1 Tesalonaika 2:3 - Nupela Testamen long tokples Kandas

³ Ra metul saring mot sur mot in nukpukus, awu sur anumetul a wasiso i raro, awu sur kai metul wasiso nam tu sakino nuknuk, ma awu sur metul toro pas mot.

1 Tesalonaika 2:3 ပူးပေါင်းရင်းမြစ်များ

Aposel 13:15

Ra di sa luk tar a kum wasiso tagun a Buk na Warkurai anun o Moses, ma a kum wasiso anun a kum poropet, a kum mugumugu tagun a rumu na lotu det pitar a wasiso torom der lena, “Aru tistisi met, ra tu wasiso na ururagot kura sur mur in inanos a taro nami, mur in wasiso kut.”

Aposel 4:36

Ma o Josep kai, ara musano tagun a ailan Saipras, tagun a kabotaro Liwai, ma a kum aposel det watungi nam o Banabas, a kukurai ino lena “tene ururagot”.

2 Korin 11:13

Uni a kum musano ra, a kum torotoro na aposel, a kum torotoro na tene pinapam, ma det pukus pas det sur det in tamtama elar nama kum aposel anun o Karisito.

2 Korin 2:17

Ka met elar nama susut na taro, ra det papam kut nama wasiso anun o God sur a mani. Ikut, un o Karisito met wasiso nama lingmulus umatan o God, uni i ut i tulu ru met.

2 Korin 4:2

Met sa mana gusun a kum sakino petutna ra di ser pam eno i, ma di ser maimai nami. Ka met papam nama torotoro, ma ka met palos raro a wasiso anun o God, awu. Met palos talapor a lingmulus na wasiso torom a taro, sur det in tasman lele i ut una nuknukin det lena, met watung a lingmulusino umatan o God.

2 Korin 4:5

Ka met ser wasiso un met ut, met wasiso puaso kut un o Iesu Karisito lena, i a Labino. Ma met anumot a kum tultul kut, kibino una itula anun o Iesu.

2 Korin 6:8

Ara taro det ru met, ma ara taro awu. Ara taro det watung laulau met, ma ara taro det watung ulabo pas met. Ara taro det nuki lena, met a kum tene torotoro, ikut met watung a lingmulusino.

2 Korin 7:2

Mot in nem met nama balamot. Ka met pam tar tu sakino torom taio, ka met ben raro tar taio, ma ka met toro pas tu utna tan taio.

1 Tesalonaika 2:11

Mot tasmani lena anumetul a petutna torom mot rop taktakai, i elar nama petutna ra ara musano i pami torom a kum nutnutunu.

1 Tesalonaika 4:7

Uni, o God ke kabo pas dat sur a dur na petutna, i kabo pas dat sur dat in mur a tokodos na nilaun.

2 Tesalonaika 2:11

Iri a kibino ra o God i ulokolokor a nuknukin det sur det in nurnur mukut una torotoro.

2 Pita 1:16

Ra met inanos mot una dekdek in anundat a Labino o Iesu Karisito, ma anun a inawan pat melet, awu sur met saksakutna oros kut nama kum saksakutna ra met nuk pas det kut, awu. Met ut met sa tama tar anun a minamar nama matmata met.