1 Pita 4:8 - Nupela Testamen long tokples Kandas

⁸ Iri a utna ra i labo sakit taun a kum utna rop, mot in nem etetalai mot nama lingmulus, uni a marmaris i pulus bat a susut na sakino petutna.

1 Pita 4:8 ပူးပေါင်းရင်းမြစ်များ

1 Korin 13:1

Ra an wasiso nama wur ngas na wasiso anun a taro ma anun a kum ensel kai, ikut ra ka lason una marmaris, a elar kut nama garamut o a kudu ra i tangtangis oros kut.

1 Korin 13:4

Osi ra i lason una marmaris a pinino ke ser ngoro lakit torom taio, ma i ser pam a wakakino torom a taro. Ke ser nuknuk laulau sur a utna anun taio, ke ser warango pasi, ma ke ser dat walos in lorino.

Kolosi 3:14

Netes una kum petutna rop ri, i wakak sur mot in emar nama marmaris torom mot etetalai. A marmaris i dat tomo dat rop, sur dat in takai kut.

1 Tesalonaika 3:12

Ma metul wararing kai sur a Labino in ulabo anumot a marmaris, ma in bukus ma in tilingis epotor tamot ma torom a taro gisen kai, elar nama numetul a marmaris kai torom mot.

2 Tesalonaika 1:3

A kum tistisi metul, i wakak sur metul in ser watung wakak torom o God un mot. I tokodos lenra, uni anumot a nurnur i lubung dekdek, ma a marmaris torom mot etetalai kai i lubung nanan.

1 Timoti 1:5

A watungi lenra, sur a marmaris in lubung epotor tandat etetalai. A marmaris ra, i wan tagun a tokodos na balandat, ma a wakak na nuknukin dat, ma a lingmulus na nurnur.

Ibru 13:1

Gong mot mana nama marmaris etetalai torom mot, lar a kabo tistisino.

Jems 5:12

A kum tistising, iri a utna ra i labo sakit, gong mot udekdek anumot a kum liliman nam tu ngas na wasiso kai. Gong mot liliman nama langit, o a rakrakon bual, o tu utna gisen kai. Ra mot mulaot, mot in lena “ma”. Ra mot ipul mot in lena “awu,” i kut ra, sur gong mot iru una warkurai anun o God.

Jems 5:20

A watungi tamot, ra taio in ben pukus pas a tene sakino gusun anun a kum niraro, i sa ulaun pas a nion a musano ra gusun a minat, ra a Labino in unus ru anun a susut na sakino petutna.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

3 Jon 1:2

A wakak na pasang, a wararing sur ui, sur anum a wakak na nilaun ma anum a wakak na kinkinis, elar nama niom ra i laun wakak.