1 Tesalonaika 1:3 - Nupela Testamen long tokples Kandas

³ Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

1 Tesalonaika 1:3 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 14:15

“Ra mot in nem iau, mot in mur anung a kum warkurai.

A Wakak na Wasiso un o Iesu Karisito o Jon i tumusi 15:10

Ra mot in mur anung a kum warkurai, mot in laun una nung a marmaris, elar nam iau, a mur a kum warkurai anun o Tita, ra a laun una nun a marmaris.

Aposel 10:31

ra i watungi lena, ‘Konelias, o God i sa longoro tar anum a niaring, ma i sa tasman anum a kum etabor torom a kum sibo na taro.

Aposel 3:19

Mot in nukpukus, ma mot in nan torom o God, sur in unus ru anumot a kum sakino petutna,

A Pas anun o Pol torom a taro Rom 12:12

Mot in kis langlang nama gasgas sur a kum utna ra numur a Labino in tabor mot nami. Ra mot etorom a kum mamaut, mot in tur dekdek, ma gong mot mana nama niaring.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

A Pas anun o Pol torom a taro Rom 15:4

Uni a kum wasiso rop ra di sa tumus tari numugu utmakai una Buk Tabu, di tumus tari sur in ususer dat, sur dat in tur dekdek una anundat a nurnur, ma in warut dat kai, sur dat in kis langlang nama nurnur sur a kum utna o God in pami numur.

A Pas anun o Pol torom a taro Rom 16:26

Ikut uniri, i sa wanpat puaso. Met wasiso talapor una sau ra a kum poropet det watung tari un o Karisito. Met pami elar nami ra o God, i ra i laun tukum, i inanos tar met sur met in pami, sur a taro tagun a kum gapman rop, det in nurnur ma det in mur a wasiso anun o God.

A Pas anun o Pol torom a taro Rom 16:6

Mot in pitar anung a marmaris torom o Maria, ra i sa pam tar a dekdek na pinapam sur in warut mot.

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

1 Korin 13:13

A tulu utna ri detul kis tukum: a nurnur, a kinkinis langlang nama nurnur sur asau ra o God in pami, ma a marmaris. Ikut a marmaris i labo sakit tandetul.

1 Korin 15:58

I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.

2 Korin 2:17

Ka met elar nama susut na taro, ra det papam kut nama wasiso anun o God sur a mani. Ikut, un o Karisito met wasiso nama lingmulus umatan o God, uni i ut i tulu ru met.

Galesia 1:4

O Iesu i ubek ru anun a nilaun una anundat a kum sakino petutna, sur in ulaun dat gusun a kum sakino petutna ra a taro det pami una kum kilalo ri. I elar nama nemnem anun anundat a God a Tamandat.

Galesia 5:13

A kum tistising, o God i sa kabo pas mot toromi sur mot in langolango mulus. Ikut gong mot nuki lena mot sa langolango sur mot in mur a kum sakino nemnem ina pinimot, awu. Mot in warut etetalai mot nama marmaris.

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Galesia 6:9

Gong a pinindat i ngoro una wakak na pinapam ra dat pami, ma gong dat mana gusuni. Ra a du bung in sot, dat in pasong pas a wino tagun anundat a pinapam.

1 Tesalonaika 3:6

Uniri o Timoti i sa milet melet gusun mot sur urin nisamir. I los a wakak na wasiso talapor un mot torom mir, una numot a nurnur ma anumot a marmaris. I inanos mir lena, mot ser gas ra mot ser nuk melet pas anundat a kum kinkinis tomo numugu, ma mot nem doko i sur mot in tama metul, elar nam metul kai metul nem doko i sur metul in tama mot.

2 Tesalonaika 1:11

I mo ra metul ser wararing sur mot torom anundat a God, sur in watung mot lena mot tokodos sur a ngas na nilaun ra i kabo pas mot suri. Ma una dekdekino in warut mot, sur mot in pam sot pas a kum wakak na pinapam ra mot nem na pami, ma a kum petutna rop ra anumot a nurnur i pam pati.

2 Tesalonaika 1:3

A kum tistisi metul, i wakak sur metul in ser watung wakak torom o God un mot. I tokodos lenra, uni anumot a nurnur i lubung dekdek, ma a marmaris torom mot etetalai kai i lubung nanan.

1 Timoti 1:14

Anundat a Labino i ese anun a labino marmaris torom iau, ra i pitar tar a nurnur ma a wakak na petutna torom iau. A etabor ri, i kibino un o Karisito Iesu.

1 Timoti 2:3

Ra mot in pami lenri, in wakak sakit ra o God, anundat a Tene Ulaun, in gas nami.

Ibru 10:36

Gong a pinimot i ngoro, mot in tur dekdek sur mot in mur a nemnem anun o God, ma numur mot in los pas a kum utna ra i sa uliliman taru uni.

Ibru 11:17

Una nun a nurnur, o Abaram i pitar tar o nutunu, o Aisak torom o God elar nama etabor, una du bung ra o God i lari. A lingmulus, o God i sa uliliman tari lena, “A kum tumtubum det in nanpat tagun o Aisak.” Stat 21:12 Ikut, ra o God i inanosi sur in um doko o nutunu, i ara sot kut, elar nama etabor, o Abaram i mulaot ma i waninar sur in pam soti.

Ibru 13:21

A wararing torom o God sur in tabor mot nama kum wakak na petutna rop, sur mot in mur anun a nemnem. A wararing kai un dat, lena, una pinapam anun o Iesu Karisito, o God in papam una nilaun anundat sur asau ra in gas nami. Dat in watung ulabo pas o Iesu Karisito, ken rop ma ken rop. Amen.

Ibru 4:11

I mo ra dat in dekdek sur dat in ruk una tamon na mana ra, sur gong taio tandat i puku elar nama taro ra ka det mur a wasiso anun o God.

Ibru 6:15

Ra o Abaram i kis langlang ma a pinino ke ngoro, ra numur i utur ukai asau ra o God i sa uliliman tari nami.

1 Pita 3:4

Anumot a ememar mulus ra ken rop, in nanpat ut tagun a balamot, lenri a wowowon na petutna ma a kinkinis na malmal. A ememar ri, a labino utna doko umatan o God.

1 Jon 3:18

A kum nutnutung liklik, gong dat marmaris nama wasiso, o nama wandat kut. Dat in marmaris nama wakak na pinapam ma a lingmulusino.

1 Jon 3:21

A kum wakak na paspasang, ra a nuknukin dat ke takun dat, dat in balano molmol umatan o God.

1 Jon 3:3

Osi ra i kis langlang nama nurnur sur o Karisito, in waninar anun a nilaun ma in utalapori elar nam o Karisito ra i talapor.

1 Jon 5:3

Ra dat nem o God, dat in mur anun a kum warkurai. Ma anun a kum warkurai, ke ngangitin sur dat in muri.

Tamtama 2:19

A tasman anumot a kum pinapam, anumot a marmaris, anumot a nurnur, anumot a pinapam na warut a taro, ma anumot a tuntunur dekdek ra mot taramo a ngunungut. A tasmani lena anumot a kum pinapam uniri, det labo taun a kum pinapam ra mot pami numugu.

Tamtama 3:10

Ra a labino larlar in nanpat una rakrakon bual rop, sur in lar det ra det kis nin upiso, an tamtamabat mot gusun a du bung ra, uni mot mur anung a wasiso sur mot in tur dekdek ra mot taramo a ngunungut.