1 Timoti 5:20 - Nupela Testamen long tokples Kandas

²⁰ Ra tu mugumugu in pam a sakino petutna, un ukodosi umatan a taro na lotu rop, sur in utumarong lako taro kai tagun det.

1 Timoti 5:20 ပူးပေါင်းရင်းမြစ်များ

Aposel 19:17

A wasiso una utna ri, i wanpat torom a taro Juda ma a taro kai ra awu sur a taro Juda ra det kis tong o Epeses, ra det ngara rop, ma det urur sakit una risan a Labino o Iesu.

Aposel 5:11

Ra a taro na lotu rop det ngara doko, ma det rop kai ra det longoro a kum utna ri.

Aposel 5:5

O Ananias i longoro a wasiso ri, i puku pirso ra i mat. Ra det rop ra det longoro a wasiso uni det ngara doko.

2 Korin 7:11

Tama i, a tupunuk ri tan o God i pam pat a susut na wakak na utna un mot: A labino nemnem i kis unin balamot sur mot in langolango gusun a sakino. Ma mot nem doko i sur mot in ukodos pas mot sur gong tu etakun in los mot. Mot kankan torom o naro ra i pam a sakino, ma mot ngara. Mot nem doko i sur dat in emarom melet, mot dekdek pas mot, ma mot nemi sur mot in ukodos a utna ra i raro. A lingmulus, anumot a petutna i ese i lena, mot tokodos una utna ri.

Epeses 5:11

Gong mot pam a kum petutna ra a taro tagun a dumirum det ser pami, ra kalako windet. Ikut, mot in upuaso i lena anundet a kum petutna ke wakak.

1 Timoti 1:20

O Emeneus ma o Aleksanda aru tagun det, ma a sa pitar tar der ulaman o Satan, sur der in tasmani lena, gong melet mo der watung laulau o God.

2 Timoti 4:2

Un warawai nama Wakak na Wasiso. Un dekdek uni, una kum bung ra a taro det nem na longoro ui, ma a kum bung ra ka det nemi. Un ukodos wakak a taro, un upuaso anundet a kum niraro torom det ma un uragot det. Un pam a kum utna ri nama wowowon na petutna torom det ma un ususer wakak det.

Taitus 1:13

A wasiso ri un det i lingmulus ut. I mo ra un wasiso dekdek torom det una nundet a kum niraro, sur det in pam ukai a tokodos na nurnur,

Taitus 2:15

Un ususer det nama kum wasiso ri. Un uragot a taro, ma un watung puaso anundet a niraro umatandet. Un pami nama dekdek ra kura torom ui. Ma gong u madek tar taio sur in tama pisopiso ui.