1 Tesalonaika 5:6 - Nupela Testamen long tokples Kandas

⁶ I mo ra gong dat elar nam ara taro ra det inep dumun. Dat in koikoi ma dat in tamtamabat wakak anundat a nilaun.

1 Tesalonaika 5:6 ပူးပေါင်းရင်းမြစ်များ

Matiu 13:25

Ra a taro det inep, anun a ebar i wanpat ra i sapro tar a kum pitino karapa ubalan a kum wit, ra i wan.

Matiu 24:42

“I mo ra mot in tumarong, uni ka mot tasman a bung ra anumot a Labino in nanpat uni.

Matiu 25:13

“I mo ra mot in tumarong, uni ka mot tasman a bung o a du bung ra a Labino in nanpat uni.

Matiu 25:5

A musano ra i nolin matok ke wanpat lakit, ra a matandet i sunu, ma det inep dumun rop.

Matiu 26:38

I watungi tandetul lena, “Anung a nilaun i maut doko nama tupunuk, milau mo an mat nami. Motul in kis kut nin, ma motul in koikoi taru ut tomo nam iau.”

A Wakak na Wasiso un o Iesu Karisito o Mak i tumusi 13:37

Asau ra a watungi tamot, a watungi kai torom a taro rop lena, mot in tumarong.”

Luk 12:37

Ra a labino in nanpat, ma anun a kum tultul det sa waninar, det dan. A inanos mot nama lingmulus, in emar pas sur in pam anun a pinapam, ma in ukis tar det nisan a kabulu na inangon ma in tabor det.

Luk 12:39

Mot in tasman a utna ri: Ra a taman a rumu in tasman a du bung ra a tene wolong in nanpat uni, ken madek ru anun a rumu sur din wolongi.

Luk 21:36

Mot in tumarong mot una kum bung rop, mot in wararing sur mot in dekdek sur mot in walip gusun a kum utna rop ri ra milau det in nanpat. Ma mot in wararing kai sur mot in pet lar pasi sur mot in tur umatan a Nutun a Musano.”

Luk 22:46

Ra i watungi tandet lena, “Ilai ra mot inep dumun kut? Mot in katutur, ma mot in wararing, sur gong mot puku una ululam.”

Aposel 20:31

Mot in tumarong! Mot in nuk pasi lena, a tulu kilalo ka mana gusun mot rop nama wasiso na utumarong, una kum mirum ma a waspi, ma a lurlur na matang i puku uni.

1 Korin 15:34

Mot in tuangun, mot in mur a tokodos na petutna, ma mot in mana gusun a kum sakino petutna. Uni ara taro tagun mot ka det tasman o God. A watungi lenri sur mot in maimai.

1 Korin 16:13

Mot in tumarong, ma mot in tur dekdek una nurnur. Mot in elar nama kum dekdek na musano, ra ka det ngara.

Epeses 2:3

Numugu, dat kai dat laun elar nama taro na pitarngat. Dat kai dat ugasgasi kut a pinindat, ma dat mur a kum nemnem ina pinindat ma a nuknukin dat. Di usus pas dat kai a kum tene sakino ut, ma a kankan anun o God i kis un dat, elar nami ra i kis un det a taro na pitarngat.

Epeses 5:14

Uni a talapor in utalapor a kum utna, ra din tama lele det. I mo ra di watungi lenri, “Ui a tene ininep, un tuangun, ma un katutur melet gusun a minat, ma o Karisito in utalapor ui.”

Epeses 6:18

Mot in wararing nama dekdekin a Tokodos na Nion una kum bung rop, nama kum wur ngas na niaring rop. Mot in kis na waninar, ma mot in ser wararing sur a taro rop anun o God.

Pilipai 4:5

Mot in ese puaso anumot a wowowon na petutna torom a taro rop. Milau mukut a Labino in nanpat.

Kolosi 4:2

Mot in dekdek nama niaring. Ra mot wararing, a nuknuki mot in talapor, ma mot in watung wakak torom o God.

