1 Tesalonaika 1:6 - Nupela Testamen long tokples Kandas

⁶ Mot sa mur pas a magirametul ma a magiran a Labino. A taro det ban laulau mot, ikut mot pam ukai a wasiso nama gasgas, ra a Tokodos na Nion i pitar tari tamot.

1 Tesalonaika 1:6 ပူးပေါင်းရင်းမြစ်များ

Matiu 16:24

Ra o Iesu i watungi tan anun a kum nat na ususer lena, “Ra taio i nemi sur in mur iau, gong i mur a nuknukino. In los pas anun in nanai kutus ma in mur iau.

A Wakak na Wasiso un o Iesu Karisito o Jon i tumusi 8:12

O Iesu i wasiso melet torom a taro, ra i watungi lena, “Iau a talapor tagun a rakrakon bual. Osi ra i mur iau, in pam ukai a talapor na nilaun, ma ken nan melet una dumirum.”

Aposel 13:52

Ma a taro na ususer tong o Antiok det bukus nama gasgas ma a Tokodos na Nion.

Aposel 5:41

Ra a kum aposel det pirso gusun a kiwung, ma det gas, uni o God i tama det lena det wakak sur det in los a maimai una risan o Iesu.

Aposel 9:31

Numur a taro na lotu tong una tulu papor Judia, Galili ma o Samaria, det kis na malmal. Det kis nama urur torom a Labino, ra a Tokodos na Nion i uragot det. Ra a niluluk ina taro na nurnur i labo nanan.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

1 Korin 11:1

Mot in mur a magirang, elar nami ra a mur a magiran o Karisito.

1 Korin 11:2

A watung ulabo pas mot, uni mot ser nuk pas iau una kum ututna rop, ma mot mur a kum etowo ra a sa ususer tar mot nami.

1 Korin 4:16

I mo ra a udekdek pas mot sur mot in mur anung a petutna.

2 Korin 6:10

Met tupunuk, ikut met ser gas una kum bung rop. Met sibo, ikut met warut a susut na taro sur anundet a susut na utna. Kalako utna anumet, ikut a kum utna rop anumet.

2 Korin 8:5

Ma awu sur det pitar tari kut a mani ra met nuki lena det in pitari, det pitar mugu tar anundet a nilaun ut torom a Labino, ma torom met kai, elar nama nemnem anun o God.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Epeses 5:1

Mot in laun elar nama nilaun anun o God, uni mot a kum nutnutun o God, ma i maris doko mot.

Pilipai 3:17

A kum tistising, mot in mur anung a kum ngas na petutna, ra a sa pam ususer tar mot nami, ra i wakak sur mot in tamtama murmur det ra det muri.

2 Tesalonaika 1:4

I mo ra, metul ut metul ser warango pas mot torom a taro na lotu anun o God una kum tamon. Metul ser warango pas mot una numot a tuntunur dekdek ma anumot a nurnur, ubalan a kum mamaut ra mot taramo i ma a kum ngunungut ra a taro det ban laulau mot nami.

2 Tesalonaika 3:7

Mot ut mot sa tasmani lena, i wakak ra mot in mur a ngasino ra metul sa pam tari umatamot. Ra metul kis tomo nam mot, awu sur metul kis oros kut.

2 Tesalonaika 3:9

I tokodos sur metul in saring mot sur mot in warut metul, ikut ka metul nemi. Metul pam a pinapam sur metul in ese a ngasino ra i wakak sur mot in muri.

2 Timoti 4:2

Un warawai nama Wakak na Wasiso. Un dekdek uni, una kum bung ra a taro det nem na longoro ui, ma a kum bung ra ka det nemi. Un ukodos wakak a taro, un upuaso anundet a kum niraro torom det ma un uragot det. Un pam a kum utna ri nama wowowon na petutna torom det ma un ususer wakak det.

Ibru 10:34

Mot maris doko det ra det kis una karabus ra mot warut det. Ma mot gas kut ra a taro det ras pas anumot a kum ututna, uni mot tasmani lena anumot a kum ututna gisen, det in tur tukum, ma det wakak sakit taun a kum utna ra det ras pasi gusun mot.

1 Pita 1:6

A utna ri in ugasgas doko mot. I lingmulus ut, uniri mot in taramo a wur ngas na mamaut, ikut ken suano i.

1 Pita 1:8

Ka mot tama o Iesu utmakai, ikut mot nem doko i. Uniri ka mot tama i, ikut mot nurnur uni. Ma mot bukus nama labino gasgas ra ka din palos sot pasi nam tu wasiso, ma a gasgas ra, a minamarino i labo sakit.

1 Pita 3:13

Ra mot dekdek sur mot in pam a utna ra i wakak, osi ra in ban laulau mot?

3 Jon 1:11

A wakak na pasang, gong u tamtama ususer una sakino petutna, un muri kut a wakakino. Osi ra i pam a wakakino, i anun o God, ma osi ra i pam a sakino, ke tasman o God.