1 Tesalonaika 5:12 - Nupela Testamen long tokples Kandas

¹² A kum tistisi metul, metul saring mot sur mot in pitar a urur torom anumot a kum mugumugu, ra det papam dekdek epotor tamot, ma det tamtamabat mot una kisapi anun a Labino, ma det ususer mot.

1 Tesalonaika 5:12 ပူးပေါင်းရင်းမြစ်များ

Luk 10:7

Mot in kis ut tiro iai una rumu ra, mot in nangon ma mot in inum una utna ra di tabor mot nami, uni i tokodos sur din tabor a tene pinapam. Gong mot inep karkarai.

A Wakak na Wasiso un o Iesu Karisito o Jon i tumusi 4:38

A tulu mot sur mot in pasong una kinobot ra mot ut ka mot marut tari. Ara taro gisen ut det pam tari, ma mot, mot los a tinibo mukut tagun anundet a pinapam.”

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

Aposel 20:35

Una kum dekdek na pinapam rop ra a ser pami, a sa ese tar mot lena mot kai mot in pami lenra, ma mot in warut det ra kalako dekdekin det. Ma mot in nuk pas a wasiso anun a Labino o Iesu ra i sa watung tari lena, ‘Det ra det etabor det dan tandet ra det los a kum utna ra di tabor tar det nami.’”

A Pas anun o Pol torom a taro Rom 16:12

Mot in pitar anung a marmaris torom o Tripina ma o Triposa. Aru ino ri, der sa pam tar a dekdek na pinapam sur a Labino. Mot in pitar anung a marmaris torom ara wakak na pasang kai o Pesis, ara ino ra i sa pam tar a dekdek na pinapam sakit sur a Labino.

A Pas anun o Pol torom a taro Rom 16:6

Mot in pitar anung a marmaris torom o Maria, ra i sa pam tar a dekdek na pinapam sur in warut mot.

1 Korin 12:28

O God i sa pilok pas a taro ri epotor tan a taro na lotu: a mugano ut a kum aposel, a manru a kum poropet, a mantul nami, a kum tene ususer, ma det kai ra det pam a kum utna na ukisin, ma det ra o God i pitar a etabor torom det sur det in ulangolango pas a kum misait, ma det ra det warut a taro, ma det ra det ser mugu a taro una kum pinapam, ma det ra det wasiso nama wur ngas na wasiso.

1 Korin 15:10

Ikut, o God i pitar tar a nilaun ri a laun nami, kibino ut una nun a marmaris. Ma ke urop oros tari kut anun a marmaris un iau, awu. A papam dekdek doko taun det rop. Ikut, awu sur iau ut a papam, a marmaris anun o God i papam tomo nam iau.

1 Korin 16:16

sur mot in unatino pas mot torom a ngas na taro lenra, ma torom det ra det papam tomo nam det, ma det dekdek una pinapam ra.

1 Korin 16:18

Detul ugasgas pas a niong, ma a niomot kai. I wakak ra mot in tama lele a ngas na taro lenra, ma mot in pitar a urur torom det.

1 Korin 3:9

Uni mir aru tene pinapam tomo anun o God. Ma mot, mot elar nama kinobot anun o God, ma mot elar kai nama rumu anun o God ra i papam nanan uni.

2 Korin 11:23

Det a kum tultul anun o Karisito, niko? Iau a wakak na tultul tandet rop. A wasiso elar nama longlong. A papam dekdek bing tandet rop, a sa kis papas una karabus, a kum inaim di pami un iau i dekdek sakit, a susut na dino milau an mat. A kum utna rop ri, ra di pami un iau, i labo taun a utna ra di pami un det.

2 Korin 5:9

Lenra, una nilaun nin upiso, o una nilaun sapat netes una langit, met nemi sur met in pami kut a utna ra in gas uni.

2 Korin 6:1

Met papam tomo nam o God, ra met saring mot, sur gong mot ukio orosi kut a marmaris anun o God torom mot.

Galesia 4:11

A ngara doko sur mot, sako anung a pinapam torom mot in utna oros kut.

Pilipai 2:19

A nurnur una Labino o Iesu, ra milau mo an tulu ru o Timoti torom mot, sur an longoro tu wasiso un mot ra an gas.

Kolosi 1:29

A papam dekdek sur a utna ri in nanpat mulus ut. A lingmulus, a papam dekdek nama labino dekdekin o Karisito, ra i papam dekdek una nung a nilaun.

1 Tesalonaika 2:9

A kum tistisi metul, mot sa tasman anumetul a dekdek na pinapam. Una kum mirum ma a waspi, metul papam nama lamametul sur u warut metul una numetul a kinkinis. Metul pami lenri, sur metul in warawai torom mot nama Wakak na Wasiso anun o God ma gong metul pitar a mamaut torom mot sur mot in kul metul.

