1 Pita 2:25 - Nupela Testamen long tokples Kandas

²⁵ Uni numugu mot elar nama kum sipsip ra det wan raro, ikut uniri mot sa milet melet torom anumot a Tene Tamtamabat anun a kum sipsip, a Tene Tamtamabat una niomot.

1 Pita 2:25 ပူးပေါင်းရင်းမြစ်များ

Matiu 18:12

“Asau a nuknuki mot? Ra tu musano anunu tu mar na sipsip, ma ara tagun det in raro. Pepetlai, ken nan pas gusun a lisu na noino ma lisu tiro una kum tangai, ma in sisio sur ara ra i raro?

Matiu 9:36

Ra i tama a kunur na taro, i maris doko det, uni i talara a nuknukin det, ma det pot na marmaris, elar kut nama kum sipsip ra katu tene tamtamabat anundet.

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

Ibru 13:20

A wararing torom o God ra i ser pitar a malmal. I ra i ukatutur melet pas anundat a Labino o Iesu gusun a minat. O Iesu, i a labino tene tamtamabat anun a kum sipsip ra i mat ma i pitar tar a gapino ut sur in pam a kunubus ra in tur tukum. I mo ra o God i ukatutur melet pasi gusun a minat.

Ibru 3:1

I mo ra a kum tistising ra o God i sa pilok pas mot sur mot anun a taro, a nuknuki mot in kis dekdek un o Iesu. I ra a Aposel ma a mugumugu na tene etabor torom o God, ra dat nurnur uni ma dat wasiso puaso uni.

Ibru 5:2

A mugumugu na tene etabor torom o God i pet lar pasi sur in papam nama marmaris torom a taro ra ka det mananos ma det wan raro, uni i kai, kalako dekdekino sur in winim pas a sakino.

1 Pita 3:20

A kum nion ra, a nion a taro tagun numugu utmakai una kum kilalo anun o Noa. O God i kiskis langlang pas det sur det in nukpukus, ra o Noa i pam a sip. Ikut det pitarngat. Ra o God i ulaun pasi mukut a tiwal det gusun in nolomom.

1 Pita 5:4

Ra a Labino Tene Tamtamabat anun a kum sipsip in nanpat, mot in rakon a kukup na minamar ra a minamarino ken rop.