1 Timoti 4:14 - Nupela Testamen long tokples Kandas

¹⁴ Gong u madek ru a etabor na Nion, ra di pitar tari tam, una du bung ra a kum poropet det wasiso na poropet, ma a kum mugumugu det ubek tar a kum lamandet sapat netes un ui.

1 Timoti 4:14 ပူးပေါင်းရင်းမြစ်များ

Aposel 11:30

Det woro tomo tar a mani, ra o Banabas ma o Sol der losi torom a kum mugumugu na lotu sapat o Jerusalem.

Aposel 13:3

Det wararing ma det wewel, ra numur det ubek a kum lamandet netes un der, ma det tulu ru der.

Aposel 19:6

Numur o Pol i ubek aru lamano netes un det, ra a Tokodos na Nion i kis mut un det, ma det wasiso nama wur ngas na wasiso, ma det wasiso na poropet.

Aposel 22:5

A mugumugu na tene etabor torom o God ma a taro na kiwung rop det talapor una kum utna ri, ma det pet lar pasi sur det in wasiso uni. A los pas a kum pas gusun det ra det tumusi torom a kum tistisin det a kum te Juda tong o Damaskus. Ra a wan utong sur an ker pas a taro ra det mur a Kisapi anun a Labino, ma an ben det usapat o Jerusalem sur din ukadik det.

Aposel 6:6

Ra det ben pas det torom a kum aposel. Ma det ubek a kum lamandet sapat netes un det, ma det wararing.

Aposel 8:17

Numur o Pita ma o Jon der ubek a lamander sapat netes un det, ra det losi maragom a Tokodos na Nion.

1 Tesalonaika 5:19

Gong mot turbat a pinapam anun a Tokodos na Nion.

1 Timoti 1:18

Timoti a nutunglik, a kum etowo ri ra a pitari tam, i elar nama wasiso na poropet ra di sa watung tari un ui ra det wararing un ui. Ra un mur a kum etowo ri, ui ara wakak na tene inaim nama Wakak na Wasiso.

1 Timoti 4:15

Un ulason ui una kum pinapam ri. Un pitar tar anum a nilaun uni, sur a taro rop det in tama ui lena u lubung una num a nilaun torom o God.

1 Timoti 5:17

I wakak sur din pitar a urur ma a wakak na ikul torom a kum mugumugu na lotu ra det pam wakak a pinapam. Din pami lenra torom det ra det papam dekdek una warawai ma a etowo.

1 Timoti 5:19

Gong u longoro tu etakun un tu mugumugu ra ara kut i takuni. Ra lako ru o lako tul detul in takuni, un longoro a etakun ra.

1 Timoti 5:22

Gong u ubek lakit aru lamam netes un taio ma u wasiso udani sur a pinapam anun a Labino. Ma gong u mur a taro una sakino petutna. Un tumarong anum a nilaun sur in tokodos.

1 Timoti 6:12

Un tur dekdek una nurnur elar nama wakak na tene inaim. Ma un pam ukai a nilaun tukum. A nilaun ra o God i kabo pas ui suri, ra u wasiso talapor uni umatan a susut na taro.

2 Timoti 1:6

I mo ra a inanos ui melet sur un ukatutur melet anum a etabor, elar nama sungun ra di wupi ra i kunabor. A etabor ra, o God i tabor ui nami una bung ra a ubek aru lamang netes un ui.