1 Tesalonaika 4:1

A kum tistisi metul, metul sa ususer tar mot una ngas na nilaun ra mot in laun nami sur in ugasgas o God, lar ut ra mot sa muri. Ra uniri metul saring mot, ma metul udekdek mot una risan a Labino o Iesu, sur anumot a nilaun in lubung dekdek lenutra.

1 Tesalonaika 5:14

A kum tistisi metul, metul saring mot sur mot in tumarong a kum tubunu wok na taro, mot in uragot det ra det ser ngara, mot in warut det ra ka det dekdek una nurnur, ma mot in ese a wowowon na petutna torom a taro rop.

1 Timoti 5:1

Ra un ukodos tu musano ra a mugano tam, gong u wasiso na kankan, un wasiso wowon kut elar nami ra u pami torom o tamam. Un pam a wakak na petutna torom a kum barman elar nami ra u pami torom a kum tistisim.

1 Timoti 5:20

Ra tu mugumugu in pam a sakino petutna, un ukodosi umatan a taro na lotu rop, sur in utumarong lako taro kai tagun det.

2 Timoti 2:6

A tene minarut ra i papam dekdek, i ut in pasong mugu a win ana kinobot ra in taka.

Taitus 1:3

Ra a du bung i sa sot, i upuaso anun a wasiso ra met warawai nami. O God a Tene Ulaun anundat, i pitar tar a pinapam na warawai tang elar ut nami ra i sa watung tari.

Taitus 1:5

A wan gusun ui tiro una ailan Krit, sur ui mo un urop a kum pinapam ra ke rop utmakai, ma un pilok pas lako kum mugumugu na lotu, una kum tamon rop, elar nami ra a sa watung tari tam.

Taitus 2:15

Un ususer det nama kum wasiso ri. Un uragot a taro, ma un watung puaso anundet a niraro umatandet. Un pami nama dekdek ra kura torom ui. Ma gong u madek tar taio sur in tama pisopiso ui.

Ibru 13:17

Mot in mur a wasiso anun anumot a kum mugumugu, ma mot in kis utuntudu ina anundet a warkurai, uni det tamtamabat mot, ma numur det in wasiso talapor umatan o God una nundet a kum pinapam torom mot. Ra mot in mur anundet a wasiso, det in gas una nundet a kum pinapam. Ikut, ra awu, det in papam nama tupunuk, ra ken warut mot.

Ibru 13:7

Mot in nuk pas anumot a kum mugumugu, ra numugu det sa ususer tar mot una wasiso anun o God. Mot in nuk pas anundet a ngas na nilaun, ma mot in mur anundet a nurnur.

Tamtama 1:20

Iri a kukurai ina utna na pidik tagun a wonom mawit nin nangnang ra u sa tama tari una sot na lamang, ma a wonom mawit na turtur na lam na gol: A wonom mawit nin nangnang ra, i tur ukinalong a kum ensel anun a taro na lotu una wonom mawit na tamon, ma a wonom mawit na turtur na lam ra, i tur ukinalong a taro na lotu una wonom mawit na tamon.

Tamtama 2:12

“Un tumtumus torom a ensel anun a taro na lotu tong o Pergamum lena: O naro ra anun in totok na inaim aru paporino rop der wangon doko, i watung a wasiso ri:

Tamtama 2:18

“Un tumtumus torom a ensel anun a taro na lotu tong o Taiataira lena: A Nutun o God, ra arin nikiok na matano der elar nama kunabor ina sungun, ma aru kikino der talapor elar nama bras ra di sa tun talapor tari una sungun, i watung a wasiso ri:

Tamtama 2:3

Mot sa taramo a ngunungut, uni mot mur iau, ma a pinimot ke ngoro, mot tur dekdek ut.

Tamtama 2:8

“Un tumtumus torom a ensel anun a taro na lotu tong o Smerna lena: O naro ra a mugano ma a ururopino, i ra i mat pas, ma i sa laun melet, i watung a wasiso ri:

Tamtama 3:1

“Un tumtumus torom a ensel anun a taro na lotu tong o Sardis lenri: O naro ra i bukus nama wonom mawit na Nion o God ma i pam pas a wonom mawit nin nangnang, i watung a wasiso ri: A tasman anumot a kum pinapam. A taro det watungi lena mot laun, ikut mot sa mat.

Tamtama 3:14

“Un tumtumus torom a ensel anun a taro na lotu tong o Laodisia lenri: O naro ra di watungi nama Amen, a lingmulus na tene wasiso talapor anun o God ra i lingmulus sakit, i ra a kimkibin a kum ukukis anun o God, i watung a wasiso ri:

Tamtama 3:7

“Un tumtumus torom a ensel anun a taro na lotu tong o Piladelpia lenri: O naro ra i tasur, ma i lingmulus, ma i pam a ki anun o Dewid, i papos a matansako, ra kataio in tagar lar pasi, ma i tagari, ra kataio in papos lar pasi. I watung a wasiso ri: