1 Timoti 1:19 - Nupela Testamen long tokples Kandas

¹⁹ Un tur dekdek una num a nurnur, ma un mur a wakak na nuknuk. A ramano taro ka det pami lenri, ra anundet a nurnur i puku elar nama sip ra a top i rapus regerege ru i.

1 Timoti 1:19 ပူးပေါင်းရင်းမြစ်များ

Matiu 6:27

Ra taio tamot in nuknuk doko una nun a nilaun, pepetlai, in pet lari sur in tugus walos lilik anun a nilaun? Awu!

1 Korin 11:19

Uni a taro na lotu det in taptapagol ut, sur din tama lele det ra det tokodos ma det kai ra det raro.

Galesia 5:4

Ra mot nemi sur o God in watung mot a kum tene tokodos uni mot mur a kum Warkurai, mot sa kis susuaro gusun o Karisito. Mot sa wan gisen gusun a marmaris anun o God.

1 Timoti 1:5

A watungi lenra, sur a marmaris in lubung epotor tandat etetalai. A marmaris ra, i wan tagun a tokodos na balandat, ma a wakak na nuknukin dat, ma a lingmulus na nurnur.

1 Timoti 3:9

Det in utur ukai a nurnur mulus ma a tokodos na ninunuk.

1 Timoti 6:12

Un tur dekdek una nurnur elar nama wakak na tene inaim. Ma un pam ukai a nilaun tukum. A nilaun ra o God i kabo pas ui suri, ra u wasiso talapor uni umatan a susut na taro.

1 Timoti 6:21

A ramano taro det watungi lena det tasmani ut a mananos ra, ra det sa wan gisen gusun a nurnur un o Iesu. A marmaris anun o God torom mot.

1 Timoti 6:9

Ma det ra det nem a labino mani, det in puku una ululam, ma det in iru unin nukun, ma a kum nemnem ororos kut, ma a nemnem sur a utna ra, in ban laulau det. Ra in woro pirso a susut na taro una minat ma a iniru tukum.

2 Timoti 2:18

ra der sa wan raro gusun a lingmulus. Der watungi lena, dat sa katutur melet gusun a minat. A wasiso ri anunder, i ban laulau a nurnur anun a ramano taro.

2 Timoti 4:4

Ka det in longoro a lingmulusino mo, det in longoro i mukut a kum wasiso ororos kut.

Taitus 1:9

In pam ukai a lingmulus na wasiso ra di sa ususer tari nami, sur in uragot a taro una tokodos na etowo, ma in watung puaso a niraro anundet ra det turbat a Wakak na Wasiso.

Ibru 3:14

Ra dat turpas a mur o Karisito, dat tur dekdek una nurnur. Ra dat in tur dekdek una nurnur tuk una ururopino, elar nami ra dat pami numugu, dat tagun o Karisito.

1 Jon 2:19

A kum ebar anun o Karisito, numugu det kis tomo nam dat, ikut det sa pirso pas gusun dat, uni awu sur det mulus tagun dat. Ra gunuk det mulus ut tagun dat, det in kis tukum nisan dat. Ikut, ra det sa wan gusun dat, i ese i lena, awu sur det tagun dat.

Tamtama 3:10

Ra a labino larlar in nanpat una rakrakon bual rop, sur in lar det ra det kis nin upiso, an tamtamabat mot gusun a du bung ra, uni mot mur anung a wasiso sur mot in tur dekdek ra mot taramo a ngunungut.

Tamtama 3:3

I mo ra, mot in nuk pas a etowo ra di sa pitar tari tamot ma mot sa longoro tari, mot in muri ma mot in nukpukus. Ikut, ra ka mot in tuangun, an nanpat torom mot elar nama tene wolong ma ka mot in tasman a du bung ra an nanpat uni.

Tamtama 3:8

A tasman anumot a kum pinapam. Tama i, a matansako i sa papos taru sa numugu tamot, ma katutaio in tagar lar pasi. A tasmani lena a dekdeki mot ke labo, ikut mot muri ut anung a wasiso, ma ka mot ipul ru a risang.