1 Tesalonaika 5:18 - Nupela Testamen long tokples Kandas

¹⁸ Mot in watung wakak torom o God un asau rop ra i wanpat torom mot, uni iri a nemnem ut anun o God torom mot, a taro anun o Karisito Iesu.

1 Tesalonaika 5:18 ပူးပေါင်းရင်းမြစ်များ

Epeses 5:20

Ma una kum bung rop, mot in watung wakak una kum utna rop torom o God a Tamandat, nama risan anundat a Labino o Iesu Karisito.

Pilipai 4:6

Gong mot nuknuk doko sur tu utna. Una kum utna rop, mot in wararing nama niaring na watung wakak torom o God. Ma mot in inanosi una numot a kum nemnem.

Kolosi 3:17

Una kum utna rop ra mot pami ma mot watungi, mot in pami ut nama risan a Labino o Iesu, ma mot in watung wakak torom o God a Tamandat, kibino una pinapam ra o Karisito i pami un mot.

1 Tesalonaika 4:3

O God i nemi sur anumot a nilaun gong i dur umatano, ra mot in nan gisen gusun a kum pamuk na petutna.

Ibru 13:15

I mo ra, una kum bung rop dat in watung ulabo pas o God, una risan o Iesu. A wasiso na ulabo ra, in elar nama etabor ra dat pitari torom o God, ra a wandat i upuaso a risano.

1 Pita 2:15

Uni o God i nemi sur mot in pam a kum wakak na pinapam, sur mot in sakbat ru a kum wasiso oros kut anun a taro ra ka det mananos.

1 Pita 4:2

Ra ke pitar tari mo anun a nilaun una kum laulau na nemnem. I pitar tari mukut sur in mur a nemnem anun o God.

1 Jon 2:17

A rakrakon bual ma a kum laulau na nemnem ra det wanpat taguni, det in rop kut, ikut osi ra i mur a nemnem anun o God, in laun tukum.