1 Tesalonaika 5:23 - Nupela Testamen long tokples Kandas

²³ Metul wararing sur o God ut, a God na malmal, in uwakak pas anumot a nilaun, sur mot in tokodos rop umatano. Metul wararing kai sur o God in tamtamabat a niomot, a nuknuki mot ma a pinimot, sur gong tu etakun in los mot una bung ra anundat a Labino o Iesu Karisito in milet uni.

1 Tesalonaika 5:23 ပူးပေါင်းရင်းမြစ်များ

Luk 1:46

O Maria i watungi lena, “A niong i watung ulabo pas a Labino,

A Wakak na Wasiso un o Iesu Karisito o Jon i tumusi 17:19

A pitar tar iau ut torom ui, sur det kai, det anum a taro mulus una num a lingmulus na wasiso.

Aposel 20:32

“Uniri a pitar tar mot ulaman o God, ma a pitar tar mot una nun a wasiso ra i upuaso anun a marmaris. A wasiso ra, i pet lar pasi sur in udekdek mot, ma in tabor mot nama kum wakak na etabor ra o God i ser tabor anun a taro nami.

Aposel 26:18

Un utamtama det sur det in tupukus gusun a dumirum sur a talapor, ma gusun a dekdekin o Satan sur o God, sur din unus ru anundet a kum sakino petutna. Det in nurnur un iau, ma una nundet a nurnur, det in kis tomo nam det ra o God i sa pilok pas det sur anun a taro.’

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

A Pas anun o Pol torom a taro Rom 15:33

O God, i a kibin a malmal, in kis tomo nam mot rop. Amen.

A Pas anun o Pol torom a taro Rom 15:5

A wararing lena o God ut, ra i ser udekdek anundat a nurnur, ma i ser warut dat, in dat tomo mot sur in takai kut a nuknuki mot, ra mot mur a nilaun anun o Karisito Iesu.

A Pas anun o Pol torom a taro Rom 16:20

Ma o God, i ra a kibin a malmal, milau mo in pas ginogino o Satan utuntudu ina kum kikimot. A marmaris anun anundat a Labino o Iesu in kis tomo nam mot.

1 Korin 1:2

torom mot a taro na lotu anun o God ra mot kis tiro o Korin. Mot ra o Karisito Iesu i gos talapor pas anumot a nilaun, ma i kabo pas mot sur mot a taro anun o God. Mot a taro anun o God tomo nama taro rop una kum tamon rop ra det lotu una risan anundat a Labino o Iesu Karisito, i ra a Labino anundet ma anundat kai.

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

1 Korin 14:33

Uni o God, a God na malmal, ma ke nem a utna ra i lokolokor. I wakak ra a wardain det in kis wowowon kut una lotu, elar nama taro anun o God det ser pami una kum tamon rop. Ka di mulaot tar det sur det in wasiso. Det in unatino pas det, elar nama Warkurai anun a taro Juda i watungi.

2 Korin 5:19

Un o Karisito, o God i marom nama taro taginin una rakrakon bual. Ken nuk melet pasi mo anundet a kum sakino petutna sur in warkurai det uni. Iri a wasiso na emarom, ra i pitar tari tamet.

Pilipai 1:10

Ra in lenra, mot in pet lari sur mot in tasman lele asau ra i wakak o ke wakak, sur a magiramot in tokodos umatan o God, ma katu etakun in los mot una bung ra o Karisito in nanpat.

Pilipai 1:6

A tasman mulusi lena, o God ra i turpas a wakak na pinapam un mot, in pam nanani, tuk ra in uropi, una bung ra o Karisito Iesu in nan pirso melet.

Pilipai 4:9

Asau ra mot sa ususer pasi tagun iau, o mot sa rakon pasi, o mot sa longoro tari tagun iau, o mot sa tama tari un iau, mot in muri. Ra o God a tene malmal in kis tomo nam mot.

Kolosi 1:22

Ikut uniri, o God i sa dat pas mot toromi, sur mot pasano melet. I pam a pinapam ri, nama pinin o Karisito ra i mat, sur in ben pas mot umatan o God, ma mot anun a taro, ra katu niraro kura un mot, ma katu etakun in los mot.

