1 Tesalonaika 2:15 - Nupela Testamen long tokples Kandas

¹⁵ det ra det um doko a Labino o Iesu ma a kum poropet, ma det lu ru metul kai. O God ke gas nam det, ma det kis na ebar nama taro rop,

1 Tesalonaika 2:15 ပူးပေါင်းရင်းမြစ်များ

Matiu 23:37

“Jerusalem, Jerusalem, ui ra u ser um doko a kum poropet, ma det ra di tulu ru det torom ui, u duku doko ru det kut nama watat. A susut na dino a nem na ben tomo a kum nutnutum elar nama kereke ra i rakup bat tomo a kum nutnutunu utuntudu ina ru mebene, ikut ka mot nemi.

Matiu 27:25

A taro rop det balu i lena, “I wakak kut, a warkurai na minabalu una gapino in kis un met ma una kum nutnutumet kai.”

Matiu 5:12

Mot in gas, uni i labo sakit anumot a ikul sapat una langit. Uni di sa ban laulau mugu tar a kum poropet ra det laun numugu tamot, lenkutkai ra di pami un mot.

Luk 24:20

A kum lamlabino tene etabor torom o God ma anundat a kum mugumugu det pitar tari una warkurai sur in mat, ma di sak wati unin nanai kutus.

Aposel 12:3

I tama i lena a taro Juda, det gas nama minatin o Jems, ra i dat pas o Pita bulung una ra bung epotor tan a kum lamlabino bung na lotu na beret ra kalako is uni.

Aposel 2:23

Di pitar tar o Iesu torom mot, elar nami ra o God i sa tasman mugu tari, una nuknukino. Ra mot tomo nama kum sakino taro, mot sak wati unin nanai kutus.

Aposel 3:15

Ra mot um doko ru o Iesu, i ra a kibin a nilaun, ikut o God i ukatutur melet pasi gusun a minat. Ma met, met tama i ma met wasiso talapor uni.

Aposel 4:10

Mot ma a taro Juda rop, mot in tasmani lena, a musano ri ra i tur numugu tamot, di ulangolango pasi nama risan o Iesu Karisito a te Nasaret, i ra mot sak wat tari unin nanai kutus, ma o God i ukatutur melet pasi gusun a minat.

Aposel 5:30

A God anun a kum tumtubun dat tagun numugu, i ukatutur melet pas o Iesu, i ra mot sak wat tari unin nanai kutus.

Aposel 7:52

A kum tumtubu mot tagun numugu det ban laulau a kum poropet rop. Det um doko det ra det wasiso mugu una inawan pat urin anun a Tene Tokodos, i ra uniri mot usobor tari, ma mot um doko ru i.

1 Korin 10:5

Ikut a susut doko tagun det, o God ke gas nam det. Ra det mat nanan ma a kum minatin det, det inep ororos kut una nubual kalako taro uni.

2 Korin 11:26

A sa wan una susut na inawan. A elar nama utna na iniru una inawan una kum danim, ma a ramano kum dino kai, milau an iru una laman a kum sakino taro. Milau an barato a iniru tan anung a taro ut, ma tan a kum usiro na taro kai. Milau an barato a iniru una kum tamon, ma una kum nubual kalako taro uni, ma sa utasi. Ma milau kai, an iru ulaman a kum torotoro na tistising una nurnur.