1 Pita 2:6 - Nupela Testamen long tokples Kandas

⁶ Uni di sa tumus tari una Buk Tabu lenri, “Tama i, a ubek tar a wat sapat o Saion. A wakak na wat ra a sa pilok pasi sur in udekdek a rumu. Ma osi ra in nurnur uni, ken maimai.” Ais 28:16

1 Pita 2:6 ပူးပေါင်းရင်းမြစ်များ

Matiu 12:18

“Iri anung a tultul ra a sa pilok pasi, anung a nat na wakak, a gas doko nami. An uruk tar a Niong uni, ra in upuaso a warkurai ra i tokodos torom a taro tagun a kum gapman.

A Wakak na Wasiso un o Iesu Karisito o Mak i tumusi 12:10

Pepetlai, ka mot luk a wasiso ri una Buk Tabu? I watungi lena, ‘A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu.

Luk 20:17

Ikut o Iesu i nas det, ra i watungi lena, “Asau mo a kukurai ina wasiso ri ra di sa tumus tari una Buk Tabu? ‘A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu.’ Sng 118:22

Luk 23:35

A taro det tur ra det ieli, ma a kum mugumugu det urongon laulau un o Iesu, det watungi lena, “I ulaun pas a taro gisen. Ra i a Karisito anun o God, anun a nat na pipilok, i wakak sur in ulaun pasi ut.”

A Wakak na Wasiso un o Iesu Karisito o Jon i tumusi 7:38

Osi ra i nurnur un iau, ‘a kum danim na nilaun det in sal pat tagun anun a nilaun,’ elar nami ra di sa tumus tari una Buk Tabu.”

Aposel 1:16

“A kum tistising, a wasiso anun a Tokodos na Nion, ra o Dewid i wasiso taru uni numugu utmakai una Buk Tabu, uniri di sa pam sot pasi. I wasiso un o Judas, i ra i mugu det ra det pam pas o Iesu.

A Pas anun o Pol torom a taro Rom 10:11

Elar nami ra di sa tumus tari una Buk Tabu lenri, “Osi ra in nurnur uni, ken maimai.” Ais 28:16

Epeses 1:4

Numugu utmakai ra o God ke ukisi utmakai a rakrakon bual, i sa pilok tar dat, sur dat anun a taro, ma katu etakun in los dat umatano, uni dat kis un o Karisito.

Epeses 2:20

Mot a rumu anun o God, ra di uturi netes una kum aposel ma a kum poropet. Det a kibin a rumu, ma o Karisito Iesu i a wakak na wat, ra i udekdek a rumu.

2 Timoti 3:16

A kum du wasiso rop una Buk Tabu i kimkibino ut tan o God, ma i wakak sur in ususer a taro, ma sur in upuaso a sakino anun taio toromi ut, ma in ukodos a kum niraro, ma in ususer a taro una tokodos na petutna.

1 Pita 2:4

Mot in nan torom a Labino, i a wat ra i laun. A taro det lakro ru tari, ikut o God i pilok pasi, ma i wakak doko umatano.

1 Pita 2:8

“A wat ra, a taro det in tutuka uni, ma det in puku.” Ais 8:14 Det tutuka uni, uni det pitarngat una wasiso anun o God. Ra det pami lenra, anun a wasiso ra i watung tari numugu un det, i sot un det.

2 Pita 1:20

Ara labino utna ri mot in tasmani lena, katu wasiso na poropet una Buk Tabu i wanpat tagun a nuknukin tu poropet.

2 Pita 3:16

Una nun a kum pas rop, ra i wasiso una kum utna ri, anun a wasiso i elar nami ra a sa wasiso taru nami. A ramano kum wasiso ra i tumusi i ngangitin sur din tasman a kukuraino. Ma ara taro ra ka det talapor wakak uni, ma anundet a nurnur ke dekdek, anundet a papalos uni i raro kut, elar nama nundet a papalos una ramano kum du Buk Tabu. Ma det ut det in iru uni.