1 Pita 3:1 - Nupela Testamen long tokples Kandas

¹ Lenkutkai ra, mot a kum nolin na wardain, mot in unatino pas mot torom anumot a kum musano. Ra a ramano tagun det ka det nurnur una wasiso anun o God, a wakak na magiramot kut in wasiso torom det. A magiramot in ben pas det torom o God,

1 Pita 3:1 ပူးပေါင်းရင်းမြစ်များ

Matiu 18:15

“Ra o tisim i pam a sakino un ui un nan toromi, ma mur kut mur in kis. Ra un watung puaso anun a niraro toromi. Ra in longoro ui, u sa umarom melet pasi.

A Pas anun o Pol torom a taro Rom 10:16

Ikut awu sur a taro rop det mur a Wakak na Wasiso. Elar nami ra a poropet Aisaia i sa watung tari lena, “Labino, osi i nurnur una numet a wasiso? Katutaio.” Ais 53:1

A Pas anun o Pol torom a taro Rom 6:17

A watung wakak torom o God, uni numugu mot a kum tene ititula anun a sakino petutna, ikut uniri mot mur a kum etowo nama balamot rop. A kum etowo ra di pitar tari tamot.

A Pas anun o Pol torom a taro Rom 7:2

Lenra an wasiso elelar una warkurai na nolin: Ra ara ino i nolin, a warkurai na nolin i ker tomo der nam anun a musano, ra a musano i laun utmakai. Ikut ra anun a musano i sa mat, a ino i sa langolango gusun a warkurai na nolin.

1 Korin 11:3

Ikut, a nemi sur mot in tasmani lena, o Karisito in lorin a kum musano rop, ma a musano in lorin a ino, ma o God in lorin o Karisito.

1 Korin 7:16

Ui a ino, ko tasmani ra un warut anum a musano sur in tene nurnur o awu. Ma ui kai a musano, ko tasmani ra un warut anum a ino sur in tene nurnur o awu.

Epeses 5:33

Ikut, arara tagun mot in nem anun a ino elar nami ra i nemi ut. Ma a ino, in urur torom anun a musano.

Kolosi 3:18

Mot a kum nolin na ino, i wakak sur mot in ser unatino pas mot torom anumot a kum musano, uni i tokodos sur mot, a taro anun a Labino mot in pami lenra.

Kolosi 4:5

Mot in papam nama mananos torom a taro ra ka det nurnur. Una kum du bung rop, ra i langolango sur mot in wasiso puaso torom det, mot in pami.

2 Tesalonaika 1:8

In ukadik det ra ka det tasman o God, ma ka det longoro a Wakak na Wasiso anun anundat a Labino o Iesu.

Ibru 11:8

Una nun a nurnur, o Abaram i mur a wasiso ra o God i kabo pasi sur in nan sur a tamon ra o God i sa uliliman tari sur numur anunu. I wan, ikut ke tasman a tamon ra i wan suri.

Ibru 5:9

O God i pam sot pas a pinapam ra un o Nutunu, ra o Nutunu i wanpat a kibin a pinapam na ulaun tukum a taro, torom det rop ra det ser mur anun a wasiso.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

1 Pita 3:2

ra det tama lele anumot a tokodos na petutna ma a urur ra mot ser pami.

1 Pita 3:7

Lenkutkai ra, mot a kum nolin na musano, mot in nem anumot a kum wardain una numot a kinkinis na nolin. Mot in pitar a urur torom det, uni a dekdekin det ke elar nama dekdeki mot. Det kai det in rakon a nilaun ra o God in pitari tamot. Mot in pami lenra, sur gong tu utna i turbat anumot a kum niaring.

1 Pita 4:17

A bung na warkurai i sa wanpat sur din warkurai mugu dat a taro anun o God. Ra a warkurai in turpasi un dat, in pepetlai torom det ra kura, ra det pitarngat una Wakak na Wasiso anun o God?