1 Tesalonaika 2:10 - Nupela Testamen long tokples Kandas

¹⁰ Mot ut, ma o God kai, mot tama a magirametul ra metul kis epotor tamot, a kum tene nurnur. A magirametul i talapor ma i tokodos, ma katu etakun i los metul un tu utna.

1 Tesalonaika 2:10 ပူးပေါင်းရင်းမြစ်များ

Luk 23:41

I tokodos ut un dar, uni dar los a minabalu una nundar a sakino petutna. Ikut, a musano ri ke pam tu niraro.”

Aposel 20:18

Ra det wanpat toromi, i watungi tandet lena, “Mot tasmani ut anung a ngas na kinkinis una kum bung ra a kis pas nisamot, turpasi una bung ra a wanpat kibin nin una papor Asia.

Aposel 20:26

I mo ra uniri, a inanos kapo tar mot lena, ra taio tagun mot in iru una warkurai anun o God, awu sur iau a kibino, iau, a sa langolango.

Aposel 24:16

Lenkutkai ra, a dekdek doko sur anung a nilaun in tokodos umatan o God, ma umatan a taro kai.

2 Korin 1:12

Iri a utna ra met warango met nami: a balamet ke takun met un tu utna, uni met tasmani lena, ka met toro, met muri ut a tokodos na petutna tan o God, una numet a nilaun nin upiso, ma una numet a kinkinis tomo nam mot. Ka met mur a mananos anun a taro, met papam murmuri ut a marmaris anun o God.

2 Korin 11:11

Pepetlai, ra ka saring mani gusun mot, i upuaso i lena, ka nem mot? Awu. O God i tasmani lena, a nem doko mot!

2 Korin 11:31

O God, i ra a God anun a Labino o Iesu ma i o Tamano, ra a wasiso na ululabo toromi ken rop ma ken rop, i tasmani ut lena, ka toro.

2 Korin 4:2

Met sa mana gusun a kum sakino petutna ra di ser pam eno i, ma di ser maimai nami. Ka met papam nama torotoro, ma ka met palos raro a wasiso anun o God, awu. Met palos talapor a lingmulus na wasiso torom a taro, sur det in tasman lele i ut una nuknukin det lena, met watung a lingmulusino umatan o God.

2 Korin 5:11

I mo ra met papam doko sur met in ukatutur a nuknukin a taro sur det in nurnur, uni met ngara sur a Labino. O God i talapor un met lena, met osi na ngas na taro, ma a nurnur lenri mot kai mot talapor un met.

2 Korin 7:2

Mot in nem met nama balamot. Ka met pam tar tu sakino torom taio, ka met ben raro tar taio, ma ka met toro pas tu utna tan taio.

1 Tesalonaika 1:5

uni a Wakak na Wasiso ra metul upuaso i, awu sur i wanpat torom mot elar nama wasiso kut, awu. I wanpat tomo nama dekdek ma a Tokodos na Nion, ma mot longoro lele i ra mot pam ukai i una balamot. Ra metul laun nisamot, mot tasman wakak a magirametul, ra metul ser upuaso i sur in uwakak mot.

1 Tesalonaika 2:5

Mot sa tasmani lena, ka metul ugasgas mot nam tu wasiso na umarom, ma ka metul nemnem eno sur tu mani tamot. O God i tama i ma i tasman metul.

2 Tesalonaika 3:7

Mot ut mot sa tasmani lena, i wakak ra mot in mur a ngasino ra metul sa pam tari umatamot. Ra metul kis tomo nam mot, awu sur metul kis oros kut.

1 Timoti 4:12

Gong u madek tar taio sur in tama pisopiso ui, uni u barman utmakai. Una num a wasiso, anum a petutna, anum a marmaris, anum a nurnur ma anum a tokodos na nilaun, un elar nama wakak na malalar, sur a kum tene nurnur det in pam murmuri.

2 Timoti 3:10

Ui Timoti, u sa tasman rop anung a kum etowo, a magirang, a kum utna ra a ngara suri, anung a nurnur, anung a kinkinis wowowon, anung a marmaris, anung a tuntunur dekdek una kum ngunungut,

1 Pita 5:3

Gong mot ulabo pas mot, ma mot warkurai dekdek det, ra di sa pitar tar det una numot a tamtamabat. A magiramot in wakak sur a kum sipsip det in tama i ma det in muri.