1 Tesalonaika 2:16 - Nupela Testamen long tokples Kandas

¹⁶ uni det lari sur det in turbat metul, sur gong metul warawai torom a taro ra awu sur a taro Juda sur gong o God i ulaun pas det. Ma una kisapi ra, det palataun anundet a kum sakino petutna tuk ra anundet a kum sakino petutna i bukus. I mo ra uniri a kankan anun o God i sa wanpat torom det.

1 Tesalonaika 2:16 ပူးပေါင်းရင်းမြစ်များ

Matiu 12:45

Numur in nan ra in ben melet pas a wonom mawit na laulau na nion, ra det laulau sakit tano, ma det in ruk rop taru una rumu ra, ma det in kis uni. Ma a nilaun anun a musano ra in laulau sakit taun a nilaun ra numugu i utur ukai i. In lenkutkai ra torom a laulau na taro tagun uniri.”

Matiu 23:32

Mot mo, mot in urop a kum sakino petutna ra a kum tumtubu mot det sa ukatutur tari numugu.

Matiu 24:14

Din warawai nama Wakak na Wasiso una matanitu anun o God torom a taro tagun a rakrakon bual rop, sur a wasiso talapor in nan torom a taro tagun a kum gapman rop, ra numur a ururop na bung in nanpat maragom.

Matiu 24:6

Mot in longoro a kum inaim ma a kum inarang na inaim, ikut gong mot lai taru. A kum utna lenri det in nanpat, ikut a ururop ina rakrakon bual kura utmakai.

Matiu 3:12

I pam pas anun a pok nam aru lamano sur in lakro susuaro a pino wit gusun a wino wit. Numur in ubek tomo anun a wino wit una nun a rumu na wit, ikut in tun ru a kum pinino una sungun ra ke ser mat.”

A Wakak na Wasiso un o Iesu Karisito o Mak i tumusi 16:16

Osi ra i nurnur ma di baptaiso i, din ulauni. Ikut i ra ke nurnur, din pitar a dekdek na warkurai na minabalu toromi.

Aposel 13:45

Ra a kum te Juda det tama a kunur na taro, a nuknukin det i laulau torom o Pol ma o Banabas, ma det mang sakosako a kum wasiso ra o Pol i wasiso nami.

Aposel 13:50

Ikut a kum te Juda, det ukatutur a nuknukin a kum mugumugu na ino ra det ser urur torom o God, ma a nuknukin a kum mugumugu na musano kai tagun a tamon ra, sur det in ban laulau o Pol ma o Banabas. Ma det lakro ru der gusun anundet a papor.

Aposel 14:19

Numur a ramano kum te Juda det wanpat tagitong o Antiok ma o Aikoniam, ra det dat pukus pas a nuknukin a susut na taro gusun o Pol der nam o Banabas. Det duku o Pol nama watat, ma det dat pirso ru i gusun a tamon, ra det nuki lena i sa mat.

Aposel 14:2

Ikut a ramano taro Juda ra ka det nem na nurnur, det usungun balan a ramano taro ra awu sur a taro Juda. Det ban laulau a nuknukin det sur det in kankan torom det ra det tar tistisino una nurnur.

Aposel 14:5

A ramano taro Juda ma ara taro kai ra awu sur a taro Juda tomo nam anundet a kum mugumugu, det epak pas sur det in ban laulau o Pol der, ma det in duku doko der nama watat.

Aposel 17:13

Ikut a taro Juda kurong o Tesalonaika det longoro i lena o Pol i warawai una wasiso anun o God tong o Beria, ra det wan utong ma det usungun balan a taro.

Aposel 19:9

Ikut a balan a ramano taro tagun det i dekdek sakit, ma ka det nem na nurnur, ra det watung laulau a Kisapi anun o Karisito umatan a taro rop. Numur o Pol i wan pas gusun det. I wan sur a rumu na ususer anun o Tiranus, ma a taro na ususer det muri ra det wasiso tomo una kum bung una rumu ra.

