1 Pita 3:11 - Nupela Testamen long tokples Kandas

¹¹ In tupukus gusun a sakino ma in pam a wakak na petutna. In sisio sur a kisapi na malmal ma in dekdek pasi sur in muri.

1 Pita 3:11 ပူးပေါင်းရင်းမြစ်များ

Matiu 5:45

Ra mot in pami lenra in ese i lena mot a kum nutnutun a Tamamot, ra i kis sapat una langit. Uni i pitar tar a suan sur in talapor una kum tene sakino ma a kum wakak na taro kai, ma i pitar tar a bato torom a kum tene tokodos ma torom det kai ra ka det tokodos.

Matiu 5:9

Det ra det ser umalmal a taro, det dan, uni o God in watung det a kum nutnutunu.

Matiu 6:13

Gong u ben met una ululam. Un ulaun met gusun a Tene Sakino.’

A Wakak na Wasiso un o Iesu Karisito o Mak i tumusi 14:7

A kum sibo na taro det in laun bolbolos tomo ut nam mot. Ma nangisin mot nem na pam a wakakino torom det, mot in pami kut. Ikut iau, kan kis tukum nisamot.

Luk 1:79

In sisio un det ra det kis una dumirum, ma una dumirum na minat, sur in mugu dat una kisapi na malmal.”

Luk 6:35

Ikut mot in nem anumot a kum ebar, ra mot in pam a wakakino torom det. Ra a taro det nemi sur det in los pas tu utna munung gusun mot, mot in pitari kut, ma gong mot nemi sur det in balu i. Ra mot in pami lenra, anumot a ikul in labo sakit, ma mot a kum nutnutun o God a Labino Sakit, ra i ser maris det ra ka det ser watung wakak toromi, ma a kum tene sakino kai.

Luk 6:9

Ra o Iesu i watungi tandet lena, “An ting mot: Asau i tokodos sur din pami una Bung na Sabat? Din pam a wakakino o a laulau ino? Din ulaun taio, o din ban laulau taio?”

A Wakak na Wasiso un o Iesu Karisito o Jon i tumusi 17:15

Ka saring ui sur un rakon ru det gusun a rakrakon bual, awu. Ikut a saring ui sur un tamtamabat det gusun a Tene Sakino.

A Pas anun o Pol torom a taro Rom 12:18

Ra i topas mot, mot in dekdek sur mot in kis na malmal nama taro rop.

A Pas anun o Pol torom a taro Rom 14:17

Uni a matanitu anun o God awu sur tagun a utna na inangon ma a ininum. A matanitu anun o God tagun a tokodos na petutna, a malmal ma a gasgas tan a Tokodos na Nion.

A Pas anun o Pol torom a taro Rom 14:19

I mo ra dat in dekdek sur dat in pam a petutna na malmal, ma sur dat in udekdek a nurnur anundat etetalai.

A Pas anun o Pol torom a taro Rom 5:1

Una nundat a nurnur ut, o God i watung dat lena dat tokodos umatano. I mo ra dat kis na malmal tomo nam o God, kibino una nundat a Labino o Iesu Karisito.

A Pas anun o Pol torom a taro Rom 7:19

Uni, ka pam asau ra i wakak, ra a nemi sur an pami. Ikut a sakino petutna ra ka nemi sur an pami, i ra a ser pami.

A Pas anun o Pol torom a taro Rom 7:21

A tama ara ngas na dekdek kuri una nung a nilaun, lenri: Ra a nem na pam a wakakino, a sakino kut i wanpat.

A Pas anun o Pol torom a taro Rom 8:6

Osi ra a nuknukino i kis utuntudu ina sakino nemnem ina pinino, in mat. Ikut, osi ra a nuknukino i kis utuntudu ina Tokodos na Nion, in laun ma in taramo a malmal.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Galesia 6:10

Ra dat in pet lar pasi, dat in pam a wakakino torom a taro rop. Dat in pam mugu i torom a kum tene nurnur, ma numur torom a taro gisen kai.

Kolosi 3:15

I wakak sur a malmal ra o Karisito i tabor mot nami in mugu mot una numot a nilaun. Uni mot ara pinin o Karisito kut, ma o God i kabo pas mot sur mot in kis tomo nama malmal. Ra i wakak sur mot in ser watung wakak torom o God.

1 Timoti 6:18

Un inanos det sur det in pam a wakakino, ma det in bukus nama kum wakak na pinapam, det in ser etabor, ma det in ser isuaro a utna kai torom lako taro.

Ibru 12:14

Mot in dekdek sur mot in kis na malmal tomo nama taro rop, ma mot in madek o God sur in gos talapor anumot a nilaun. Ra o God ke gos talapor a nilaun anun taio, ken tama a Labino.

Ibru 13:16

Gong mot dumano i sur mot in pam a kum wakak na pinapam ma mot in tabor a taro. Uni a pinapam ra, i elar nama etabor torom o God ra in gas uni.

Jems 4:17

O naro ra i tasman a wakakino sur in pami, ikut ke pami, i pam a sakino petutna.

1 Pita 3:12

Uni a Labino i tamtama taru una kum tene tokodos, ma i longoro anundet a kum niaring. Ikut i rosumur gusun det ra det pam a laulau ino.” Sng 34:12-16

3 Jon 1:11

A wakak na pasang, gong u tamtama ususer una sakino petutna, un muri kut a wakakino. Osi ra i pam a wakakino, i anun o God, ma osi ra i pam a sakino, ke tasman o God.