1 Tesalonaika 4:1 - Nupela Testamen long tokples Kandas

¹ A kum tistisi metul, metul sa ususer tar mot una ngas na nilaun ra mot in laun nami sur in ugasgas o God, lar ut ra mot sa muri. Ra uniri metul saring mot, ma metul udekdek mot una risan a Labino o Iesu, sur anumot a nilaun in lubung dekdek lenutra.

1 Tesalonaika 4:1 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 15:2

I ser tau ru a kum kanokano rop nin un iau ra ka det ser wu, ma i ser burup det ra det ser wu, sur det in wu a susut na wino.

Aposel 20:27

Uni ka ngara ma ka munu tu utna una nuknukin o God. A sa watung rop tari torom mot.

A Pas anun o Pol torom a taro Rom 8:8

Ma det ra det kis utuntudu ina sakino nemnem ina pinindet, ka det in ugasgas lar pas o God.

1 Korin 11:23

Uni a etowo ri a los pasi tan a Labino ma a sa pitar tari torom mot i lenri: Una bung na mirum ra di usobor tar a Labino o Iesu, i los pas a beret.

1 Korin 15:1

A kum tistising, a nemi sur an inanos melet mot una Wakak na Wasiso, ra numugu a sa warawai taru nami torom mot, ma mot sa los pasi, ma mot sa tur dekdek uni.

1 Korin 15:58

I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.

2 Korin 10:1

A ramano taro det watungi lena, ra a kis torom mot, ka ser wasiso dekdek, ikut ra a kis gisen anung a wasiso i dekdek sakit. Iau, o Pol, a saring mot sur mot in longoro iau, uni o Karisito i unatino pasi, ma i papam nama wowowon na magirano torom a taro.

2 Korin 13:11

Anung a ururop na wasiso mo ri: A kum tistising, mot in gas! Mot in ukodos mot, mot in mur anung a wasiso, in takai kut a nuknuki mot, ma mot in kis na malmal etetalai. Ra a God na marmaris ma a malmal in kis tomo nam mot.

2 Korin 5:9

Lenra, una nilaun nin upiso, o una nilaun sapat netes una langit, met nemi sur met in pami kut a utna ra in gas uni.

2 Korin 6:1

Met papam tomo nam o God, ra met saring mot, sur gong mot ukio orosi kut a marmaris anun o God torom mot.

Galesia 6:1

A kum tistising, ra tu tene nurnur i puku una sakino, mot ra a Tokodos na Nion i mugu mot, mot in ukatutur melet pasi nama petutna na urur. Ikut mot in tumarong mot ut, sako mot bulung mot in puku un tu ululam.

Epeses 4:1

A kis una karabus uni a papam torom a Labino. Anung a dekdek na sasaring torom mot i lenri: Mot in laun elar nama nilaun ra o God i sa kabo pas mot suri.

Epeses 4:20

Ikut mot, ra di ususer tar mot un o Karisito, awu sur di ususer mot una kum petutna lenri.

Epeses 5:17

Lenra, gong mot laun elar nama kum longlong, mot in tasman a nemnem anun a Labino.

Pilipai 1:27

Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso,

Pilipai 1:9

A wararing sur anumot a marmaris in labo ma in labo bing, ma a mananos ma a tastasman in lubung una numot a nilaun.

Pilipai 3:14

A kalabor usa numugu sur a ururopino sur an los pas anung a ikul. A ikul, i a kakabo anun o God torom iau sur a nilaun sapat una langit, kibino un o Karisito Iesu.

Kolosi 1:10

Mir wararing lenri, sur anumot a nilaun in elar nama petutna anun a Labino, ra mot in ser pam a kum utna ra in gas uni. Ra in lenra, anumot a nilaun in wu a wimot una kum wakak na pinapam rop ra mot in pami, ma mot in lubung una numot a tastasman un o God.

Kolosi 2:6

Mot sa los pas o Karisito Iesu sur i a Labino una numot a nilaun, i wakak sur mot in laun bolbolos ut uni.

1 Tesalonaika 3:12

Ma metul wararing kai sur a Labino in ulabo anumot a marmaris, ma in bukus ma in tilingis epotor tamot ma torom a taro gisen kai, elar nama numetul a marmaris kai torom mot.

1 Tesalonaika 4:2

Uni mot sa tasman a kum etowo ra metul sa ususer tar mot nami. A kum etowo ra, det wanpat ut tan a Labino o Iesu.

1 Tesalonaika 5:12

A kum tistisi metul, metul saring mot sur mot in pitar a urur torom anumot a kum mugumugu, ra det papam dekdek epotor tamot, ma det tamtamabat mot una kisapi anun a Labino, ma det ususer mot.

2 Tesalonaika 1:3

A kum tistisi metul, i wakak sur metul in ser watung wakak torom o God un mot. I tokodos lenra, uni anumot a nurnur i lubung dekdek, ma a marmaris torom mot etetalai kai i lubung nanan.

2 Tesalonaika 2:1

A kum tistisi metul, metul nem na inanos mot una inawan pat melet anun anundat a Labino o Iesu Karisito, ma una nundat a inawan tomo toromi. Metul inanos mot lena,

2 Tesalonaika 3:1

A kum tistisi metul, iri a ururop na wasiso anumetul, mot in wararing sur metul, sur a wasiso anun a Labino in nan sarara lakit ma a taro det in ru i elar nam mot, mot ru i.

2 Tesalonaika 3:13

Ma torom mot, a kum tistisi metul, gong a pinimot i ngoro nama pam a kum tokodos na petutna.

1 Timoti 5:21

A wasiso dekdek torom ui umatan o God ma o Karisito Iesu ma a kum ensel ra o God i pilok pas det, sur un mur a kum wasiso ri, ma un pam a takano petutna kut torom a taro rop, ma gong u tur takano papor.

2 Timoti 4:1

O Karisito Iesu in nanpat urin nama nun a matanitu, ra in warkurai elar nama king. In warkurai det ra det laun, ma det ra det sa mat. I mo ra, a saring ui umatan o God ma o Karisito Iesu lena:

Ibru 11:6

Ra taio ke nurnur, o God ken gas lar pas nami. Uni taio ra i nem na wan torom o God, in nurnur lena o God i kis, ma in nurnur kai lena, o God in pitar a ikul tandet ra det sisio mulus suri.

Ibru 13:16

Gong mot dumano i sur mot in pam a kum wakak na pinapam ma mot in tabor a taro. Uni a pinapam ra, i elar nama etabor torom o God ra in gas uni.

Ibru 13:22

A kum tistising, a saring pas mot sur mot in longoro wakak a wasiso na warut ri, uni a pas ri a tumusi torom mot awu sur i walos.

2 Pita 3:18

I wakak ra mot in lubung una marmaris anun o Iesu Karisito anundat a Labino ma a Tene Ulaun, ma mot in lubung kai una numot a mananos uni. Anunu ut a minamar, uniri ma ken rop! Amen.

1 Jon 3:22

Ma asau rop ra dat saringi suri, in pitari ut tandat, uni dat mur anun a kum warkurai, ma dat pam asau ra i ugasgasi.