Aposel 21:21

Det sa longoro a wasiso un ui lena, u ser ususer a taro Juda rop ra det kis nisan a taro ra awu sur a taro Juda, sur gong det mur a Warkurai anun o Moses. Det longoro i lena, u inanos det sur gong det tok talilis a pinin a kum nutnutun det, ma gong det mur a kum petutna anun a taro Juda.

Aposel 23:12

Una bung palu una kobot, a ramano kum te Juda, elar nama wat na noino ma i puku, det wasiso tomo pas ra det liliman lena, ka det in nangon, ma ka det in inum, tuk ut ra det sa um doko tar o Pol.

Aposel 24:9

Numur a ramano taro Juda kai det warut una etakun, det watungi lena, a kum wasiso ri i lingmulus ut.

Aposel 25:2

A kum lamlabino tene etabor torom o God ma a kum mugumugu anun a taro Juda sapat o Jerusalem, det inanosi nama etakun un o Pol.

Aposel 25:7

Ra o Pol i sa wanpat, a taro Juda tagisapat o Jerusalem det tur talilis pasi, ma det takuni nama susut na maut na etakun, ikut ka det watung tu utna sur in ulingmulus anundet a kum etakun uni.

Aposel 4:12

Katutaio gisen in ulaun dat, ma katu risan taio kai taginin una rakrakon bual, ra o God i pitar tari torom dat a taro, sur din ulaun dat nami.”

Aposel 9:23

Ra i sa rop a susut na bung, a taro Juda det epak sur det in um doko o Sol.

1 Korin 10:33

A nemi sur an ugasgas a taro rop una kum utna rop ra a ser pami. Ka pam tu utna sur in uwakak iau, awu, a pam a kum utna sur in uwakak lako susut na taro, sur o God in ulaun pas det.

Galesia 5:11

A kum tistising, ka ususer meleti mo a taro una tinotok talilis. Iri a kibino ra a taro Juda det ukadik iau. Gunuk ra an ususer utmakai uni, ka det in ukadik iau. Ikut det ukadik iau, uni a ususer a taro sur det in nurnur kut unin nanai kutus anun o Karisito.

Epeses 3:13

I mo ra, a saring mot sur gong mot tusako ra mot longoro a kum mamaut ra a barato i sur an warut mot. A taramo a mamaut sur anumot a kinkinis na minamar.

Epeses 3:8

Ma iau, a natino sakit tandet rop a taro anun o God. Ikut i maris iau, ra i pitar tar a pinapam ri tang, sur an warawai torom det ra awu sur a taro Juda una kum utna anun o Karisito ra i labo sakit, ma ken elar sur taio in tasman rop pasi.

1 Tesalonaika 1:10

Ra mot kis langlang sur o Nutunu, ra in nan pirso tagisapat una langit, i ra o God i sa ukatutur melet pasi gusun a minat. O naro ra, o Iesu, ra i ulaun pas dat gusun a kankan anun o God, ra in nanpat.

2 Tesalonaika 2:10

Una kum ngas na sakino rop ra in pami, in toro a taro ra det wanan sur a iniru. Det in iru, uni ka det mulaot sur det in nem a lingmulusino, sur o God in ulaun det.

1 Timoti 2:4

I nemi sur in ulaun a taro rop, ma det in tasman a lingmulusino.

Ibru 6:8

Ikut a piso ra i pitari kut a kum laulau na wuliso ma a kum suksuk, katu utna i gas uni. Ken suano i kut, ra o God in pitar a warkurai na minabalu toromi, ma numur in tun ru i una sungun.

Tamtama 22:11

Osi ra a tene sakino din madek ru i sur in pami ut anun a kum sakino, ma osi ra i dur, din madek ru i sur in pami ut anun a kum dur na petutna, ma osi ra anun a petutna i tokodos, din madek ru i sur in pami ut anun a tokodos na petutna, ma osi kai ra anun o God, din madek ru i sur in pami ut anun a petutna ra o God i nemi.”