1 Pita 3:20 - Nupela Testamen long tokples Kandas

²⁰ A kum nion ra, a nion a taro tagun numugu utmakai una kum kilalo anun o Noa. O God i kiskis langlang pas det sur det in nukpukus, ra o Noa i pam a sip. Ikut det pitarngat. Ra o God i ulaun pasi mukut a tiwal det gusun in nolomom.

1 Pita 3:20 ပူးပေါင်းရင်းမြစ်များ

Matiu 7:14

Ikut a matansako ma a kisapi ra i wan sur a nilaun, i natino, ma a pak na taro kut det ser sio pasi.

Luk 12:32

“A nat na kunur na sipsip, gong mot ngara, uni a Tamamot i sa gas sur in pitar tar a matanitu torom mot.

Aposel 2:41

Det ra det mur a wasiso anun o Pita, di baptaiso det. Det elar nama tulu arip det, ra di luk tomo det nama kum tene nurnur.

A Pas anun o Pol torom a taro Rom 9:22

Lenutkai ra o God i pami una taro. O God i ling sur in ese anun a kankan ma a dekdekino. Ikut i kis langlang utmakai, ma ke pitar lakit a minabalu torom a taro ra det kis utuntudu ina nun a kankan, det ra det sa waninar sur a iniru.

Epeses 5:26

sur det anun a taro mulus. Ma i rus talapor det nama danim ma anun a wasiso.

Ibru 11:7

O Noa i longoro a utumarong anun o God toromi una kum utna ra in nanpat ra ka di tama i utmakai. Ra una nun a nurnur, i ru pas o God ma i mur anun a wasiso, ma i pam a sip, ra i ulaun pas det tamtamano uni. A nurnur anun o Noa i upuaso a kum sakino petutna anun a taro una rakrakon bual, ra o God i kuro det uni. Ma o God i watung o Noa a tene tokodos, kibino una nun a nurnur.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

1 Pita 1:9

Uni o God i sa ulaun pas a niomot, i a ikul una numot a nurnur.

1 Pita 2:25

Uni numugu mot elar nama kum sipsip ra det wan raro, ikut uniri mot sa milet melet torom anumot a Tene Tamtamabat anun a kum sipsip, a Tene Tamtamabat una niomot.

1 Pita 3:19

Ma i wan ra i warawai torom a kum nion ra det kis na karabus.

1 Pita 4:19

I mo ra, det ra det los a ngunungut una nemnem anun o God, det in pitar tar det torom anundet a Tene Ukukis, ra i ser pam sot rop pas anun a kum wasiso, ma gong det mana nama pam a wakak na petutna.

2 Pita 2:5

Ma o God ke maris bati kai a rakrakon bual numugu, ra i tulu in nolomom, ra a taro ra det rosumur gusun o God det iru uni. Ikut i ulaun pasi kut o Noa, a tene warawai una tokodos na petutna. Ma i ulaun pasi kai a wonom mawit det.

2 Pita 3:15

Mot in nuk pasi, a Labino ke wanpat utmakai, uni i kis langlang sur a taro det in nukpukus ma in ulaun pas det. A wasiso ri, a wakak na tisindat o Pol kai, i sa tumus tari munung torom mot. I tumusi nama mananos ra o God i pitar tari tano.