1 Tesalonaika 1:9 - Nupela Testamen long tokples Kandas

⁹ Uni det ut det wasiso talapor una numot a wakak na petutna ra mot gas pas metul. Ma det wasiso talapor kai un mot lena, mot sa tupukus torom o God, ma ka mot lotu mo torom a kum torotoro na god. Mot papam mo torom o God, i ra a lingmulusino ma i laun.

1 Tesalonaika 1:9 ပူးပေါင်းရင်းမြစ်များ

Matiu 16:16

Ra o Saimon Pita i balu i lena, “Ui a Karisito, a Nutun o God ra i laun.”

Aposel 14:15

“A taro, sur asau ra mot pam a kum utna ri? Mir aru musano kut, mir elar kut kai lar mot! Mir wanpat kut nama Wakak na Wasiso torom mot, ma mir inanos mot sur mot in tupukus gusun a kum utna oros kut ri ra mot lotu torom det, sur mot in mur a God ra i laun. I ra, i ukis a bakut, a rakrakon bual, a tasi, ma a kum utna rop ubalandetul.

A Pas anun o Pol torom a taro Rom 9:26

Ma o Hosea i watungi kai lena, “Una tamon ra numugu o God i watung tari tandet lena, ‘Mot awu sur anung a taro,’ din watung det ‘a kum nutnutun o God, ra i laun.’” Os 1:10

1 Korin 12:2

Mot tasmani lena, ra ka mot nurnur utmakai, di ben raro pas mot torom a kum torotoro na god ra ka det ser wasiso, ma mot lotu torom det.

1 Tesalonaika 2:1

A kum tistisi metul, mot ut mot tasmani lena, anumetul a inawan pat torom mot ke utna oros, awu, i wu i ut a wino.

1 Tesalonaika 2:13

Ara kibino kai ra metul ser watung wakak torom o God i lenri: Ra mot rakon ukai a wasiso anun o God, ra mot longoro i ta metul, mot mulaot pasi. Awu sur mot mulaot pasi elar nama wasiso kut anun a taro, awu, mot mulaot pasi uni a wasiso ra, i a wasiso ut anun o God. A wasiso ra, kura i papam una nilaun anumot ra mot sa nurnur.

1 Timoti 4:10

I mo ri dat papam dekdek, uni dat kis langlang nama nurnur sur o God, ra i laun, ma a Tene Ulaun anun a taro rop, ra det nurnur uni.

Ibru 12:22

Ikut, mot sa wanpat una tangai Saion, i o Jerusalem kusapat una langit, a tamon anun o God, ra i laun. Mot sa wanpat torom a kum ariparip na ensel ra ka din luk lar pas det, ra det kis tomo nama gasgas.

1 Jon 5:21

A kum nutnutung liklik, mot in tamtamabat mot gusun a kum torotoro na god.

Tamtama 17:2

A kum king tagun a rakrakon bual det pam a laulau ino tomo nami. Ma a taro tagun a rakrakon bual det sipak nama wain ina nun a pamuk na petutna.”