit.

Matiu 25:16

O naro ra di pitar tar a limo na arip na mani tano, i wan lakit ma i papam nami, ma i ulabo melet pas a limo na arip taguni.

Matiu 27:57

Ra i sa lirop, ara tene gongon, a te Arimatia, a risano o Josep, i kai ara nat na ususer anun o Iesu,

Matiu 6:32

Uni a taro ra ka det nurnur, det ser dekdek sur a kum utna rop ri, ikut a Tamamot ra i kis sapat una langit i tasmani lena, mot sibo sur a kum utna rop ri.

A Wakak na Wasiso un o Iesu Karisito o Mak i tumusi 10:24

A kum nat na ususer det kisin doko una wasiso ri. O Iesu i watung meleti tandet lena, “A kum nutnutung liklik, in ngangitin doko torom a taro sur det in ruk una matanitu anun o God.

Luk 19:2

Ra ara musano i kis tiro iai, a risano o Sakias, a mugumugu anun a kum tene los takis, ma i a tene gongon.

Luk 3:11

I balu det lena, “Osi ra anunu lako rin namalu na kelkeles, in pitar tar tino tan taio ra ka tin namalu na ememar anunu, lenkutkai ra una utna na inangon.”

Aposel 14:17

Ikut o God ke dumano mot, i ukis tar a kum utna sur mot in tasmani lena, i ut o God. Una nun a marmaris i tabor mot nama bato tagisapat una bakut, ma a kum duwai det wu una kalangin det ut. I tabor mot nama utna na inangon, ma i ubukus mot nama gasgas.”

Aposel 14:27

Ra der wanpat, der kabo tomo pas a taro na lotu, ma der inanos det una kum utna rop ra der pam sot pasi nama dekdekin o God. Der inanos det kai lena, o God i sa papos tar a kisapi na nurnur torom a taro ra awu sur a taro Juda.

Aposel 17:25

Ma ke sibo sur taio in waruti, uni i ut i ser tabor a taro rop nama nilaun, a wuwu na nilaun, ma a kum utna rop.

A Pas anun o Pol torom a taro Rom 11:20

A lingmulus ut, o God i pak ru det uni ka det nurnur. Ikut mot, mot tur dekdek uni mot nurnur. Gong mot ulabo pas mot, mot in ngara.

Epeses 5:5

Mot in tasman a utna ri: Det ra det pam a pamuk na petutna, o a kum dur na petutna, o det nem doko a susut na ululeng, ka det in rakon a matanitu anun o Karisito ma anun o God. Uni det ra det nem doko a susut na ululeng, det a kum tene lotu torom a kum torotoro na god, uni a kum ululeng anundet a god.

Kolosi 3:16

I wakak ra a wasiso anun o Karisito in kis sikot ubalamot ma in bukus. Mot in ususer etetalai mot nami, ma mot in udekdek etetalai mot kai nami tomo nama mananos rop. Ma mot in kelekele nama wasiso anun o Karisito ra mot kele a Kum Kelekele anun o Dewid, ma a kum kelekele na lotu, ma a kum kelekele ra a Tokodos na Nion i tabor mot nami. Ra mot in kelekele nama watung wakak torom o God ubalamot.

1 Tesalonaika 1:9

Uni det ut det wasiso talapor una numot a wakak na petutna ra mot gas pas metul. Ma det wasiso talapor kai un mot lena, mot sa tupukus torom o God, ma ka mot lotu mo torom a kum torotoro na god. Mot papam mo torom o God, i ra a lingmulusino ma i laun.

1 Timoti 1:3

Uniri a udekdek melet ui sur un kis ut tiro o Epeses, elar nami ra a sa watung tari tam, ra a wan utong o Masedonia. Un kis sur un turbat det ra det ususer a taro nam lako kum torotoro na etowo.

1 Timoti 3:15

Ra kan nanpat lakit, u sa tasman a kum ngas na petutna ra a taro anun o God det in pami epotor tandet. A taro na lotu anun o God, ra i laun, det elar nama pos ma a kibin a rumu ra i udekdek a lingmulusino.

1 Timoti 4:10

I mo ri dat papam dekdek, uni dat kis langlang nama nurnur sur o God, ra i laun, ma a Tene Ulaun anun a taro rop, ra det nurnur uni.

1 Timoti 5:21

A wasiso dekdek torom ui umatan o God ma o Karisito Iesu ma a kum ensel ra o God i pilok pas det, sur un mur a kum wasiso ri, ma un pam a takano petutna kut torom a taro rop, ma gong u tur takano papor.

1 Timoti 6:13

A inanos ui umatan o God, i ra i pitar a nilaun torom a kum utna rop, ma umatan o Karisito Iesu i ra i wasiso talapor uni ut umatan o Pontias Pailat. A inanos ui lenri:

1 Timoti 6:9

Ma det ra det nem a labino mani, det in puku una ululam, ma det in iru unin nukun, ma a kum nemnem ororos kut, ma a nemnem sur a utna ra, in ban laulau det. Ra in woro pirso a susut na taro una minat ma a iniru tukum.

2 Timoti 4:10

uni o Demas i sa wan pas gusun iau, uni i nem a kum utna tagun a rakrakon bual, ra i sa wan utong o Tesalonaika. O Kresens i wan utong una papor Galesia ma o Taitus i wan utong una papor Dalmatia.

Taitus 2:12

A marmaris ri i ususer dat, sur dat in nan gisen gusun a kum petutna ra ke sot nama nuknukin o God, ma gusun a kum nemnem sur a kum utna tagun a rakrakon bual, ma dat in tamtamabat wakak anundat a nilaun, dat in tokodos, ma dat in laun murmur a nuknukin o God una nilaun ri,

Taitus 3:6

O God i tabor dat nama Tokodos na Nion, ra i lingis orosi kut sapat netes un dat, kibino una pinapam anun o Iesu Karisito, anundat a Tene Ulaun.

2 Pita 1:11

ma o Iesu Karisito, anundat a Labino ma anundat a Tene Ulaun in ben ruk mot nama gasgas una nun a matanitu ra ken rop.