1 Tesalonaika 4:4 - Nupela Testamen long tokples Kandas

⁴ Arara tagun mot in dekdek sur in turbat a nemnem na pinino, sur a petutna na urur in kis una nun a nilaun ma katu dur kai in kis uni.

1 Tesalonaika 4:4 ပူးပေါင်းရင်းမြစ်များ

Aposel 9:15

Ikut a Labino i watungi tano lena, “Un nan kut, uni a sa pilok pasi, sur i anung a tene pinapam. In wasiso puaso una risang torom a taro ra awu sur a taro Israel, torom a kum king, ma torom a taro Israel kai.

A Pas anun o Pol torom a taro Rom 1:24

I mo ra, o God i madek tar det sur det in pam a kum dur na petutna elar nama kum sakino nemnem tagun a balandet, ra det in pam a petutna na maimai etetalai una pinindet.

A Pas anun o Pol torom a taro Rom 12:1

I mo ra a kum tistising, a saring mot sur mot in pitar tar a pinimot rop torom o God, uni o God i maris doko mot. Mot in pitari elar nama etabor ra i laun, ma katu dur uni, ma i elar nam anun a nemnem ut. I ra anumot a lotu mulus torom o God.

A Pas anun o Pol torom a taro Rom 6:19

A wasiso nama kum wasiso elelar ri torom mot, uni a nuknuki mot ke talapor wakak una utna ra a wasiso uni. Numugu mot pitar tar a kum du pinimot sur in tene ititula anun a kum dur na petutna, ma anumot a kum sakino i lubung ma i labo. Ikut uniri, mot in pitar tar a kum du pinimot sur in tene ititula anun a tokodos na petutna, sur anumot a nilaun, anun o God.

1 Korin 6:15

Pepetlai, ka mot tasmani lena, a pinimot, a kum du pinin o Karisito ut? Pepetlai, an upitapo pas lako kum du pinin o Karisito tomo nama pamuk na ino sur der in takai mukut? Awu, ken elar mulus!

1 Korin 7:2

Ikut, kibino una kum pamuk na petutna ra kura, i wakak sur arara musano in nolin nam anun a ino ut, ma arara ino kai in nolin nama nun a musano ut.

1 Korin 7:9

Ikut ra ka det pet lar pasi sur det in warkurai kodos a nemnem ina pinindet, i wakak kut sur det in nolin. Uni i wakak ra det in nolin, sur gong a nemnem ina pinindet i ukatutur a balandet.

2 Korin 4:7

A talapor ri, ra kuri un met, i a utna ra i wakak ma i labo doko. Ikut, met elar nama kum kuro oros kut ra di pami nama piso, sur in ese i lena, a labino dekdek ra kuri un met, tan o God ut, awu sur tagun met.

Pilipai 4:8

A kum tistising, a ururop na wasiso ri a tumusi torom mot: A nuknuki mot in kis una kum utna ri: asau ra i lingmulus, asau ra di urur uni, asau ra i tokodos, asau ra katu dur uni, asau ra i tamtama wakak ma asau ra a taro det watungi lena i wakak. Ra tu utna in wakak sakit, o ra tu utna di watung ulabo pasi, a nuknuki mot in kis uni.

Ibru 13:4

I wakak ra mot rop, mot in ru a kinkinis na nolin, ma gong tu dur na petutna in kis uni. Uni o God in kuro taio ra i pam a sakino nam tu ino anun taio o tu musano anun taio, ma taio kai ra i pam a kum pamuk na petutna.

1 Pita 3:7

Lenkutkai ra, mot a kum nolin na musano, mot in nem anumot a kum wardain una numot a kinkinis na nolin. Mot in pitar a urur torom det, uni a dekdekin det ke elar nama dekdeki mot. Det kai det in rakon a nilaun ra o God in pitari tamot. Mot in pami lenra, sur gong tu utna i turbat anumot a kum niaring.