1 Tesalonaika 2:2 - Nupela Testamen long tokples Kandas

² Mot tasmani lena numugu tan anumetul a inawan pat torom mot, a taro det ban laulau metul ma det ban umaimai metul tong o Pilipai. Ikut anundat a God i warut metul, ra metul dekdek ut sur metul in wasiso puaso una nun a Wakak na Wasiso torom mot, ma ka metul ngaran det ra det lari sur det in sakbat metul.

1 Tesalonaika 2:2 ပူးပေါင်းရင်းမြစ်များ

Aposel 14:3

O Pol ma o Banabas der kis suano der tiro o Aikoniam. Ka der ngara, der dekdek kut nama wasiso una labino marmaris anun a Labino. Ra a Labino i ulingmulus anunder a wasiso nama dekdek ra i pitari tander sur der in pam a kum utna na ukisin ma a kum ukinalong.

Aposel 14:5

A ramano taro Juda ma ara taro kai ra awu sur a taro Juda tomo nam anundet a kum mugumugu, det epak pas sur det in ban laulau o Pol der, ma det in duku doko der nama watat.

Aposel 16:12

Ra met wan tagitiro o Neapolis utong o Pilipai. A tamon ra, i labo sakit taun a kum tamon rop tong una papor Masedonia, ra a taro Rom det kis iai. Ra met kis pas a kabano bung tiro una tamon ra.

Aposel 16:19

A kum mugumugu anun a ino ra, det tasmani lena, ka det in tama melet lako mani mo gusuni. Ra det pam ukai pas o Pol ma o Sailas, ra det dat pas der torom a kum mugumugu una nubual na inawan tomo.

Aposel 16:37

Ikut o Pol i watungi torom a ru polis lena, “Det miras mir umatan a taro, ma det uruk tar mir una karabus, ikut katutaio utmakai i warkurai tar mir. Mir aru te Rom ut mir. Ra uniri det nem na palos eno ru mir. Ikut awu! I wakak sur det ut det in nan urin ma det in palos ru mir.”

Aposel 17:1

O Pol ma o Sailas der wan utong o Ampipolis ma o Apolonia, ra numur der wanpat tong o Tesalonaika. Tiro o Tesalonaika ara rumu na lotu anun a taro Juda kura iai.

Aposel 17:17

I ruk una rumu na lotu anun a taro Juda, ra i wasiso tomo nama ramano taro Juda, ma a taro gisen kai ra det lotu torom o God. Ma una kum bung rop, i wasiso kai tomo nam det ra i pastorom det una nubual na inawan tomo.

Aposel 19:8

O Pol i ser ruk una rumu na lotu, ma i wasiso nama dekdek ma ke ngara. I lari sur in pukus pas a nuknukin det sur a matanitu anun o God. I pami lenra i elar nama tulu kalang.

Aposel 4:13

Det tasmani lena, o Pita ma o Jon aru musano oros kut, ma ka der ususer pas un tu labino wortowo. Ma det kisin doko un der ra der wasiso ma ka der ngara. Ra det tasmani lena numugu detul ser imurmur tomo ut nam o Iesu.

Aposel 4:20

Ikut mir, ka mir in mana lar pas nama wasiso un asau ra met sa tama tari, ma met sa longoro tari.”

Aposel 4:31

Ra det sa wararing pas, a rumu ra det kis tomo uni i tugunu, ma det rop det bukus nama Tokodos na Nion, ma det wasiso nama wasiso anun o God, ma ka det ngara.

Aposel 5:41

Ra a kum aposel det pirso gusun a kiwung, ma det gas, uni o God i tama det lena det wakak sur det in los a maimai una risan o Iesu.

A Pas anun o Pol torom a taro Rom 1:1

Iau o Pol, a tultul anun o Karisito Iesu, a tumus a pas ri torom mot. O God i kabo pas iau, sur an aposel, ma i pilok pas iau sur an warawai nama nun a Wakak na Wasiso torom a taro.

2 Korin 3:12

Ka met ngara sur met in wasiso puaso nama matok na kunubus, uni met nurnur lena, in kis tukum.

Kolosi 2:1

A nemi sur mot in tasmani lena, a papam dekdek sur mot, ma sur a taro Laodisia, ma sur det rop kai, ra ka etorom det utmakai.

1 Tesalonaika 1:5

uni a Wakak na Wasiso ra metul upuaso i, awu sur i wanpat torom mot elar nama wasiso kut, awu. I wanpat tomo nama dekdek ma a Tokodos na Nion, ma mot longoro lele i ra mot pam ukai i una balamot. Ra metul laun nisamot, mot tasman wakak a magirametul, ra metul ser upuaso i sur in uwakak mot.

2 Timoti 1:12

Iri a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.

A Pas anun o Jud 1:3

A kum wakak na paspasang, a nem doko i sur an tumtumus torom mot una pinapam anun o God ra i ulaun pas dat. Ikut uniri, a nuki lena an tumtumus sur an udekdek mot, sur mot in dekdek sur mot in tamtamabat wakak a Wakak na Wasiso gusun a kum ebar. A Wakak na Wasiso ra di sa pitar tari torom a taro anun o God, ra kataio in pukus lar pasi.