1 Tesalonaika 5:21 - Nupela Testamen long tokples Kandas

²¹ Mot in lar rop a kum wasiso ma a kum petutna. Mot in utur ukai a wakakino.

1 Tesalonaika 5:21 ပူးပေါင်းရင်းမြစ်များ

Luk 12:57

“Ilai ra mot ut ka mot tamtama wakak sur asau ra i tokodos?

A Wakak na Wasiso un o Iesu Karisito o Jon i tumusi 15:4

Mot in laun un iau, ma iau an laun un mot. Ka mot in wu ra ka mot laun un iau, elar nama kano wain ken wu oros ra ken patop unin nanai ino.

A Wakak na Wasiso un o Iesu Karisito o Jon i tumusi 8:31

O Iesu i watungi torom a kum te Juda ra det nurnur uni lena, “Ra mot in mur anung a etowo, mot anung a taro na ususer mulus.

Aposel 11:23

O Banabas i ara wakak na musano, i bukus nama Tokodos na Nion ma a nurnur. Ra i wanpat, i tama asau ra a marmaris anun o God i pami una nundet a nilaun, ra i gas doko. Ra i uragot det rop sur det in tur dekdek mulus nama nurnur torom a Labino una nundet a nilaun rop. Ra a susut na taro det tupukus torom a Labino.

Aposel 14:22

Ra der uragot a taro na ususer tagun a tulu tamon ra, ma der wasiso na warut torom det, sur det in tur dekdek una nurnur anundet. Der watungi lena, “A susut na utna in monong mugu tar dat, numur dat in ruk una matanitu anun o God.”

Aposel 17:11

Det ri det wakak tandet tong o Tesalonaika, uni det rakon a wasiso ri nama gasgas, ma det luk wakak a kum wasiso tagun a Buk Tabu una kum bung rop, sur det in tama a wasiso anun o Pol, ra i lingmulus o awu.

A Pas anun o Pol torom a taro Rom 12:2

Ma gong mo mot tamtama ususer una nilaun tagun a rakrakon bual. Mot in pitar tar mot torom o God, sur in pukus a nuknuki mot, ma in umatoki, sur mot in tasman lele anun a nemnem. Anun a nemnem ra i wakak, i tokodos sakit, ma i gas nami.

A Pas anun o Pol torom a taro Rom 12:9

In wakak ra anumot a marmaris torom a taro in lingmulus. Mot in nget a sakino, ma mot in pam ukai a kum petutna ra i wakak.

1 Korin 15:58

I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.

1 Korin 2:11

Osi ra i tasman a nuknukin taio? A nion a musano sot kut, ra kura uni, i tasmani. Lenkutkai ra, kataio i tasman a nuknukin o God. A Nion o God sot kut i tasmani.

Galesia 6:10

Ra dat in pet lar pasi, dat in pam a wakakino torom a taro rop. Dat in pam mugu i torom a kum tene nurnur, ma numur torom a taro gisen kai.

Epeses 5:10

Mot in sisio sur a petutna ra a Labino i gas nami, sur mot in pami.

Pilipai 1:10

Ra in lenra, mot in pet lari sur mot in tasman lele asau ra i wakak o ke wakak, sur a magiramot in tokodos umatan o God, ma katu etakun in los mot una bung ra o Karisito in nanpat.

Pilipai 3:16

Ikut dat in mur a wakak na nilaun ra dat sa utur ukai pasi.

Pilipai 4:8

A kum tistising, a ururop na wasiso ri a tumusi torom mot: A nuknuki mot in kis una kum utna ri: asau ra i lingmulus, asau ra di urur uni, asau ra i tokodos, asau ra katu dur uni, asau ra i tamtama wakak ma asau ra a taro det watungi lena i wakak. Ra tu utna in wakak sakit, o ra tu utna di watung ulabo pasi, a nuknuki mot in kis uni.

1 Tesalonaika 5:15

Gong mot balu a sakino nama sakino. Mot in dekdek sur mot in pam a wakakino etetalai torom mot, ma torom a taro rop kai.

1 Tesalonaika 5:22

Ma mot in nan gisen gusun a kum sakino rop.

2 Tesalonaika 2:15

I mo ra, a kum tistisi metul, mot in tur dekdek, ma mot in utur ukai a kum etowo ra metul sa ususer tar mot nami. A kum etowo ra metul sa watung tari ma metul sa tumus tari kai, torom mot.

2 Timoti 1:15

U tasmani lena a taro rop, ra det kis una papor Asia, det sa wan pas gusun iau. O Pigelus ma o Emogenes aru tagun det.

2 Timoti 3:6

A kum ngas na musano lenra, det in ruk oros kut una kum rumu, ma det in ungongos oros pas a wardain sur det in mur det. A wardain ra, katu wakak na nuknukin det, ra det pot na marmaris una nundet a kum sakino petutna, ma anundet a kum sakino nemnem i ben raro det.

2 Timoti 4:14

O Aleksanda, a tene pam ututna nama aen, i pam a susut na sakino petutna torom iau. A Labino ut in balu i toromi.

Ibru 10:23

Dat in tur dekdek una nundat a kinkinis langlang nama nurnur sur asau ra o God in pami, ra dat ser wasiso puaso uni. Dat in tur dekdek, ma gong dat wan gisen gusuni, uni o God in pam soti ut asau ra i sa uliliman taru uni.

1 Jon 4:1

A kum wakak na paspasang, gong mot nurnur oros un taio ra i watungi lena a Tokodos na Nion i pitar tar a wasiso toromi. I wakak sur mot in lari munung a kum nion, ra det tagun o God o awu. Uni, a susut na torotoro na poropet kuri det una rakrakon bual.

Tamtama 2:2

A tasman anumot a kum pinapam ma anumot a kum dekdek na pinapam, ma anumot a tuntunur dekdek ra mot taramo a ngunungut. A tasmani lena ka mot madek tar a kum sakino taro. Ma mot sa lar tar det ra det warango det lena, det a kum aposel, ikut awu sur det a kum aposel mulus, ma mot sa tama lele tar det lena, a kum tene torotoro.

Tamtama 2:25

A kum sau rop ra mot sa utur ukai i, mot in tur dekdek uni tuk ra an nanpat.

Tamtama 3:11

Milau mukut an nanpat. Mot in pam ukai dekdek a kum sau ra mot sa utur ukai i, sako taio in los pas anumot a ikul, ra o God in pitari torom mot, len lari ra di pitar a ikul tan taio ra i winim pas a kinalabor.

Tamtama 3:3

I mo ra, mot in nuk pas a etowo ra di sa pitar tari tamot ma mot sa longoro tari, mot in muri ma mot in nukpukus. Ikut, ra ka mot in tuangun, an nanpat torom mot elar nama tene wolong ma ka mot in tasman a du bung ra an nanpat uni.