1 Tesalonaika 4:16 - Nupela Testamen long tokples Kandas

¹⁶ Uni a Labino ut in nan pirso tagisapat una langit, in nalngan ara in kakabo, a mugumugu anun a kum ensel in wasiso, in tuwuru anun o God in tangis, ra det ra det sa mat nama nurnur un o Karisito, det in katutur mugu.

1 Tesalonaika 4:16 ပူးပေါင်းရင်းမြစ်များ

Matiu 16:27

Uni a Nutun a Musano in nanpat nama minamar anun o Tamano, det nam anun a kum ensel, ma in pitar a ikul torom arara taktakai elar nam anun a pinapam.

Matiu 16:28

A inanos mot nama lingmulus, lako taro tagun mot ri mot tur nin, ka mot in mat utmakai, ra mot in tama a Nutun a Musano in nanpat tomo nam anun a matanitu.”

Matiu 25:31

“A Nutun a Musano in nanpat nama nun a minamar, tomo nama nun a kum ensel, ra in kis una nun a kiskis na king. A kiskis ra a labino minamarino.

Matiu 26:64

O Iesu i watungi tano lena, “I ut ra u sa watungi. Ma a watungi tamot lena, turpasi uniri, mot in tama a Nutun a Musano in kis una papor sot na laman o God, i ra i dekdek sakit, ma numur mot in tama i ra in nanpat una kum du bakut tagisapat una langit.”

Aposel 1:11

Ma der watungi lena, “Mot a kum te Galili, sur asau ra mot tur ma mot tatado usapat una bakut? O Iesu mo sapat, i ra o God i sa ben pasi gusun mot usapat una langit, in nanpat melet urin, elar ut nami ra mot tama ru i, ra i wan usapat netes.”

1 Korin 15:18

Ma a kum tene nurnur kai un o Karisito ra det sa mat, det mat tukum.

1 Korin 15:20

Ikut i lingmulus, o God i sa ukatutur melet o Karisito gusun a minat. I a mugano musano ra i katutur melet gusun a minat, ma i ese i lena numur a kum minat kai det in katutur melet.

1 Korin 15:23

Ikut a inawan ina katkatutur melet i lenri: O Karisito a mugano musano ra i katutur melet gusun a minat, ma numur ra in nanpat melet, det ra anunu, det kai det in katutur melet gusun a minat.

1 Tesalonaika 1:10

Ra mot kis langlang sur o Nutunu, ra in nan pirso tagisapat una langit, i ra o God i sa ukatutur melet pasi gusun a minat. O naro ra, o Iesu, ra i ulaun pas dat gusun a kankan anun o God, ra in nanpat.

1 Tesalonaika 3:11

Metul wararing lena, o God ut a Tamandat ma anundat a Labino o Iesu, in papos anumetul a kisapi sur metul in nan torom mot.

2 Tesalonaika 1:7

ma in pitar a mana torom mot ra mot taramo a ngunungut, ma lenkutkai ra torom metul. O God in pami lenra, una bung ra a Labino o Iesu in nanpat tagisapat una langit nama kunabor na sungun ma anun a kum dekdek na ensel.

2 Tesalonaika 2:1

A kum tistisi metul, metul nem na inanos mot una inawan pat melet anun anundat a Labino o Iesu Karisito, ma una nundat a inawan tomo toromi. Metul inanos mot lena,

2 Pita 3:10

Ikut a bung anun a Labino in nanpat kisin elar nama tene wolong. A bakut in rorom nama labino rurung, ma a kum ukukis kusapat uni, det in laulau rop tan a labino sungun, ma a rakrakon bual ma a kum utna rop ra det kis uni, det in rorom rop.

A Pas anun o Jud 1:9

Ikut o Maikel, a mugumugu anun a kum ensel, ra der engaras nam o Satan una minatin o Moses, ke watung tar tu laulau na wasiso un o Satan. I watungi kut lena, “A Labino ut in balu i torom ui.”

Tamtama 1:10

Una bung anun a Labino, a bukus nama Tokodos na Nion, ma tong numur tang, a longoro in labino walngan ara, i elar namin tuwuru.

Tamtama 1:7

Tama i, i wan pirso nama kum du bakut, ma a matan a taro rop det in tama i, ma det utkai ra det so tari nama bele. Ma a kum kamkabo taro rop una rakrakon bual det in tangis, kibino uni. In nanpat ut lenra. Amen.

Tamtama 14:13

Numur a longoro in nalngan ara tagisapat una langit i watungi lena, “Un tumus a wasiso ri: Det ra det mat nama nurnur una Labino, turpasi uniri ma tuk numur, det dan.” A Tokodos na Nion i watungi lena, “Lingmulus, det in mana gusun anundet a kum pinapam, uni anundet a kum pinapam ra det sa pam tari in nan tomo nam det.”

Tamtama 8:13

Ra a tamtama, a longoro a manigulai ra i ro sapat una maino i kakabo namin labino walngano lena, “In laulau! In laulau! In laulau torom det ra det kis una rakrakon bual, kibino un asau ra milau in nanpat, ra a tulu ensel detul in wup anundetul a tulin tuwuru.”

Tamtama 8:2

Ra a tama a wonom mawit na ensel ra det ser tur numugu tan o God, ma di pitar tar a wonom mawit nin tuwuru tandet.