1 Tesalonaika 5:11 - Nupela Testamen long tokples Kandas

¹¹ I mo ra mot in uragot etetalai mot, ma mot in udekdek mot, lenutra mot ser pami.

1 Tesalonaika 5:11 ပူးပေါင်းရင်းမြစ်များ

A Pas anun o Pol torom a taro Rom 14:19

I mo ra dat in dekdek sur dat in pam a petutna na malmal, ma sur dat in udekdek a nurnur anundat etetalai.

A Pas anun o Pol torom a taro Rom 15:14

A kum tistising, a tasmani ut lena mot bukus nama wakak na petutna ma a mananos, ma mot pet lar pasi sur mot in ususer etetalai mot.

A Pas anun o Pol torom a taro Rom 15:2

Dat rop taktakai dat in nuk pasi kai a pasandat, ma dat in pam a kum utna ra in waruti, ra in udekdek anun a nurnur.

1 Korin 10:23

Sako taio in watungi lena, “A kum utna rop i wakak kut sur dat in pami,” ikut, awu sur a kum utna rop in warut dat. “A kum utna rop i wakak kut sur dat in pami,” ikut, awu sur a kum utna rop in udekdek dat.

1 Korin 14:12

Lenkutkai ra torom mot. Mot ser dekdek sur a kum etabor anun a Tokodos na Nion. I wakak sur mot in dekdek sur a kum etabor ra in udekdek a taro na lotu rop.

1 Korin 14:29

Lako ru o lako tul, detul in wasiso na poropet, ra a taro det in nuknuk wakak una nundetul a wasiso ra i lingmulus o awu.

1 Korin 14:5

A nemi sur mot rop mot in wasiso nama wur ngas na wasiso, ikut a nem doko i sur mot in wasiso na poropet. O naro ra i wasiso na poropet i wakak doko taun o naro ra i wasiso nama wur ngas na wasiso. Ikut ra taio in palos a kukurai ina wur ngas na wasiso sur in udekdek a taro na lotu, in wakak ut.

2 Korin 12:19

Pepetlai, mot nuki lena met wasiso bat met kut gusun mot? Awu. Met wasiso nama lingmulus umatan o God elar nama kum tultul anun o Karisito. A kum wakak na paspasa met, a kum utna rop ra met pami, met pami sur in warut mot.

Epeses 4:12

sur det in waninar a taro anun o God, sur det ra, det in papam toromi, sur dat a pinin o Karisito dat in lubung.

Epeses 4:16

Un o Karisito, a kudulano pinino i tugus tomo wakak. Ra arara du pinino in pami ut anun a pinapam, a kudulano pinino in lubung ma in dekdek, ma in bukus nama marmaris.

Epeses 4:29

Ma gong tu laulau na wasiso i pirso gusun a wamot. Mot in watungi kut a wasiso ra i wakak sur in udekdek a taro ma in warut det una utna ra det sibo suri, sur anumot a wasiso in pam a wakakino torom det ra det longoro mot.

1 Tesalonaika 4:10

A lingmulus ut, mot nem a kum tistisi mot rop tiro una papor Masedonia rop. Ikut, metul saring mot sur anumot a marmaris in lubung dekdek ut.

1 Tesalonaika 4:18

I mo ra mot in uragot etetalai mot nama kum wasiso ri.

1 Timoti 1:4

Ma gong det balon una kum etowo ororos kut, ma a kum utatos, ra katu ururopino. I ulabo i kut a wasiso na engaras, ma ke warut a pinapam anun o God. A pinapam anun o God i lubung kut una nurnur.

Ibru 10:25

Gong dat mana gusun anundat a kum kinkinis tomo una lotu, elar nama ramano taro det ser pami. Dat in uragot etalai dat, ma dat in dekdek uni, uni mot tama i lena a bung na inawan pat anun a Labino i sa milau.

Ibru 3:13

Mot in uragot etetalai mot una kum bung rop, ra di watungi utmakai lena “uniri.” Mot in pami lenra, sako a sakino petutna in toro pas taio tagun mot, ma in udekdek bat in balano.

2 Pita 1:12

Mot sa tasman a kum utna ri, ma mot sa tur dekdek una lingmulus na etowo ra mot sa los pasi, ikut i wakak ra an unuk tar mot melet nami.

A Pas anun o Jud 1:20

Ikut mot, a kum wakak na paspasang, in wakak ra mot in udekdek mot una numot a tokodos na nurnur sur in lubung, ma mot in wararing nama dekdekin a Tokodos na Nion.