1 Tesalonaika 5:3 - Nupela Testamen long tokples Kandas

³ Ra a taro det in watungi lenri, “Ai, ka dat taramo tu maut. A wakak na nilaun kut ri dat taramo i,” a iniru in nanpat kisin torom det, elar nama ngunungut ra a ino i taramo i ra milau sur in usus. Ka det in kalabor eno pas gusun a iniru.

1 Tesalonaika 5:3 ပူးပေါင်းရင်းမြစ်များ

Matiu 23:33

“Mot a kum sui! Mot a kum nutnutun a kum laulau na sui! Mot in kalabor eno pepetlai gusun a warkurai na minabalu una labino sungun?

A Wakak na Wasiso un o Iesu Karisito o Jon i tumusi 16:21

elar nama ino ra i milau sur in usus, in taramo a ngunungut, ikut, ra i sa usus pas, in dumano a ngunungut ma in gas. In gas uni i sa usus tar a nat urin una rakrakon bual.

Aposel 13:41

‘Tama i, mot a kum tene urongon un o God, mot in kisin ma mot in iru, uni an pam ara utna una numot a kum bung na nilaun. Ra taio in inanos mot una utna ra, ka mot in nurnur ut uni.’” Hab 1:5

2 Tesalonaika 1:9

Det in taramo a warkurai na minabalu ra ken rop, i a iniru tukum, ma det in kis gisen gusun a Labino ma a minamarin a dekdekino.

Ibru 12:23

Mot sa wanpat una kinkinis tomo anun a kum mugano nutnutun o God, det ra di sa tumus tar a kum risandet sapat netes una langit. Mot sa wanpat torom o God, i ra a Tene Warkurai anun a taro rop, ma torom a nion a kum tene tokodos, ra o God i sa utokodos sakit pas det,

Ibru 2:3

Ra i lenra, in pepetlai torom dat, ra dat rosumur gusun a labino pinapam na ulaun a taro ra o God i sa pam tari? Ka dat in kalabor eno lar pas gusun anun a warkurai na minabalu. A pinapam na ulaun a taro, a Labino ut i sa wasiso puaso mugu taru uni. Ma det ra det longoro in nalngano, det upuaso i torom dat lena i lingmulus sakit.

2 Pita 2:4

O God ke maris bat a kum ensel ra det pam a sakino petutna. I woro pirso ru det unin labino tung ra i dumirum doko, ma di ker ukai tar det, ma det kis langlang pas a bung na warkurai.