1 Tesalonaika 4:13 - Nupela Testamen long tokples Kandas

¹³ A kum tistisi metul, metul nemi sur mot in mananos un det ra det sa mat, ma gong mot tupunuk dekdek elar nama taro ra ka det nurnur una katkatutur melet gusun a minat.

1 Tesalonaika 4:13 ပူးပေါင်းရင်းမြစ်များ

Matiu 27:52

A kum kulam na minat det papos, ma a susut na taro anun o God ra det sa mat, det katutur melet.

A Wakak na Wasiso un o Iesu Karisito o Jon i tumusi 11:24

O Mata i balu i lena, “A tasmani lena in laun melet una bung ra o God in ukatutur melet pas a taro gusun a minat.”

Aposel 13:36

“O Dewid i pam sot rop pas a nemnem anun o God una nun a kum bung na nilaun. Numur i mat, ra di pori tomo nama kum tumtubunu, ma a pinino i mereseng.

Aposel 7:60

Ra i sing a ru but na kikino una piso, ma i kakabo lena, “Labino, gong u balu a sakino petutna ri det pami.” I watung len tari ra, ra i mat.

Aposel 8:2

A kum tene lotu mulus det por tar o Stiwen, ma det domosi.

A Pas anun o Pol torom a taro Rom 1:13

A kum tistising, a nemi sur mot in tasmani lena, a susut na bung a nuki lena an nan torom mot, sur an warut mot tuk ra an tama a win anung a etowo una numot a nilaun, elar nama win anung a etowo ra a tama i una kum tamon gisen tandet ra awu sur a taro Juda. Ikut, tuk uniri, a kum utna i turbat iau, ma ka wan lar pas.

1 Korin 10:1

A kum tistising, a nemi sur mot in nuk pas a kum tumtubun dat, ra det wan tagitong o Ijip. Det rop det wan utuntudu ina du bakut, ma det rop det wan kutus a Merek na Tasi.

1 Korin 12:1

A kum tistising, uniri an inanos mot nama kum etabor anun a Tokodos na Nion, uni a nemi sur mot in talapor uni.

1 Korin 15:6

Numur i wanpat torom a kum tistisin dat una nurnur. A nilulukin det i elar nama limo na mar ma i puku, ra det kis tomo una du bung ra. Ma a susut sakit tagun det, det laun utmakai, ikut, a ramano det sa mat.

2 Korin 1:8

A kum tistisi met, met nemi sur mot in tasman a kum ngunungut ra i los met una kum tamon tong una papor Asia. Met taramo a labino mamaut doko. Ka met dekdek mo, ma ka met nuki mo lena, met in laun.

Epeses 2:12

Mot in nuk pasi lena, numugu ra mot kis gisen utmakai gusun o Karisito, mot awu sur a taro Israel, ma a kum kunubus ra o God i uliliman taru nami, awu sur anumot. Ma una numot a nilaun nin una rakrakon bual ka mot tasman o God, ma katu wakak na utna ra mot in kis langlang suri nama nurnur.

Epeses 2:3

Numugu, dat kai dat laun elar nama taro na pitarngat. Dat kai dat ugasgasi kut a pinindat, ma dat mur a kum nemnem ina pinindat ma a nuknukin dat. Di usus pas dat kai a kum tene sakino ut, ma a kankan anun o God i kis un dat, elar nami ra i kis un det a taro na pitarngat.

1 Tesalonaika 4:14

Dat nurnur lena o Iesu i mat, ma i laun melet. I mo ra dat nurnur lena, det ra det nurnur un o Iesu, ma det sa mat, o God in ukatutur det ma det in nan tomo nam o Iesu, ra in milet melet.

1 Tesalonaika 4:15

A wasiso ri ra metul watungi tamot, a wasiso ut anun a Labino. I lenri: Dat ra dat sa laun tuk una bung ra a Labino in nanpat melet, ka dat in mugu tandet ra det sa mat.

1 Tesalonaika 5:10

I mat un dat, sur dat in laun tomo nami, ra in nanpat melet. Dat rop, det ra det laun utmakai ma det ra det sa mat.

1 Tesalonaika 5:6

I mo ra gong dat elar nam ara taro ra det inep dumun. Dat in koikoi ma dat in tamtamabat wakak anundat a nilaun.

2 Pita 3:4

ma det in watungi lena, “Awai mi a inawan pat melet anun o Iesu, ra i uliliman taru uni? Turpasi una kum kilalo ra a kum tumtubun dat tagun numugu det mat, a kum utna i kis lenutra o God i ukis tari, una turturkibin a ukukis.”

2 Pita 3:8

A kum wakak na paspasang, gong mot dumano ara utna ri: Umatan a Labino, ara bung i elar nam ara arip na kilalo, ma ara arip na kilalo i elar kut nam ara bung umatano.