1 Pita 3:5 - Nupela Testamen long tokples Kandas

⁵ A kum wardain tagun numugu, ra det tokodos ma det nurnur un o God, det ser emar lenri. Det ser unatino pas det torom anundet a kum musano,

1 Pita 3:5 ပူးပေါင်းရင်းမြစ်များ

Aposel 1:14

Det tomo nam o Maria o nan o Iesu, ma a kum tistisin o Iesu, ma a ramano kum wardain kai. Det rop ka det mana nama niaring una kum bung.

Aposel 9:36

Ara ino tagun a taro na ususer i kis tong o Jopa, a risano o Tabita, ma una wasiso Grik di watungi nam o Dokas. A ino ri, i ser pam a susut na wakak na pinapam, ma i ser tabor a sibo na taro.

Epeses 5:33

Ikut, arara tagun mot in nem anun a ino elar nami ra i nemi ut. Ma a ino, in urur torom anun a musano.

1 Timoti 2:10

A wardain ra det watungi lena det ser lotu torom o God, det in emar nama kum wakak na pinapam.

1 Timoti 2:15

Din ulaun a wardain kibino una usus. Din ulaun det ra det ser tur dekdek una nurnur, ma una marmaris. Det ra, det ser mur a petutna ra o God i nemi, ma a petutna ra i sot sur a wardain det in muri.

1 Timoti 5:10

ra a taro rop det tasman anun a kum wakak na pinapam lenri: i ugu wakak a kum nat, i ser gas pas a taro una nun a rumu, i ser gos ru a kubus gusun a kikin a taro anun o God, i ser warut a taro ra a kum mamaut i los det, ma i pitar tar anun a nilaun sur a kum wakak na pinapam rop.

1 Timoti 5:5

A ula, ra kataio i tamtamabati ma i sibo mulus, i nurnur kut un o God ma i kis langlang sur in waruti. Una kum mirum ma a waspi, i ser wararing sur o God in waruti.

Ibru 11:11

O Abaram, der nam o Sara der sa takano ma o Sara i pobo. Ikut, una nun a nurnur, o Abaram i pet lar pasi sur in ulabo pas tu nutunu, uni i tasmani lena, o God in pam sot pas anun a liliman, ra i sa uliliman tari.

1 Pita 1:3

Dat in watung ulabo pas o God, a Taman anundat a Labino o Iesu Karisito. Una nun a labino marmaris, i sa usus matok tar dat. I mo ra uniri, dat kis langlang nama nurnur sur a nilaun tukum, uni o Iesu Karisito i katutur melet gusun a minat,