1 Tesalonaika 2:19

Metul nem doko i sur metul in tama melet mot, uni metul nurnur un mot lena, mot sa tur dekdek, ma mot, mot kibino una numetul a gasgas, ma mot kibino una numetul a kunukul tagun anumetul a pinapam, una bung ra anundat a Labino o Iesu in nanpat, ma dat in tur umatano.

1 Tesalonaika 3:11

Metul wararing lena, o God ut a Tamandat ma anundat a Labino o Iesu, in papos anumetul a kisapi sur metul in nan torom mot.

1 Tesalonaika 3:13

Ma metul wararing kai sur in udekdek mot sur mot in tokodos, ma katu etakun in los mot, ra mot in tur umatan o God a Tamandat, una bung ra anundat a Labino o Iesu in nanpat, tomo nam anun a tokodos na taro rop.

1 Tesalonaika 4:3

O God i nemi sur anumot a nilaun gong i dur umatano, ra mot in nan gisen gusun a kum pamuk na petutna.

1 Tesalonaika 5:22

Ma mot in nan gisen gusun a kum sakino rop.

2 Tesalonaika 3:16

Metul wararing sur a Labino ra i pitar a malmal, i ut in tabor mot nama malmal una kum du bung rop ma una kum ngas na kinkinis na nilaun rop. A Labino in kis tomo nam mot rop.

Ibru 13:20

A wararing torom o God ra i ser pitar a malmal. I ra i ukatutur melet pas anundat a Labino o Iesu gusun a minat. O Iesu, i a labino tene tamtamabat anun a kum sipsip ra i mat ma i pitar tar a gapino ut sur in pam a kunubus ra in tur tukum. I mo ra o God i ukatutur melet pasi gusun a minat.

Ibru 2:11

O Iesu tomo nama taro ra i rus talapor pas det gusun anundet a kum sakino petutna, det ara Tamandet kut. Iri a kibino ra o Iesu ke maimai sur in watung det, a kum tistisino.

Ibru 4:12

Uni a wasiso anun o God i laun ma i papam. I wangon doko taun in totok na inaim ra aru paporino der wangon. I ruk ra i totok tuk una nubual ra a niondat ma a balandat der etorom iai, ma tuk una nubual ra a kum sur det tugus tomo iai. Ma i kuro a kum nuknuk ma a kum nemnem nin ubalandat.

Jems 1:4

Ra mot in tur dekdek, mot in tokodos sakit una numot a nilaun rop, ma ka mot in sibo sur tu wakak na petutna.

1 Pita 1:2

O God a Tamandat i sa pilok pas mot ra i sa tasman mugu tar mot, ma a Tokodos na Nion i umatok pas mot sur mot a taro anun o God, sur mot in mur a wasiso anun o Iesu Karisito, ma in rus mot nama gapino. A marmaris ma a malmal in kis torom mot, ma in labo sakit.

1 Pita 5:10

Ikut o God, i a God na marmaris, ma un o Karisito i kabo pas mot sur mot in kis tomo nami una nun a minamar ra ken rop. Ra mot sa taramo tar a ngunungut un tu nat na du bung kut, numur i ut in uwakak pas mot melet, in udekdek mot ma in warut mot sur mot in tur dekdek.

2 Pita 3:14

A kum wakak na paspasang, ra mot kis langlang sur a bung ra, mot in dekdek sur gong tu dur una numot a nilaun, ma katu etakun in los mot un tu utna, ma mot in kis na malmal tomo nam o God.

A Pas anun o Jud 1:1

Iau o Jud, a tultul anun o Iesu Karisito ma a tisin o Jems. A tumus a pas ri torom mot ra o God a Tamandat i sa kabo pas mot, ma i maris mot, ma mot kis una tamtamabat anun o Iesu Karisito.

A Pas anun o Jud 1:24

Dat in watung ulabo pas o God, ra i pet lar pasi sur in tamtamabat mot sur gong mot puku, ma in utur mot umatan anun a minamar, nama labino gasgas ma katu etakun torom mot.