1 Tesalonaika 3:6 - Nupela Testamen long tokples Kandas

⁶ Uniri o Timoti i sa milet melet gusun mot sur urin nisamir. I los a wakak na wasiso talapor un mot torom mir, una numot a nurnur ma anumot a marmaris. I inanos mir lena, mot ser gas ra mot ser nuk melet pas anundat a kum kinkinis tomo numugu, ma mot nem doko i sur mot in tama metul, elar nam metul kai metul nem doko i sur metul in tama mot.

1 Tesalonaika 3:6 ပူးပေါင်းရင်းမြစ်များ

Aposel 16:1

O Pol ma o Sailas der wanpat tiro o Derbe ra numur utiro o Listra. Tiro o Listra, ara tagun a taro na ususer kura iai, a risano o Timoti. O nano a ino Juda ma a tene nurnur, ma o tamano a te Grik.

Aposel 18:1

Ra i sa rop a kum utna ri, o Pol i wan tagitong o Atens utong o Korin.

Aposel 18:5

Ra o Sailas ma o Timoti der wanpat tagitong una papor Masedonia, o Pol ke mana nama warawai nama wasiso anun o God, ma i upuaso i torom a taro Juda lena, o Iesu i a Karisito ra o God i tulu ru i urin.

1 Korin 11:2

A watung ulabo pas mot, uni mot ser nuk pas iau una kum ututna rop, ma mot mur a kum etowo ra a sa ususer tar mot nami.

1 Korin 13:13

A tulu utna ri detul kis tukum: a nurnur, a kinkinis langlang nama nurnur sur asau ra o God in pami, ma a marmaris. Ikut a marmaris i labo sakit tandetul.

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Pilipai 1:8

O God i tasmani lena, a nem doko i sur an tama mot rop, uni a nem doko mot nama marmaris anun o Karisito Iesu.

Kolosi 1:4

uni mir sa longoro i lena, mot sa nurnur un o Karisito Iesu, ma mot nem a taro rop anun o God.

Kolosi 4:18

Iau o Pol, iau ut, a tumus a nat na wasiso na marmaris ri nama lamang torom mot. Gong mot dumano ru iau, ra a kis una karabus. A marmaris anun o God in kis tomo nam mot.

1 Tesalonaika 1:3

Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

1 Tesalonaika 2:17

A kum tistisi metul, ra a taro Juda det ukis sarara ru metul gusun mot, anundat a kinkinis sarara ke suano i. Dat kis sarara kut una pinindat, ikut una nuknuki metul, metul nuk mot ut. Metul nem doko i sur metul in tama mot, ra metul dekdek sur metul in pam sot pasi.

1 Tesalonaika 2:9

A kum tistisi metul, mot sa tasman anumetul a dekdek na pinapam. Una kum mirum ma a waspi, metul papam nama lamametul sur u warut metul una numetul a kinkinis. Metul pami lenri, sur metul in warawai torom mot nama Wakak na Wasiso anun o God ma gong metul pitar a mamaut torom mot sur mot in kul metul.

1 Tesalonaika 3:7

I mo ra a kum tistisi metul, anumot a nurnur i uragot metul una numetul a kinkinis ubalan a kum mamaut, ma a kum petutna ra a taro det ban laulau metul nami.

2 Tesalonaika 1:3

A kum tistisi metul, i wakak sur metul in ser watung wakak torom o God un mot. I tokodos lenra, uni anumot a nurnur i lubung dekdek, ma a marmaris torom mot etetalai kai i lubung nanan.

1 Timoti 1:5

A watungi lenra, sur a marmaris in lubung epotor tandat etetalai. A marmaris ra, i wan tagun a tokodos na balandat, ma a wakak na nuknukin dat, ma a lingmulus na nurnur.

2 Timoti 1:3

Una kum mirum ma a waspi, a ser wararing sur ui, ma a ser watung wakak torom o God. I ra a papam toromi nama tokodos na ninunuk, elar nama kum tumtubung tagun numugu.

Pilimon 1:5

Uni a longoro i lena, u nem a taro rop anun o God, ma u nurnur una Labino o Iesu.

Ibru 13:3

Mot in nuk pas det ra det kis una karabus, elar nami ra mot karabus tomo utkai nam det. Mot in nuk pas det kai ra di ban laulau det, elar nami ra di ban laulau mot utkai.

Ibru 13:7

Mot in nuk pas anumot a kum mugumugu, ra numugu det sa ususer tar mot una wasiso anun o God. Mot in nuk pas anundet a ngas na nilaun, ma mot in mur anundet a nurnur.

1 Jon 3:23

A warkurai anun o God i lenri: Dat in nurnur una risan o Nutunu, o Iesu Karisito, ma dat in nem etetalai dat, elar nam anun a warkurai torom dat.