1 Tesalonaika 3:5 - Nupela Testamen long tokples Kandas

⁵ I mo ra a tulu ru o Timoti torom mot. A tulu ru i torom mot sur an mananos una numot a nurnur, uni a ngara doko un mot ma ka nem na kis liklik mo. A ngara, sako a tene ululam i sa ulam pas mot, ma anumetul a pinapam torom mot in utna oros kut.

1 Tesalonaika 3:5 ပူးပေါင်းရင်းမြစ်များ

Matiu 4:3

Ra a tene ululam i wanpat toromi, ma i watungi tano lena, “Ra ui a Nutun o God, un inanos a kum watat ri sur det in nanpat a beret.”

Aposel 15:36

A ramano kum bung numur, o Pol i watungi tan o Banabas lena, “Dar in milet melet sur a kum tamon rop, ra dar sa warawai taru uni torom det nama wasiso anun a Labino, sur dar in tama a kum tistisin dar, ra det pepetlai mo.”

1 Korin 7:5

Gong der bitan a pininder tan der etalai. Ikut, i wakak kut ra der rop der in mulaot sur der in utabu i munung a pininder gusun der etalai, sur der in wararing. Ikut, numur der in madek melet a pininder torom der etalai, sur gong o Satan i ulam tar der, ma der in puku, uni ka der warkurai kodos a nemnem ina pininder.

2 Korin 2:11

sur gong o Satan i upuku pas dat, uni dat sa tasman a nuknukino un asau ra i nem na pami.

2 Korin 6:1

Met papam tomo nam o God, ra met saring mot, sur gong mot ukio orosi kut a marmaris anun o God torom mot.

Galesia 2:2

A wan uni o God ut i inanos iau sur an nan. A etorom det ra di watung det nama kum mugumugu anun a kum tene nurnur. Ra met kut met kis, a inanos det nama Wakak na Wasiso ra a ser warawai nami torom a taro ra awu sur a taro Juda. A nemi sur det in mulaot uni, sur gong i utna oros kut anung a pinapam na warawai tagitiro ut tuk uniri.

Galesia 4:11

A ngara doko sur mot, sako anung a pinapam torom mot in utna oros kut.

Epeses 4:14

I mo ra ka dat in elar melet mo nama kum nat liklik, ra anundet a nurnur i elar nama utna ra a top i woro tuptupukusi utong ma urin. Ka dat in mur a kum etowo tan a kum tene torotoro, elar nama utna ra a wuwu i wup pukpukusi. Ka dat in mur det ra det nem na ben raro a taro nam anundet a kum namnamin na wasiso.

Pilipai 2:19

A nurnur una Labino o Iesu, ra milau mo an tulu ru o Timoti torom mot, sur an longoro tu wasiso un mot ra an gas.

1 Tesalonaika 2:1

A kum tistisi metul, mot ut mot tasmani lena, anumetul a inawan pat torom mot ke utna oros, awu, i wu i ut a wino.

1 Tesalonaika 3:6

Uniri o Timoti i sa milet melet gusun mot sur urin nisamir. I los a wakak na wasiso talapor un mot torom mir, una numot a nurnur ma anumot a marmaris. I inanos mir lena, mot ser gas ra mot ser nuk melet pas anundat a kum kinkinis tomo numugu, ma mot nem doko i sur mot in tama metul, elar nam metul kai metul nem doko i sur metul in tama mot.