1 Pita 5:14 - Nupela Testamen long tokples Kandas

¹⁴ Ra mot etorom, mot in nem etetalai mot nama egom na marmaris. A malmal torom mot rop ra mot tagun o Karisito.

1 Pita 5:14 ပူးပေါင်းရင်းမြစ်များ

Matiu 5:47

Ra mot gas pas a kum paspasa mot kut, mot in wakak pepetlai taun ara taro? A taro kai ra ka det nurnur, det ser gas pas a kum paspasan det kut.

A Wakak na Wasiso un o Iesu Karisito o Jon i tumusi 14:27

A pitar a malmal torom mot. Anung a malmal ra, a tabor mot nami. Ka tabor mot elar nama rakrakon bual i etabor. Gong a balamot i mamaut, ma gong mot ngara.

A Wakak na Wasiso un o Iesu Karisito o Jon i tumusi 16:33

“A watung a kum wasiso ri tamot sur mot in laun un iau, ma a balamot in bukus nama malmal. Nin una rakrakon bual, mot in taramo a mamaut. Ikut gong mot ngara, uni a sa winim pas a rakrakon bual.”

A Wakak na Wasiso un o Iesu Karisito o Jon i tumusi 20:19

Ra i mirum una mugano bung una wik, a kum nat na ususer det kis tomo, ma det ukai bat pas det tagisa urumu, uni det ngaran a ramano kum te Juda. O Iesu i wanpat ma i tur epotor tandet, ra i watungi tandet lena, “A malmal torom mot.”

A Wakak na Wasiso un o Iesu Karisito o Jon i tumusi 20:26

Ra i sa ra wik bati, a kum nat na ususer det kis tomo melet tiro urumu, det tomo nam o Tomas. Det ukai bat pas det ut tagisa urumu. Ikut o Iesu i wanpat puaso ma i tur epotor tandet, ra i watungi lena, “A malmal torom mot!”

A Pas anun o Pol torom a taro Rom 1:7

A tumtumus torom mot rop tiro o Rom, ra o God i maris mot, ma i kabo pas mot sur mot anun a taro. A marmaris ma a malmal tan o God a Tamandat ma a Labino o Iesu Karisito in kis tomo nam mot.

A Pas anun o Pol torom a taro Rom 16:16

Ra mot epastorom, mot in maris etetalai mot nama egom na marmaris, ma mot in pami elar nami ra mot anun o God. A taro na lotu anun o Karisito tagun a kum tamon rop, det pitar anundet a marmaris torom mot.

A Pas anun o Pol torom a taro Rom 8:1

I mo ra det ra tagun o Karisito Iesu, katu warkurai na minabalu mo anun o God torom det.

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

1 Korin 16:20

A kum tistisin dat rop det pitar anundet a marmaris torom mot. Ra mot etorom, mot in nem etetalai mot nama egom na marmaris, ma mot in pami nama tokodos na petutna.

2 Korin 13:12

Ra mot etorom, mot in nem etetalai mot nama egom na marmaris, ma mot in pami nama tokodos na petutna.

2 Korin 5:17

Ra taio tagun o Karisito, i a matok na ukukis. Anun a petutna tagun numugu i sa rop. Tama i, a matok na nilaun i sa wanpat.

Epeses 6:23

A malmal torom mot a kum tistising, ma a marmaris tomo nama nurnur, tan o God a Tamandat ma a Labino o Iesu Karisito.

1 Tesalonaika 5:26

Mot in nem a kum tistisi mot nama egom na marmaris, ma mot in pami nama tokodos na petutna.

1 Pita 1:2

O God a Tamandat i sa pilok pas mot ra i sa tasman mugu tar mot, ma a Tokodos na Nion i umatok pas mot sur mot a taro anun o God, sur mot in mur a wasiso anun o Iesu Karisito, ma in rus mot nama gapino. A marmaris ma a malmal in kis torom mot, ma in labo sakit.

3 Jon 1:14

Ikut a nuki lena, milau dar in tamtama tomo, sur dar ut dar in wasiso tomo.