1 Pita 3:4 - Nupela Testamen long tokples Kandas

⁴ Anumot a ememar mulus ra ken rop, in nanpat ut tagun a balamot, lenri a wowowon na petutna ma a kinkinis na malmal. A ememar ri, a labino utna doko umatan o God.

1 Pita 3:4 ပူးပေါင်းရင်းမြစ်များ

Matiu 11:29

Mot in los anung in nikip, ma mot in ususer tang, uni a magirang i wowowon ma a ser unatino pas iau. Mot in los in nikip ri sur a niomot in mana.

Matiu 21:5

“Mot in inanos a taro Saion lena, ‘Tama i, anumot a king i mo ra pat i wan nanan torom mot, i unatino pasi, ma i kas una dongki, a barman na dongki.’” Sek 9:9

Matiu 23:26

Ui a pulu na Parisi! Un dur mugu pas a balan a kap ma a pelet, sur in talapor kai a surunder.

Matiu 5:5

Det ra det unatino pas det, det dan, uni det in los pas a rakrakon bual sur anundet.

Luk 11:40

Mot a kum longlong! Ka mot tasmani lena, o naro ra i pam a surun a kum utna, i pami utkai a balandet?

Luk 16:15

Ra o Iesu i watungi tandet lena, “Mot, mot ukodos pas mot kut umatan a taro. Ikut o God i tasman a balamot. Uni a utna ra i labo doko umatan a taro i laulau doko umatan o God.

A Pas anun o Pol torom a taro Rom 1:23

Ka det lotu torom o God ra i laun tukum, ma i bukus nama minamar. Det lotu kut torom a kum toktok ina kum musano ra det ser mat kut, ma torom a kum toktok ina kum piko, ma a kum wewegua, ma a kum utna ra det kaukawar nin upiso.

A Pas anun o Pol torom a taro Rom 2:29

Ikut, ra taio in mur o God namin balano, i ra a te Juda mulus. A tinotok talilis mulus, awu sur a ngasino ra a taro det mur a kum Warkurai ra di sa tumus tari, awu. A tinotok talilis mulus, a Tokodos na Nion ut i pami unin balano. A ngas na musano ra, awu sur a taro det in watung ulabo pasi, o God ut in watung ulabo pasi.

A Pas anun o Pol torom a taro Rom 6:6

Uni dat tasmani lena, a turai na nilaun anundat i sa mat tomo nam o Karisito unin nanai kutus, sur a sakino petutna una pinindat katu dekdekino. Ma ka dat in tene ititula melet mo anun a sakino petutna.

A Pas anun o Pol torom a taro Rom 7:22

Una nuknuking a nem doko a kum Warkurai anun o God.

2 Korin 10:1

A ramano taro det watungi lena, ra a kis torom mot, ka ser wasiso dekdek, ikut ra a kis gisen anung a wasiso i dekdek sakit. Iau, o Pol, a saring mot sur mot in longoro iau, uni o Karisito i unatino pasi, ma i papam nama wowowon na magirano torom a taro.

2 Korin 4:16

Iri a kibino ra ka met tusako. I kis pirso nanan a pinimet, ikut di umatok a niomet una kum bung rop.

Galesia 5:23

a petutna na urur, a petutna ra taio i tamtamabat wakak anun a nilaun. Katu warkurai in turbat a kum petutna ri.

Epeses 4:2

Mot in unatino pas mot, ma mot in kis na malmal. Mot in ese a wowowon na magiramot, ma mot in maris etetalai mot, ma gong mot balano sungun ra a ramano taro tagun mot det raro un lako kum utna.

Kolosi 3:12

Mot a talapor na taro anun o God, ra i maris doko mot, ma i pilok pas mot. I mo ra, i wakak sur mot in emar nama kum petutna ri: mot in warut a taro, mot in pam a wakakino torom det, mot in unatino pas mot, mot in kis na malmal ma mot in ese a wowowon na magiramot.

Kolosi 3:3

Uni mot sa mat gusun a ngas na nilaun tagun a rakrakon bual, ma uniri anumot a nilaun i kis eno tomo nam o Karisito, un o God.

1 Tesalonaika 4:11

Mot in dekdek sur anumot a nilaun in lenri: Mot in kis na malmal, ma gong mot uruk lorimot sur tu utna anun taio. Mot in papam nama lamamot sur amot a utna na inangon, elar nami ra metul sa watung tari tamot.

2 Tesalonaika 3:12

Una risan a Labino o Iesu Karisito metul turbat a ngas na taro ra, ma metul saring det, sur det in kis wowowon ma det in papam sur andet lako utna na inangon ra det in laun nami.

1 Timoti 2:2

ma sur a kum king ma a kum mugumugu rop, sur dat in kis wowowon nama malmal, ma dat in mur a petutna ra i wakak umatan o God, ma dat in urur torom o God.

2 Timoti 2:25

Det ra ka det nem anun a etowo, in ukodos wowowon det, sako o God in mulaot pas det sur det in nukpukus, ma det in tasman a lingmulusino.

Taitus 3:2

Gong det emang, det in balano molmol, det in pam a wakakino torom a taro, ma det in unatino pas det torom a taro rop.

Jems 1:21

I mo ra mot in mana gusun a kum dur na petutna, ma a kum sakino, ra kuri i bukus una rakrakon bual. Ra mot in unatino pas mot, ma mot in mur a wasiso ra di sa marut tari una balbala mot, a wasiso anun o God ra in ulaun mot.

1 Pita 1:23

Uni anumot a matok na nilaun ke kibino un taio taginin upiso, uni taio taginin upiso in rop kut. Di usus matok mot nama utna ra ken rop. Ma a utna ra, a wasiso anun o God, ra i laun ma in tur tukum.

1 Pita 3:15

Ikut mot in utur ukai o Karisito sur in nanpat a Labino una nilaun anumot. A kum bung rop, mot in kis na waninar sur mot in balu taio ra in ting mot lena, asau a kibino ra mot kis langlang nama nurnur. Ikut, ra mot balu i, mot in balu i nama wowowon na petutna ma a urur.