1 Tesalonaika 5:13 - Nupela Testamen long tokples Kandas

¹³ Mot in ese a labino urur ma a marmaris torom det, kibino una nundet a pinapam. Ma mot in kis na malmal etetalai.

1 Tesalonaika 5:13 ပူးပေါင်းရင်းမြစ်များ

Matiu 10:40

“Osi ra in gas pas mot, i gas pas iau utkai, ma osi ra i gas pas iau, i gas pasi utkai o naro ra i tulu ru iau urin.

A Wakak na Wasiso un o Iesu Karisito o Mak i tumusi 9:50

A sol i wakak, ikut ra a makasmanino i sa rop, mot in umakasman meleti mo pepetlai? Ken elar! I wakak ra a sol in kis un mot, ma mot in kis na emarom tomo.”

A Wakak na Wasiso un o Iesu Karisito o Jon i tumusi 15:17

Mot in nem etetalai mot. Iri anung a warkurai torom mot.

2 Korin 13:11

Anung a ururop na wasiso mo ri: A kum tistising, mot in gas! Mot in ukodos mot, mot in mur anung a wasiso, in takai kut a nuknuki mot, ma mot in kis na malmal etetalai. Ra a God na marmaris ma a malmal in kis tomo nam mot.

Galesia 4:14

Anung a misait i pitar a maut torom mot, ikut ka mot nget iau, ma ka mot rosumur gusun iau, awu. Mot gas pas iau kut elar nam ara ensel anun o God, o elar nam o Karisito Iesu ut.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Galesia 6:6

Osi ra i los a etowo una wasiso anun o God, in warut anun a tene ususer nam tu wakak na utna tagun anun a kum utna.

Epeses 4:3

Mot in dekdek sur mot in takai kut una kinkinis ra a Tokodos na Nion i sa pitar tari tamot, uni i kubus tomo mot nama malmal.

Kolosi 3:15

I wakak sur a malmal ra o Karisito i tabor mot nami in mugu mot una numot a nilaun. Uni mot ara pinin o Karisito kut, ma o God i kabo pas mot sur mot in kis tomo nama malmal. Ra i wakak sur mot in ser watung wakak torom o God.

1 Tesalonaika 5:14

A kum tistisi metul, metul saring mot sur mot in tumarong a kum tubunu wok na taro, mot in uragot det ra det ser ngara, mot in warut det ra ka det dekdek una nurnur, ma mot in ese a wowowon na petutna torom a taro rop.

2 Tesalonaika 3:16

Metul wararing sur a Labino ra i pitar a malmal, i ut in tabor mot nama malmal una kum du bung rop ma una kum ngas na kinkinis na nilaun rop. A Labino in kis tomo nam mot rop.

2 Timoti 2:22

Un nan gisen gusun a kum nuknuk na barman, ma un mur a tokodos na petutna, ma a nurnur, ma a marmaris ma a malmal, tomo nam det ra det ser wararing torom a Labino nama tokodos na nuknukin det.

Ibru 12:14

Mot in dekdek sur mot in kis na malmal tomo nama taro rop, ma mot in madek o God sur in gos talapor anumot a nilaun. Ra o God ke gos talapor a nilaun anun taio, ken tama a Labino.

Jems 3:18

A tene malmal ra i ser papam nama malmal, i elar nama tene minarut. Ma a utna ra i pasong pasi, i a tokodos na petutna.