1 Tesalonaika 3:2 - Nupela Testamen long tokples Kandas

² Ra mir sa tulu ru o Timoti a tisindat, ma a tene pinapam anun o God tomo nam mir, ra metul ser wasiso talapor nama Wakak na Wasiso un o Karisito. Mir sa tulu ru i torom mot, sur in udekdek mot, ma in uragot mot una numot a nurnur,

1 Tesalonaika 3:2 ပူးပေါင်းရင်းမြစ်များ

Aposel 16:1

O Pol ma o Sailas der wanpat tiro o Derbe ra numur utiro o Listra. Tiro o Listra, ara tagun a taro na ususer kura iai, a risano o Timoti. O nano a ino Juda ma a tene nurnur, ma o tamano a te Grik.

Aposel 16:5

Ra a taro na lotu una kum tamon det lubung una nurnur, ma a nilulukin det i labo nanan kut una kum bung.

Aposel 18:5

Ra o Sailas ma o Timoti der wanpat tagitong una papor Masedonia, o Pol ke mana nama warawai nama wasiso anun o God, ma i upuaso i torom a taro Juda lena, o Iesu i a Karisito ra o God i tulu ru i urin.

A Pas anun o Pol torom a taro Rom 16:21

O Timoti, ra mir papam tomo una pinapam anun o Karisito, i pitar anun a marmaris torom mot. Ma a tulu kukung kai, o Lusius, o Jeson ma o Sosipater, detul pitar anundetul a marmaris torom mot.

1 Korin 3:10

Kibino una marmaris anun o God ra i sa pitar tari tang, a papam elar nama tene pam rumu ra i mananos. A sa utur tar a kibin a rumu, ra ara taro bulung det papam netes uni. Det rop taktakai ra det papam netes uni, det in tumarong det una si na ngas na pinapam ra det in pami.

1 Korin 4:17

Iri a kibino ra a tulu ru o Timoti torom mot. I a nutung ra a nem doko i, ma i ser lingmulus una pinapam anun a Labino. In unuk tar mot melet una nung a kum petutna, ra i kibino pas tagun anung a kinkinis tomo nam o Karisito Iesu. Anung a petutna i elar nam anung a etowo torom a taro na lotu una kum tamon rop.

2 Korin 1:1

Iau o Pol, a aposel anun o Karisito Iesu, una nemnem anun o God, mir nam o Timoti a tisindat, mir tumus a pas ri torom mot a taro na lotu anun o God tiro o Korin, ma torom a taro rop anun o God una papor Akaia.

2 Korin 1:19

Iau ma o Sailas ma o Timoti, metul warawai torom mot un o Iesu Karisito, a Nutun o God. O Karisito ke ser mulaot ma numur in ipul. Awu. In pam sot pasi ut anun a wasiso.

2 Korin 2:12

Ra a wanpat una tamon Troas, sur an warawai torom det nama Wakak na Wasiso anun o Karisito, a tama i lena, a Labino i sa papos saro tar anung a kisapi sur an warawai.

2 Korin 2:13

Ikut in balang ke molmol, uni ka sio pas o Taitus, a tisinglik una nurnur. I mo ra a wasiso na itula taru torom det tagitiro iai, ra a wan pas utong o Masedonia.

2 Korin 8:23

Ma o Taitus i papam tomo nam iau, sur mir in warut mot. Ma aru tistisi mot kai, ra detul nam o Taitus detul in nan tomo, der tur ukinalong a taro na lotu una kum tamon, ma nunder a nilaun, i pitar a urur torom o Karisito.

Pilipai 1:25

A tasman mulusi lena, an laun ma an kis tomo nam mot, sur mot in lubung, ma mot in gas una nurnur.

Kolosi 1:1

Iau o Pol, a aposel anun o Karisito Iesu una nemnem anun o God. Mir nam o Timoti a tisindat una nurnur, mir tumtumus

Kolosi 1:7

O Epapras i sa ususer tar mot uni. I a wakak na tultul, ra i papam tomo nam met, ra met nem doko i, ma i a lingmulus na tene pinapam anun o Karisito, ra i tur ukinalong met.

Kolosi 4:12

O Epapras, i ara ut tagun mot, ma a tultul anun o Karisito Iesu, i pitar anun a marmaris torom mot. I ser wararing dekdek sur mot, sur mot in tur dekdek una numot a kinkinis na nilaun un o Karisito, ma mot in tasman mulus a nemnem rop anun o God.

Kolosi 4:9

In nan tomo nam o Onesimus, a wakak na tisindat ra i lingmulus una nun a pinapam, i ara ut tagun mot. Der in inanos mot una kum utna rop ra i wanpat nin.

1 Tesalonaika 3:13

Ma metul wararing kai sur in udekdek mot sur mot in tokodos, ma katu etakun in los mot, ra mot in tur umatan o God a Tamandat, una bung ra anundat a Labino o Iesu in nanpat, tomo nam anun a tokodos na taro rop.

1 Tesalonaika 3:5

I mo ra a tulu ru o Timoti torom mot. A tulu ru i torom mot sur an mananos una numot a nurnur, uni a ngara doko un mot ma ka nem na kis liklik mo. A ngara, sako a tene ululam i sa ulam pas mot, ma anumetul a pinapam torom mot in utna oros kut.

2 Tesalonaika 2:17

in uragot mot ma in udekdek mot una numot a kum wakak na pinapam ma a kum wakak na wasiso kai.