1 Tesalonaika 3:11 - Nupela Testamen long tokples Kandas

¹¹ Metul wararing lena, o God ut a Tamandat ma anundat a Labino o Iesu, in papos anumetul a kisapi sur metul in nan torom mot.

1 Tesalonaika 3:11 ပူးပေါင်းရင်းမြစ်များ

Matiu 6:14

“Ra mot in dumano ru a kum sakino petutna ra a taro det pami un mot, a Tamamot, ra i kis sapat una langit, in unus ru anumot a kum sakino petutna kai.

Matiu 6:18

sur gong a taro det tasmani lena u wewel. O Tamam kut, ra kataio i tama i, in tasmani. Ma o Tamam ra i tama a utna ra u pam eno i, in pitar anum a ikul.

Matiu 6:26

Mot in tama a kum piko. Ka det marut tu utna, ma ka det pasong tomo lako utna, ma ka det umubek tomo un tu rumu, ikut a Tamamot ra i kis sapat una langit, i ser tabor det. Ma mot, mot labo doko taun det.

Matiu 6:32

Uni a taro ra ka det nurnur, det ser dekdek sur a kum utna rop ri, ikut a Tamamot ra i kis sapat una langit i tasmani lena, mot sibo sur a kum utna rop ri.

Matiu 6:4

Ra u pami lenra, o Tamam ra i tama a utna ra u pam eno i, in pitar a ikul tam.

Matiu 6:6

Ikut ui, ra un wararing, un ruk una num a rumu ma un tagar bat pas ui, ma un wararing torom o Tamam ra kataio i tama i. Ma o Tamam ra i tama a utna ra u pam eno i, in pitar anum a ikul.

A Wakak na Wasiso un o Iesu Karisito o Mak i tumusi 1:3

Una nubual kalako taro uni, in nalngan ara i kakabo lena, ‘Mot in waninar a kisapi anun a Labino, mot in pam kodos anun a kum kisapi.’” Ais 40:3

Luk 12:30

Uni a taro nin una rakrakon bual ra ka det nurnur, det ser dekdek sur a kum utna rop ri, ikut a Tamamot i tasmani lena mot sibo sur a kum utna ri.

Luk 12:32

“A nat na kunur na sipsip, gong mot ngara, uni a Tamamot i sa gas sur in pitar tar a matanitu torom mot.

A Wakak na Wasiso un o Iesu Karisito o Jon i tumusi 20:17

O Iesu i watungi tano, “Gong u pam a pining, uni ka wan toto utmakai torom o Tita. Ikut un nan torom a kum tistising, ra un inanos det lena, an nan usapat netes torom o Tita, i ra a Tamamot kai, torom anung a God, i ra anumot a God kai.”

A Pas anun o Pol torom a taro Rom 1:3

A Wakak na Wasiso i wasiso un o Nutunulik, ra di usus pasi tagun a kabotaro anun o king Dewid.

2 Korin 6:18

A Labino ra i dekdek sakit, i watungi lena, “An nanpat a Tamamot, ma mot a kum nutnutung, a kum musano ma a kum ino.” 2 Sml 7:14

Galesia 1:4

O Iesu i ubek ru anun a nilaun una anundat a kum sakino petutna, sur in ulaun dat gusun a kum sakino petutna ra a taro det pami una kum kilalo ri. I elar nama nemnem anun anundat a God a Tamandat.

Kolosi 1:2

torom mot, a taro anun o God ra mot kis tiro o Kolosi, ra mot a kum tistisi mir una numot a nurnur un o Karisito, ma mot lingmulus una numot a nurnur. A marmaris ma a malmal tan o God a Tamandat in kis tomo nam mot.

1 Tesalonaika 3:13

Ma metul wararing kai sur in udekdek mot sur mot in tokodos, ma katu etakun in los mot, ra mot in tur umatan o God a Tamandat, una bung ra anundat a Labino o Iesu in nanpat, tomo nam anun a tokodos na taro rop.

1 Tesalonaika 4:16

Uni a Labino ut in nan pirso tagisapat una langit, in nalngan ara in kakabo, a mugumugu anun a kum ensel in wasiso, in tuwuru anun o God in tangis, ra det ra det sa mat nama nurnur un o Karisito, det in katutur mugu.

1 Tesalonaika 5:23

Metul wararing sur o God ut, a God na malmal, in uwakak pas anumot a nilaun, sur mot in tokodos rop umatano. Metul wararing kai sur o God in tamtamabat a niomot, a nuknuki mot ma a pinimot, sur gong tu etakun in los mot una bung ra anundat a Labino o Iesu Karisito in milet uni.

2 Tesalonaika 2:16

O God a Tamandat, i maris dat, ma una nun a marmaris i tabor dat nama wasiso na ururagot ra ken rop, ma i warut dat sur dat in kis langlang nama nurnur sur a wakakino ra in pami. Ra metul wararing sur anundat a Labino o Iesu Karisito ma o God a Tamandat

2 Tesalonaika 3:16

Metul wararing sur a Labino ra i pitar a malmal, i ut in tabor mot nama malmal una kum du bung rop ma una kum ngas na kinkinis na nilaun rop. A Labino in kis tomo nam mot rop.

2 Tesalonaika 3:5

Metul wararing sur a Labino in mugu a nuknuki mot sur mot in tasman mulus a marmaris anun o God, ma mot in tasmani kai a kisapi sur mot in tur dekdek una kum mamaut ra o Karisito i sa ese tari torom dat.

1 Jon 3:1

Tama i! A Tamandat, una labino marmaris anunu torom dat, i watung dat a kum nutnutunu. I lingmulus ut, dat a kum nutnutun o God. A taro tagun a rakrakon bual ka det tasman o God, lenkutkai ra ka det tasman dat lena dat a kum nutnutunu.

Tamtama 21:3

Ma a longoro in labino walngan ara tagisapat una kiskis na king i watungi lena, “Tama i, a tamon anun o God i sa kis torom a taro, ma i ut in kis tomo nam det. Ma det anun a taro, o God in kis tomo nam det, ma i ut a God anundet.