1 Tesalonaika 4:13

A kum tistisi metul, metul nemi sur mot in mananos un det ra det sa mat, ma gong mot tupunuk dekdek elar nama taro ra ka det nurnur una katkatutur melet gusun a minat.

1 Tesalonaika 5:10

I mat un dat, sur dat in laun tomo nami, ra in nanpat melet. Dat rop, det ra det laun utmakai ma det ra det sa mat.

1 Tesalonaika 5:8

Ikut dat tagun a waspi, i wakak sur dat in tamtamabat wakak anundat a nilaun. Dat in emar nama nurnur ma a marmaris sur in tamtamabat dat, elar nama du pino aen ra a tene inaim i ubek bat a romrobono nami. Ma dat in emar kai nama kinkinis langlang nama nurnur sur o God in ulaun dat, elar nama tene inaim i ubek bat in lorino nama kukup na inaim.

1 Timoti 2:15

Din ulaun a wardain kibino una usus. Din ulaun det ra det ser tur dekdek una nurnur, ma una marmaris. Det ra, det ser mur a petutna ra o God i nemi, ma a petutna ra i sot sur a wardain det in muri.

1 Timoti 2:9

A nemi kai sur a wardain det in emar nama malu ra i sot nama ememar anun a wardain. Det in emar nama ememar i upuaso a urur ma a wakak na ninunuk. Gong det iris a lorindet, gong det emar nama kum kamkabaran ra di pami nama gol o a kum wat ra a matandet i ka, ma gong kai det emar nama kum malu na ememar ra a matandet i ka.

1 Timoti 3:11

Torom anundet a wardain kai in lenra, det a kum ngas na wardain ra a taro det ser ru det. Gong det wasiso eno, det in tumarong a magirandet, ma det in lingmulus una kum pinapam rop.

1 Timoti 3:2

A magiran a mugumugu na lotu in lenri: gong tu etakun i kis uni, in nolin kut nam ara ino, in tumarong a magirano, in tamtamabat wakak anun a nilaun, i a ngas na musano ra a taro det ser urur uni, in ser gas pas a taro una nun a rumu, ma i a wakak na tene ususer.

2 Timoti 4:5

Un nuknuk wakak una kum bung rop. Ra un taramo a kum mamaut, un tur dekdek ut. Un dekdek nama warawai una Wakak na Wasiso, ma un pam sot pas anum a kum pinapam rop, ra o God i sa pitar tari tam.

Taitus 2:12

A marmaris ri i ususer dat, sur dat in nan gisen gusun a kum petutna ra ke sot nama nuknukin o God, ma gusun a kum nemnem sur a kum utna tagun a rakrakon bual, ma dat in tamtamabat wakak anundat a nilaun, dat in tokodos, ma dat in laun murmur a nuknukin o God una nilaun ri,

Taitus 2:6

Lenkutkai ra, un uragot a kum barman, sur det in tamtamabat wakak anundet a nilaun.

1 Pita 1:13

I mo ra, mot in waninar a nuknuki mot sur a pinapam ra mot in pami, mot in tamtamabat wakak anumot a nilaun, ma mot in kis langlang nama nurnur mulus sur a utna ra o God in tabor mot nami, ra o Iesu Karisito in nanpat puaso.

1 Pita 4:7

A ururop ina kum utna rop i sa milau. I mo ra mot in nuknuk wakak ma mot in tamtamabat wakak anumot a nilaun, sur mot in pet lari sur mot in wararing.

1 Pita 5:8

Mot in tumarong, ma mot in tamtamabat wakak anumot a nilaun, uni anumot a ebar, o Satan, i wan tuptupukus elar nama laion. I kukukuk tuptupukus, ma i sisio sur lako taro sur in nan det.

Tamtama 16:15

“Tama i, an nanpat elar nama tene wolong. Osi ra i kis na tamtamabat ma i waninar anun a kum malu, i dan, sur gong i mengere ma i maimai.”

Tamtama 3:2

Mot in tuangun, ma mot in udekdek anumot a kum wakak na petutna ra i ling na mat mo, uni a tama i lena anumot a kum pinapam ke kudulano umatan anung a God.